योहन 15:26 - माडिया गोंड पवित्र सास्त्रम

²⁶ “तोळ आयनद सेतेम तोहतनद देवुळता जीवा, तान नना बाबानग्डाहि मियके लोहतकन. अद पेसिस वातस्के, नना बोनन आंदन इन्जि वेहतग़ा.

योहन 15:26 Referans Kwoze

योहन 14:26

तेला मति बाबाल तना पवित्र जीवातुन मीक तोळ मनदलाह लोहतनोग़, अद जीवा नावा अदिकर पोसि मीक कतम काग़्हतग़ा. ओसो बेव गोटिङ नना मीक वेहतन, अविस्किन कतमे अदु सीता कीसि वेहतग़ा.

बळयिर 5:32

इव पोल्‍लोना माट साक्सितोरोम मह्‌नोम. तानाङ पोल्‍लोङ केंजिसि ताकवालोरा पोग़ोन, देवुळि उदिह कीतद पवित्र जीवा वने, इव मावाङ पोल्‍लोना साक्सि ईस्ता,” इतोग़.

बळयिर 15:8

सबेटोर लोकुरा पोटालोप्पाडाङ पोल्‍लोन पुनदनद देवुळि, माट यहुदि विस्वसिरा पोग़ोन तना पवित्र जीवातुन बेद्रम उदिह कीता, अद्रमे ओर यहुदि आयवोरा पोग़ोन वने तना पवित्र जीवातुन उदिह कीसि, ओरिन वने आचता इनजोर तोहता.

लूकाल 24:49

ओसो नावा देवुळबाबाल बाताल ईकन इन्जि पोल्‍लो विळ्सिस मतोग़, अद पवित्र जीवातुन नना मियगा लोहतकन. बेचानाह देवुळतग्डा लाव मीवा पोग़ोन रेगो, अचानाह मीट इदे येरुसलेम सहरतगान मन्ह्‌टु,” इनजोर वेहतोग़.

तोहचीतव पोल्‍लोङ 22:1

पया अद देवतुल नाक उंद बेरेग़ तोहता. अद बेरेटा एग़ु आदुर्कना लेह्‌कान, सिरसिर एडिस मता. अद एग़ु जीवा ईयनद मता. देवुळता ओसो गोरेपिलाता राजकुर्सतग्डाहि, अद बेरेग़ पोङसोर मता.

योहन 16:7

तेला मति मीक सेतेम वेहतह्‌नन, नना अतेके मीवा पाय्दाये आयग़ा. नना अनवेके, तोळ मनदनद देवुळता जीवा मियके वावो आयग़ा. मति नना अतन इतेके, तान मियके लोहतकन.

योहन 8:42

अस्के येसु ओरिन इतोग़, “देवुळबाबाल मीवा बाबाल आस मतेके, मीट नाक जीवा केवेरिर; बाराह्‌क इतेके नना देवुळताहि पेसिस वातोनन आंदन. नना नावाय गिर्दाते इद बूमतगा वावोन, मति नावा बाबाल लोहताह्‌के, नना वातन.

बळयिर 1:4

उंद दिया ओग़ ओरा संगे मतस्के, ओरिन जमा कीसि, इद्रम उकुम ईतोग़, “देवुळता पेदिरते मीहवाल योहन, लोकुरिन एते मीहन्दोग़. मति वेल्‍ला दिया आयो, देवुळि तना पवित्र जीवाते मीक मीहतग़ा. इदिन कीकन इन्जि, बाबाल पोल्‍लो विळ्सिस मतोग़ इनजोर, नना मुनेन मीक वेहच मतन. अदिह्‌क मीट येरुसलेम सहरतुन विळ्समाट मति, अद जीवातेनाह्‌कु केपाट,” इनजोर वेहतोग़.