योहन 14:3 - माडिया गोंड पवित्र सास्त्रम

³ नना अन्जि मियेनाह्‌क जागा तयर कीतन इतेके, मल्स वासि मीक नयगा ओयकन. बाराह्‌क इतेके बेगा नना मह्‌नन, अगा मीट वने मनदना इन्जि.

योहन 14:3 Referans Kwoze

योहन 12:26

बोर नावा सेवा कीयलाह ऊळिह्‌तोर, ओर नावाङ कग़यिर. बेगा नना मनदकन, अगा नावा सेवा केवालोर वने मनदनुर. बोर नावा सेवा कीयनुर, ओरिन नावा बाबाल कदर ईयनोग़.

2 तिमोति 2:12

तिपल्किन आपसोर केमेन मतेक अचोन, ओना संगे राजेम ताकिह कीकल, मति ओन पुनोम इनजोर इतेक अचोन, ओग़ वने माक पुनोन इनजोर इनदनोग़.

बळयिर 1:11

निचि ओरिन इद्रम इतोर: “ए गालिल पटटोरिर! बाराह्‌क पोग़ोन ऊळसोर नितिर? देवुळि येसुन पोग़ोन देवुळता जागातगा ओता. मीट ऊळनाह बेद्रम ओग़ पोग़ोन अतोग़, अद्रमे उंद दिया ओसोवन मल्स वायनोग़,” इतोर.

इब्रितोर 9:28

अद्रमे किर्स्तु उंदिय मल्का, वेल्‍लाटोर मन्कलोरा पापमतुन ओयलाह, तना नेतुर पोहच डोलतोग़. ओग़ ओसोवने दिसनोग़; इद मल्का पापमतुन ओयलाह वावोग़, मति तनेनाह्‌क केपतोरिन, पूरा पिसिह कीयलाहि वायनोग़.

रोम सहरतोर 8:17

इद्रमि किर्स्तुना लेह्‌का, माट वने देवुळताङ मग़्क-मयास्कनल आंदल, अहे ओना लेह्‌का माक वने देवुळबाबाल तनाङ मग़्क-मयास्किह्‌क तासतद बर्कत दोर्कग़ा. माट इद बूमते किर्स्तुना संगे तिपल आय्ह्‌नल इतेके, पया देवुळदीपते ओना संगे, देवुळताहि मान वने दोर्किह कीकल.

योहन 14:28

‘नना पेसिस दाय्ह्‌नन, पया पेग़्के मियके मल्स वायकन,’ इह इनजोरे मीक वेह्‌च मतन, अदिन मीट केंजतिर. नाक मीट पूरा जीवा कीतेके, नना बाबानेके दाय्ह्‌नन इतस्के, मीट गिर्दा आवेरिर, बाराह्‌क इतेके बाबाल नाकाय बेरोग़ आंदोग़.

योहन 17:24

“बाबा, ओरिन निमाने नाक ईतिन. ओर नावा डीसातुन ऊळनेनाह्‌क, बेगा नना दाय्ह्‌नन, अगाने ओर वने नावा संगे मनदना, इदे नावा विचर आंदु. अद डीसा निमा नाक ईतिन बाराह्‌क इतेके, दुनिया पुटनामुनेने नाक जीवा कीतिन.

2 तिसलुनितोर 1:12

अह आसि, मावा देवुळता ओसो येसुसामि किर्स्तुना देय्वाते, मीवा ताकमुळतेनाह्‌क येसुसामिह्‌कु मान दोर्कग़ा; अहे ओग़ वने मीक मान ईयनोग़.

तोहचीतव पोल्‍लोङ 3:21

बोर बोर लाग्वाङ पोल्‍लोन गेल्सनुर, ओरिनु नना नावा संगे राजेम ताकिह कीयलाह अदिकर ईकन. बेद्रम नना लाग्वाङ पोल्‍लोन गेल्सिसि, नावा बाबाल उदिस ताकिह कीयनद राजकुर्सतगा ओना संगे उदतन, अद्रम ओरिन उदिह कीकन.

पिलिपितोर 1:23

नडुम एग़्कतप लेह्‌का आतन. नाक इतेके, इद मेंदुलतुन विळ्सिस किर्स्तुनके दायना, इदे पका विचर वास्ता.

योहन 14:4

नावा दायनद अग़ि मीक इतेक एर्काय मन्ह्‌ता,” इनजोर इतोग़.