योहन 14:31 - माडिया गोंड पवित्र सास्त्रम

³¹ मति नना बाबान जीवा कीय्ह्‌नन इन्जि, दुनियातोर पुनदनेनाह्‌क, बाबाल नाक वेहतपु, अहे नना कीय्ह्‌नन. “तेदाट, माट इग्डाह दाकल.”

योहन 14:31 Referans Kwoze

योहन 10:18

अद जीवातुन नयग्डाहि बोग़े ओया पग़वोग़, मति नावाय विचरते नना तान ईय्ह्‌नन. नाक अदिन ईयनद अदिकर मन्ह्‌ता, ओसो मल्स जीवा अरयनद वने अदिकर मन्ह्‌ता. इहे कीयनद उकुमि, नावा बाबाल नाक ईतोग़,” इन्जि येसु इतोग़.

पिलिपितोर 2:8

मन्कल आसि, ओग़ इचोन उड्ला बुदतोग़ आतोग़ इतेके, देवुळबाबाना पोल्‍लोतुन केंजिसि, तना जीवा वने ईतोग़. हव्कनागुटाता हामुर ओसोय लजाता मन्ज तेला, अदिन वने ओग़ तना पोग़ोन एतोग़.

योहन 12:49

नना इद्रम बाराह्‌क वेहतह्‌नन इतेके, नना नावाय विचरताङ पोल्‍लोङ वळ्ह्‌कोन; मति नना बाताल इनदना मन्ह्‌ता, ओसो बाताल वळ्ह्‌कना मन्ह्‌ता, अदिन नाक लोहतोग़ बाबाल, ओग़े नाक उकुम ईस वेहतोग़.

योहन 4:34

मति येसु ओरिन इतोग़, “बोग़ नाक लोहतोग़, ओना विचर मतप कीयना, ओसो ओना कबळतुन पूरा मारिह कीयना, इदे नावा तिंड आंदु.

लूकाल 12:50

मति अद आयनामुने, नाक तिपल आस डोलना मन्ह्‌ता. अद कबळतुन मारिह केवालेवा, नावा जीवा चुहेम आयो.

योहन 15:9

“बेद्रम बाबाल नाक जीवा कीतोग़, अद्रमे नना वने मीक जीवा कीतन. नना बाबानाङ केंजिसि ओना पोल्‍लोतुन माळिह्‌नन, अदिह्‌क ओग़ नाक जीवा कीयनदिन पुनजोरेन मह्‌नन. अद्रमलेह्‌काने मीट वने नावाङ केंजिसि नावा पोल्‍लोतुन माळाटु; अस्के मीट वने नना मीक जीवा कीयनदिन पुनजोरेन मनदकिर.

योहन 18:11

अस्के येसु पत्रुन इतोग़, “नीवा कसेटुन दाळोतगा तोग़्का, रा! बाबाल नयेनाह्‌क तासतद तिपलतुन, नना मुर्तिय एनोन आयकना?” इतोग़.

योहन 12:27

इंजेके नावा जीवा चुहेम आयो. नना बाताल इनदकन? ‘नावा तिपल आयनद कगो वामाकि, तेनग्डाह नाक पिसिह कीम, बाबा,’ इद्रम इनदकना? आयो, इद्रम इनोन, मति इद कगोतेनाह्‌के, नना इद बूमतगा वातन.

मत्याल 26:39

पया ओग़ु उचुन मुनेह अन्जि, कप मुळ्न्दिसि दंडुम अरतोग़, अह कीस पार्तना कीतोग़, “ए बाबा, निमा इह कीकन तेला इन्ज इतेके, नाक इद गोसा आयमाकि. तेला मति इद नावा विचरते आयो, नीवाय विचर मतपु आयि.”

मत्याल 26:46

तेदाट, माट ओरिन कलियलाह दाकल! नाक पोस एवाल इगा एरेन एवतोग़,” इतोग़.

योहन 13:1

आवना पंडुम इंजेके एरे एव्स मता. मुल्पेडा जावा उनडलाह, येसुनाङ कग़यवालोर ओना संगे ऐंगे उदिस मतोर. नना इद दुनियातुन विळ्सिसि, पोग़ोटोग़ बाबानेके दायनद कगो एवता इनजोर, येसु पुतोग़. इद दुनियाते मतोर तना लोकुरिन ओग़ जीवा कींदोग़, अहे हानाह्‌जोम ओग़ ओरिन जीवा कीसोर मतोग़.