योहन 17:12 - माडिया गोंड पवित्र सास्त्रम

¹² नना वेरा संगे इद दुनियाते मनेके, नाक ईतद नीवा पेदिरता लावते, वेरिन राका कींदन. बोग़ बूळेम आयवाल मन्ह्‌तोग़, ओग़ यहुदान विळ्सिसि, वेरग्डाहि बोग़े बूळेम आयोग़. ओग़ बूळेम आयवाना लोप्पा, सास्त्रमते रासतद पोल्‍लो करल आयना इन्जि, इव गोटिङ आयनाय गावले.

योहन 17:12 Referans Kwoze

योहन 18:9

“बोरिन निमा नाक ईतिन, ओरग्डाहि वग़ोग़ वने लेसोग़ आयनोग़,” इद्रम येसु मुने देवुळबाबान वळ्ह्‌किस मतोग़, अद पोल्‍लो करल आयलाहि, वेरिन विळ्साटु इतोग़.

योहन 13:18

“नना मीट कतमतोरा लोप्पा वळ्ह्‌कोन. मति नना बोरिन आचतन, ओर बेद्रमतोर इन्जि नना पुतन. तेला मति नावा ऐंगे तिनवाल, नाके लाता वाटटोग़ इद्रम सास्त्रमते रासतद मन्ह्‌ता, अद करल आयनाय गावले.

योहन 6:37

बोन-बोन नाक बाबाल ईस्तोग़, ओर कतमतोर नयगा वास्तोर. ओसो बोर नयगा वायनुर, ओरिन नना बेस्केन मल्हच लोहोन आयकन.

1 योहन 2:19

ओर मन्कलोर मावाय मुडग्डाहि पेसतोर, मति निटम ओर मुनेताहि मावोर आयवा मतोर. अद्रम आस मतेके, मावाय संगे मनेर. ओर माक विळ्सिस अताह्‌कु, ओर बोरे मावा तोळतोर आयोर इनजोर, माक एर्का आस्ता.

2 तिसलुनितोर 2:3

इद्रम बेदाय रीतते, बोग़े मन्कनाङ पोल्‍लोने मीट लेसमाटु. मुने सबेटोर मन्कलोर देवुळता पोल्‍लोतुन केंजोम इनजोर, विरुद कीयनद कालम वायग़ा. पया देवुळताङ अडोन पास्कवाल मन्कल दिसनोग़. (ओना लाग्वा बुदि, ओन पूरा बूळेम आयनेकेन ओसीयग़ा.) ताना पयाये सामि वायनद दिया वायग़ा.

इब्रितोर 2:13

ओसो रासिस मन्ह्‌ता: नना देवुळता पोग़ोन बर्वस तासकन; इदु! नना वातन! देवुळि नाक ईतोर पिलाङ-पेकोरा संगे, नना वातन. इनजोर रासिस मन्ह्‌ता.

योहन 17:6

“बोर मन्कलोरिन निमा इद दुनियातोरग्डाहि नाक ईतिन, वेरिह्‌क निमा बेद्रमतोनिन इन्जि, नना पुन्पिह कीतन. वेर नीवा मन्कलोर आसि, वेरिन निमा नाक ईतिन. ओसो वेर नीवा पोल्‍लोतुन केंजिस, अहलेह्‌का कीतोरु.

पिलिपितोर 2:9

अदिनेनाह्‌क देवुळि ओन सबेटोरिह्‌क बेरोग़ कीता, ओसो सबे पेदिर्किह्‌काय, ओनाय पेदिरतुन बेरा कीता.

तोहचीतव पोल्‍लोङ 19:12

ओनाङ कोंडाङ किस मळ्गना लेह्‌काडाङ मताङ. ओना तलातगा वेल्‍लाङे राजटोपिङ मताङ. ओना पेदिर वने रासिस मता. ओन विळ्सिस, अद पेदिरतुन बोग़े दुस्रोग़ मन्कल पुनोग़.