योहन 17:25 - माडिया गोंड पवित्र सास्त्रम

²⁵ “ए सेतेमतोग़ बाबानिन, नीक दुनियातोर पुनोर; मति नना नीक पुह्‌नन. ओसो निमा नाक लोहतिन इनजोरे, नाक नमवालोर वने पुन्ह्‌तोर.

योहन 17:25 Referans Kwoze

योहन 17:11

नेटाहि नना इद बूमते ओसो मनोन आयकन. नना नियके वाय्ह्‌नन, मति वेर इतेके इद बूमतेन मनदनुर. ए पवित्र बाबानिन, बहलेह्‌का माट इर्वल उंद आस मह्‌नल, अहलेह्‌का वेर वने उंद पट आयना इन्जि, वेरिन काप आडा. ओसो निमा नाक नीवा पेदिरता लाव ईतिन, अद लावते वेरिन काप आडा.

योहन 17:8

बाराह्‌क इतेके बेव गोटिङ निमा नाक वेहतिन, अविस्किन नना वेरिह्‌क वेहतन. नना वेहतस्के वेर अविस्किन पोयतोर, पोसि नना नियग्डाहि पेसिस वातन इनजोर, वेर करले पुतोर, ओसो निमाने नाक लोहतिन इन्जि वेर नमतोर.

योहन 15:21

नाक लोहतोग़ बाबान वेर पुनवाह्‌कु, मीट नावाङ कग़यवालोरिर इन्जि, मीकु इद्रमताङ तिपल्क ईयनुर.

योहन 7:29

नना मात्रम ओन पुह्‌नन, बाराह्‌क इतेके नना ओनग्डाह वातन, ओग़े नाक लोहतोग़,” इनजोर इतोग़.

योहन 16:27

बाराह्‌क इतेके बाबाल कुदि मीक जीवा कीस्तोग़. मीट नाक जीवा कीयलाह आतिर, ओसो नना देवुळताहि वातन इनजोर नमलाह आतिर, अदिह्‌क बाबाल मीक जीवा कीस्तोग़.

इब्रितोर 8:11

उड्लोर आयिर, बेरोर आयिर, सबेटोर नाक पुनदनुर; अदिनेनाह्‌क ओर तमा तमा नाटेनोर मन्कलोरिन, तमा तमा जीवा-तलातोरिन, देवुळतुन पुन्ह्‌ट इन्जि, काग़्हचीयनद गर्ज इले आयग़ा;

2 कुरिंततोर 4:4

ओरु किर्स्तुन विस्वस केवा, इद दुनियातुन राजेम कीयनद देयह्‌कना मुक्यानु, देवुळ इनजोर ताना कय इळ्न मन्ह्‌तोर. ओरिह्‌क बेसता कबुर तेळियमाकि इनजोर, अदु ओरा बुदतुन गंगा पोय्‍पिह कीता. अदिह्‌क ओरिह्‌कु बेसता कबुरता वेह्‌च दिसो. अद बेसता कबुर इतेके, किर्स्तुना मान-डीसातुन तोहतह्‌ता, ओन ऊळतेके देवुळतुन ऊळतप आंदु.

योहन 8:55

मीट ओन पुनविर, मति नना ओन पुह्‌नन. ओसो नना ओन पुनोन इनजोर इनदकन इतेक, नना मीवा लेह्‌का जोलतोनन आयकन. मति नना इतेक ओन पुह्‌नन, ओसो ओनाङ पोल्‍लोङ केंजिस, अह तिरियिह्‌नन.

लूकाल 10:22

ओसो “नावा बाबाल नाकु सबे पुनदलाह ईतोग़. नावा देवुळबाबान विळ्सिसि, देवुळता मग़ि बोग़ आंदोग़ इनजोर बोग़े बह पुनोग़. अहे देवुळता मग़िन विळ्सिसि, देवुळबाबाल बोग़ आंदोग़ इनजोर बोग़े पुनोग़. अद्रमे नना बाबान तोहतलाह बोन-बोन आचिह्‌नन, ओरु बाबान पुनदनुर.”

तोहचीतव पोल्‍लोङ 13:8

मन्कलोर हव्किस मतद गोरेपिलाता अमेसातुह्‌क पिसवालोरा पुस्तकतगा, बोराङ-बोराङ पेदिर्क दुनिया पुटवस्केन रासतव मन्ह्‌ताङ, ओर रकसतुन माळोर आयनुर. मति ओरिन विळ्सिसि, बूमतगा मनवालोर सबेटोर, अद रकसतुन मोळ्कनुर.

1 योहन 1:9

अदिनेनाह्‌क मावा पापमतुन मकिह केवालेवा, देवुळता मुनेह कबुल आतेक अचोन, अद मावा पापमतुन मापि कीस्ता. ओसो सबे लाग्वाङ कबस्कना पापमताहि, माक एडिह कीस्ता. इद्रमलेह्‌का देवुळि तना वेहतप लेह्‌का कीसि, तना सेतेम तोहतह्‌ता.

2 तिसलुनितोर 1:8

देवुळतुन पुनवोर, येसुसामिना बेसता कबुरतुन केंजवोरिह्‌क सिक्सा ईयलाह, येसु मळ्गनद किसते ओसो वायनोग़.

1 कुरिंततोर 15:34

इव पोल्‍लोना लोप्पा पुन्ज मन्ह्‌टु. देवुळतुह्‌क विचर वातप बेस बुदते मन्ह्‌टु, पापम कीयनद विळ्साटु. मीक लजा वानाह उंद पोल्‍लो इह्‌नन, मियगा उच्वुर मन्कलोरिर देवुळतुन इंका पुनविरे.

