योहन 14:26 - माडिया गोंड पवित्र सास्त्रम26 तेला मति बाबाल तना पवित्र जीवातुन मीक तोळ मनदलाह लोहतनोग़, अद जीवा नावा अदिकर पोसि मीक कतम काग़्हतग़ा. ओसो बेव गोटिङ नना मीक वेहतन, अविस्किन कतमे अदु सीता कीसि वेहतग़ा. Gade chapit la |
मति मीवा जीवातगा इतेके, येसु किर्स्तुना मेटे दोर्कतद देवुळता पवित्र जीवा मन्ह्ता. अदिनेनाह्क बोग़े दुस्रोग़ मन्कल मीक काग़्हतनद गर्ज इले. किर्स्तुना मेटे दोर्कतद पवित्र जीवा मीक सबे काग़्हतह्ता. अद जीवा सेतेमता आंदु, जोलता आयो. अदिनेनाह्क अद काग़्हतप लेह्काने, किर्स्तुना संगे जोळेम आस मन्ह्टु.
इव गोटिङ मात्रम ओरेनाह्क आयोङ, मति वायना कालमतोरेनाह्क इतेके, मियेनाह्कु मन्ह्ताङ इन्जि, देवुळि ओरिह्क पुन्पिह कीता. अद्रमे मावा कालमते अव सबे गोटिनु, येसुना मेटे बेसता कबुर वेहवालोर, देवुळदीपताहि लोहतद देवुळता पवित्र जीवाता लावते, मीकु वेहतोर.देवतुल्क इंका इव असलताङ गोटिङ बेद्रम आस्ताङ, इदिन पुनदलाह ऊळसोरेन मन्ह्ताङ!
देवुळता रावुळतगा मोळ्कनद पोल्लो उंदि सीना आंदु, इवटे देवुळता जीवा माकु, इद कालमता लोप्पा काग़्हतलाह ऊळिह्ता. मोळ्कनस्के तिनदनव-उनडनव, एडिह कीयनव रिवज्कनाङ अडोङ मन्ह्ताङ. मति इवटे माट सिरप पलतेनाहे एडिह्नल. माटु कोडिङ वाटिह्नल, मोकिङ ईय्ह्नल, मति इव मावा जीवातुन एडिह कीया पग़वोङ. बाराह्क इतेके, इद रावुळताङ अडोङ मनाह्जोम, माटु सबेट्क पवित्र गूडटे ओळिय पग़वल. मति देवुळता पूना करल निताह्कु, अव अडोङ इंजेक दल्गोङ.
यहुदि आयवोरिह्क बेसता कबुर वेहतलाहि, नाक किर्स्तु येसुना बळयि आयना इन्जि लोहता. बेद्रम देवुळता बूमयाल ताना मुनेह, तान्क विचर वायनद कोड वाटिह्तोग़, अद्रमलेह्काने नना पोकुर कीतद कबुरतुन नमवालोर यहुदि आयवोर विस्वसिर, नावा कयदाहि देवुळतुह्क वाटटद कोडलेह्का मन्ह्तोर.देवुळता पवित्र जीवा ओरिन एडिह कीताह्कु, ओर वने देवुळता मुनेह पवित्र आतोर.
देवुळता जीवा वने इद निटम इनजोर, सास्त्रमते इद्रम साक्सि ईस्ता: “पेग़्के ओरा संगे इद्रमता करल कीकन: ओरा जीवातगा नावाङ अडोनु नना रासकन; नना अव अडोनु, ओरा सीतातगा तासकन,” इनजोर सामि इन्ह्ता, इद्रम सास्त्रमते रासतद मन्ह्ता. पया “ओरा पापमतुन, ओर अडोन देहतदिन, नना बेस्केन सीतात तासोन आयकन,” इनजोर वने इता.
उंद दिया ओग़ ओरा संगे मतस्के, ओरिन जमा कीसि, इद्रम उकुम ईतोग़, “देवुळता पेदिरते मीहवाल योहन, लोकुरिन एते मीहन्दोग़. मति वेल्ला दिया आयो, देवुळि तना पवित्र जीवाते मीक मीहतग़ा. इदिन कीकन इन्जि, बाबाल पोल्लो विळ्सिस मतोग़ इनजोर, नना मुनेन मीक वेहच मतन. अदिह्क मीट येरुसलेम सहरतुन विळ्समाट मति, अद जीवातेनाह्कु केपाट,” इनजोर वेहतोग़.
येसुन नमवालोरिह्क देवुळता जीवा दोर्कना मता, अदे जीवाता लोप्पा येसु इद पोल्लो वळ्ह्कतोग़. (येसु हातोग़, तेग़्कतोग़, पया देवुळतके मल्स अतोग़, अस्के) ओन्क देवुळताहि मान दोर्कता.(दोर्कतस्के ओग़ पवित्र जीवातुन बूमते लोहचीतोग़.) मति अद कगो इंका एववाय मता, अदिह्के पवित्र जीवा बोनगान रेगवाय मता, इनजोर इह वळ्ह्कतोग़.