योहन 13:33 - माडिया गोंड पवित्र सास्त्रम

³³ “ए पेकोरिर, नना ओसो गेळ्के मीवा ऐंगे मह्‌नन. पया मीट नाक पर्ह्‌ककिर, मति बहलेह्‌का नना यहुदिराङ पेदल्किह्‌क वेहतन, अहलेह्‌का नना मीक वने इंजेके वेहतह्‌नन: नना बेगा दाय्ह्‌नन, अगा मीट वाया पग़विर आयकिर.

योहन 13:33 Referans Kwoze

1 योहन 2:1

ए पेकोरिर! मीट पापम केमाटु इनजोर, इव पोल्‍लोन नना मियेनाह्‌क रासलाह आतन. मति मयग्डाह बोग़ाय पापम कीतेके, माकु देवुळबाबाना संगे गूनम केवाल ओर्वोग़ तोळतोग़ मन्ह्‌तोग़. ओग़े सेतेमतोग़ येसु किर्स्तु आंदोग़.

योहन 14:19

उचुके दियाङ पिसताङ, दुनियातोर पया नाक ऊळोर आयनुर, मति मीट नाक ओसो ऊळकिर. नना अमेसा जीवात मनदकन, अहे नावा लेह्‌का मीट वने अमेसा जीवात मनदकिर.

1 योहन 5:21

अदिनेनाह्‌क पेकोरिर, मीटु सबे जोल पेन-बोमानग्डाह जेक मन्ह्‌टु.

1 योहन 4:4

ए पेकोरिर! मीट देवुळताहि पुटटोरिर आंदिर. मियगा मनदनद ताना पवित्र जीवा, दुनियाते मनदनद देयह्‌कना मुक्याह्‌काय, एक्‍वा बेरा लावता आंदु. अदिनेनाह्‌क मीटु ओर जोल काग़्हवालोरिन गेल्सतिर.

गलातितोर 4:19

इंगो रा, इह केंजाट बाबा, किर्स्तुना बुदि मियगा पुटनाह्‌जोम, रिकम आयनद मग़तलिना पोटातगा आतप लेह्‌का, नावा पोटातगा मळमळ आस्ता.

योहन 7:36

‘मीट नाक पर्ह्‌ककिर, मति नना मीक दोर्कोन आयकन. ओसो बेगा नना मनदकन, अगा मीट वाया पग़विर आयकिर,’ इन्ह्‌तोग़. इद बेद्रमता पोल्‍लो आंदु?” इनजोर पेदल्क इंदुर.

योहन 13:36

सिमोन पत्रु पया येसुन इतोग़, “सामि, निमा बेके पेसिस दाय्ह्‌निन?” इन्जि ताल्ह्‌कतोग़. “नना बेगा दाय्ह्‌नन, अगा निमा इंजेके वाया पग़विन. मति पया पेग़्के वायकिन,” इनजोर येसु ओन इतोग़.

योहन 14:2

नावा बाबाना लोतगा मनदलाह, वेल्‍लाङे अराङ मन्ह्‌ताङ. अद्रम इलवेके, नना मियेनाह्‌कु मनदलाहि जागा तयर कीयलाह दाय्ह्‌नन इनजोर वेहेनना?