1 कुरिंततोर 1:21

इतेके देवुळि मुनेन तना बुदते इद्रम विचर कीता: इद दुनियाता बुदते, मन्कलोर नाक पुनमाकिर इता. माट किर्स्तुना बेसता कबुरतुन पोकुर कीय्ह्‌नोम. अद पोल्‍लो बुदता, तेल्वता आयो इनजोर, लोकुर पास्किह्‌तोर. मति मन्कलोर पास्कनद पोल्‍लोतेन, विस्वस केवालोरिन पिसिह कीकन इनजोर, देवुळतुह्‌क विचर वाता.

रोम सहरतोर 3:11

तेळियतोग़ ओर्वोग़ वने इलेग़. देवुळतुन पुनदलाह बोग़े विचर केवोग़.

रोम सहरतोर 1:28

ओरिह्‌क देवुळतुन सीता कीयलाह, मुर्तिय विचर वावो. अदिनेनाह्‌क ओरा बुद करबता मनि, ओप्पवव कबस्क कीयिर इनजोर, देवुळि ओरिन विळ्सिसीता.

बळयिर 26:18

ओरिन ईकळताहि देवुळता वेह्‌चतगा वायनदु,देयमदीपता लावताहि देवुळतके वायनदु, अग़ तोहतलाह नीक लोहतह्‌नन. ओर नाक विस्वस कीतेके, ओरा पापमता मापि आयग़ा, अहे देवुळ आचतोर लोकुरा संगे ओरिह्‌क जागा दोर्कग़ा,’ इनजोर इतोग़.

बळयिर 17:23

इद्रम बाराह्‌क इह्‌नन इतेके, मीवाङ रावुळ्किन ऊळसोर तिरियनेके, उंद गर्यातुन ऊळतन. अगा ‘माट पुनवद पेनतेनाह्‌क’ इनजोर रासिस मता. मीट पुनवालेवा मोळ्किह्‌निर, अदे देवुळता पोल्‍लोतुन नना इंजेके मीक वेहतह्‌नन.

योहन 17:21

ए बाबा, बेद्रम निमा, नना, ऐंगे जोळेम आस मह्‌नल, अहे ओर सबेटोर उंद आसि मयगा जोळेम आस मनिर. अस्के निमा नाक लोहतिन इनजोरे, दुनियातोर पुनदनुर.

योहन 17:18

बहलेह्‌का निमा नाकु दुनियातोरगा लोहतिन, अद्रमे नना वने वेरिन इद दुनियातोरगा लोहतन.

योहन 17:3

निमा वग़ोनिन सेतेम देवुळतिन इन्जि नीक पुनदना, ओसो निमा लोहतोग़ पिसिह केवाल येसु किर्स्तुन पुनदना, इदे अमेसाता पिसमुळ आंदु.

योहन 16:30

इंजेक निमा कतमतविनु पुह्‌निन इनजोरे माक तेळियता. इनजोर कोनि बोग़ाय नीक ताल्ह्‌कनद गर्ज इले. अदिह्‌क इंजेक माटु निमा देवुळताहि वातिन इनजोर, सेतेम पोयह्‌नोम,” इतोर.

योहन 16:3

ओर बाबान पुनोर, नाक वने पुनोर इन्जि, इद्रम मीक तिपल कीयनुर.

योहन 8:19

तेन केंजिस ओर ताल्ह्‌कतोर, “अह इतेक नीवा बाबाल बेगाडोग़?” ताल्ह्‌कतस्के, “नना निटम बोनन आंदन, इदिन मीट पुनविर, ओसो नावा बाबान वने पुनविर. मीटु नाक पुन्ज मतेके, नावा बाबान वने पुनेरिर,” इन्जि येसु ओरिन इतोग़.

योहन 6:19

ओर रेंड कोस्क बार जागा ओडा वग़्हचोर अतापया, ऊळाटु, येसु एता पोग़ोट्क ताकसोरे, ओडाता एरे वायनदिन ऊळिसि, ओर पकाय रेयतोर.

योहन 3:17

देवुळि तना मग़िनु इद दुनियातोरिन सिक्सा ईयलाह लोहो, मति दुनियातोर ओना मेटे पिसना इन्जि, देवुळता विचर मता.

योहन 1:18

देवुळतुन बोग़े बेस्केन ऊळोग़. मति देवुळबाबाना संगे गट्ने मनवाल तना वग़ोग़ मग़ि, ओग़े माक बाबानु पुन्पिह कीतोग़.

मत्याल 16:16

अस्के सिमोन पत्रु इतोग़, “सामि, निमा इतेके जीवात मनदनद देवुळता मग़निन, अहे अद लोहतोग़ पिसिह केवानिन किर्स्तुनिन,” इह इतोग़.

मत्याल 11:27

पया येसु इतोग़, “नावा बाबाल नाकु सबे पुनदलाह ईतोग़. देवुळबाबान विळ्सिस, बोग़े बार देवुळता मग़िन पुनोग़. ओसो बाबान सिरप नना, ओना मग़नन, पुह्‌नन, ओसो बाबान तोहतलाह बोरिन नना आचिह्‌नन, ओर वने बाबान पुनदनुर.

तोहचीतव पोल्‍लोङ 16:5

मारियतस्के, पूरा एता पोग़ोन अदिकर मनदनद देवतुलि, देवुळतुन इता, “ए पवित्रतोनिन! अमेसा मतोनिन, नेंड वने मनवानिन! निमा इद्रमता सिक्सा लोहचि, सेतेमते नेयम कीतिन!