योहन 15:14 - माडिया गोंड पवित्र सास्त्रम

¹⁴ मीक नना बेद-बेद वेहतह्‌नन, अदिन मीट कीतेके, मीट नावाङ गोततोरिर आयकिर.

योहन 15:14 Referans Kwoze

मत्याल 12:50

बोर नावा देवुळदीपतोग़ बाबाल वेहतपु ताकिह्‌तोर, ओरे नावा दादाललेह्‌का, तमोग़लेह्‌का, एलाळलेह्‌का, अकाललेह्‌का, तलोग़लेह्‌का एरेटोर आंदुर,” इनजोर येसु इतोग़.

1 योहन 5:3

तानाङ अडोन माळसोर ताकतेके, माट देवुळतुन जीवा कीय्ह्‌नल इन्जि, माक एर्का आस्ता. अद्रमे तानाङ अडोङ माळलाह, वेल्‍ला तिपलताङ इलेङ.

याकुब 2:23

इद्रमलेह्‌का अब्रहम मुय्तोग़ देवुळता पोल्‍लोतुन नमतोग़, अस्के देवुळि ओन सेतेमतोनिन इता इनजोर, देवुळता सास्त्रमतगा रासतद इद पोल्‍लो करल दिसता. ओसो अब्रहमिन देवुळता गोततोग़ इनजोर वने इंदुर.

योहन 14:21

बोर नावा पोल्‍लोतुन माळिह्‌तोर, ओरे नाक जीवा केवालोर आंदुर. ओसो बोर नाक जीवा कीस्तोर, ओरिन नावा बाबाल जीवा कीस्तोग़. नना वने ओरिन जीवा कीकन, अस्के नाक ननाने ओरिह्‌क पुनाह कीकन,” इन्जि येसु वेहतोग़.

योहन 14:15

“मीट नाक जीवा कीतेके, नावा पोल्‍लोतुन माळकिर.

लूकाल 12:4

“नावा गोततोरिर, नना मीक वेहतलाह आतन, बोर मेंदुदुन हव्क पग़यह्‌तोर मति जीवातुन इट पग़वोर, ओर लोकुरिह्‌क रेयमाटु. ओर तान विळ्सिसि, तान्क अबर बातय कीया पग़वोर.

योहन 13:17

इव गोटिङ मीक तेळियिह्‌ताङ निटमे, इविन सीता कीसि ताकतेके, मीट देय्वातोरिर.

योहन 2:5

पया अदु मर्मिनगा सेवा-साकुर केवालोरिन इता, “वेग़ मीकु बाताङ वेहतनोग़, अहे कीम्ह्‌टु,” इता.

योहन 14:28

‘नना पेसिस दाय्ह्‌नन, पया पेग़्के मियके मल्स वायकन,’ इह इनजोरे मीक वेह्‌च मतन, अदिन मीट केंजतिर. नाक मीट पूरा जीवा कीतेके, नना बाबानेके दाय्ह्‌नन इतस्के, मीट गिर्दा आवेरिर, बाराह्‌क इतेके बाबाल नाकाय बेरोग़ आंदोग़.