योहन 17:13 - माडिया गोंड पवित्र सास्त्रम

¹³ “नना इंजेके नियके वाय्ह्‌नन, बाबा. मति वेरा जीवाते नावा गिर्दा पूरा निंदना इन्जि, नना इद बूमते मनेकेने, इव गोटिङ वेहतह्‌नन.

योहन 17:13 Referans Kwoze

इब्रितोर 12:2

वितिह्‌पा येसुनगाने कोंडा वाटिङ. मावा विस्वसतुन पुटिह केवाल ओग़े; मावा विस्वसतुन तपवाह कीसेवाल ओग़े. इद बूमते मनदह्‌पा, देवुळि ओनेनाह्‌क तासिस मतद गिर्दातुने सीता कीतोग़; अदिनेनाह्‌क हव्कनागुटाता सिक्साता लजातुन सीता केवा, ओग़ तान आपतोग़. इंजेके देवुळता तिनळ बाजे, राजेम ताकिह कीयलाहि उदतोग़.

गलातितोर 5:22

देवुळता जीवा बारा, मावा जीवातगा मोन्ह्‌टटेके, मयगा इद्रमता पंटा पुटिह्‌ता: माट दुस्रोरिन जीवा कीय्ह्‌नल, माट गिर्दाते मह्‌नल, सुकमते मह्‌नल, बेदाय पोल्‍लोतुह्‌क चट्‌ने ओङ आयवा मह्‌नल, दुस्रोरिन जीवा वाटिह्‌नल, माट चिव्टमलेवा मह्‌नल, माट पोल्‍लो विळ्सतपे कीय्ह्‌नल, कुलुल बुदते ताकिह्‌नल, कुदतुन आव्रे कीय्ह्‌नल. इद्रम ताकतेके, माक यहुदिराङ अडोङ अडम आयोङ.

योहन 15:11

नावा लेह्‌का मीट गिर्दाते मनदना, ओसो मीवा गिर्दा पूरा निंदना इन्जि, मीक इव गोटिङ नना वेहतन.

योहन 3:29

बेद्रम मर्मपिला मर्मपेकानकेन दास्ता, अद्रमे लोकुर ओनक्‍केन दास्तोर. नना इतेके मर्मपेकाना कचुल निच मनवाल, ओना गोततोनन. ओना वळ्ह्‌कनदिन नना केंजिह्‌नन, केंजिसि गिर्दाते मह्‌नन. लोकुर ओनक्‍केन दास्तोर, इदिन ऊळिसि नावा गिर्दा पूरा निंदता.

1 योहन 1:4

मीट वने मावा संगे कलियिसि, माक पका गिर्दा वायि इनजोर, मीकु इव पोल्‍लोन रासलाह आतन.

योहन 13:3

येसु इतेके, नावा बाबाल नाकु पूरा अदिकर ईतोग़; नना देवुळतग्डाहि वातन, ओसो अगाने मल्स दाय्ह्‌नन इनजोर पुतोग़.

2 योहन 1:12

इंजेके मीक वेहतलाहि, नयगा वेल्‍लाङे पोल्‍लोङ मन्ह्‌ताङ; मति अविस्किन नना सीटटे रासोन. बह इतेके ननाने मियगा वायकन अस्के, माट ओर्विह्‌क-ओर्वोग़ मोकम मुनेह वळ्ह्‌ककल इन्जि, आसा कीयलाह आतन. अस्के माट बेस-नेह्‌ना गिर्दा आयकल.

रोम सहरतोर 14:17

केंजाट, देवुळि मीवा नडुम राजेम कीयना इतेके, तिनदनव-उनडनव पोल्‍लोनेके अचोन सीता केमाटु. सेतेमते ताकना, ओर्विना संगे ओर्वोग़ गूनमते मनदना, पवित्र जीवाता गिर्दाते निंदिस मनदना, इवे मोदुल पोल्‍लोङ आंदुङ.

योहन 16:33

नाक नमिसि मीट सुकमते मनदना इन्जि, इव गोटिङ मीक वेहतन. दुनियातोर मीक तिपल कीयनुर निटमे, मति दीरा पोय्म्ह्‌टु, नना दुनियातुन गेल्सतन,” इन्जि येसु इतोग़.

बळयिर 13:52

मति पिसिदिया एरियाता अंताकिया सहरतोर विस्वसिर, देवुळता पवित्र जीवाते निंदिसि, दिनम बेस गिर्दाते मंदुर.

योहन 7:33

अस्के येसु इतोग़, “नना ओसो गय्क मीवा संगे मह्‌नन, पया नना नाक लोहतोनगा पेसिस दाकन.

योहन 17:11

नेटाहि नना इद बूमते ओसो मनोन आयकन. नना नियके वाय्ह्‌नन, मति वेर इतेके इद बूमतेन मनदनुर. ए पवित्र बाबानिन, बहलेह्‌का माट इर्वल उंद आस मह्‌नल, अहलेह्‌का वेर वने उंद पट आयना इन्जि, वेरिन काप आडा. ओसो निमा नाक नीवा पेदिरता लाव ईतिन, अद लावते वेरिन काप आडा.