योहन 12:4 - माडिया गोंड पवित्र सास्त्रम

^4-5 ओर कग़यवालोरग्डाहि यहुदा इस्केर्योत इनवाल मतोग़ (ओग़े ओन कोंटेतोरा कयदे पोस एवाल मतोग़), ओग़ इतोग़, “इद अतर्नेयदुन वमतेके, वग़ोना वर्सामेटा पिसवग़ आवाल कोनि! तान वमिस, अव कोताङ गरिबतोरिह्‌क बाराह्‌कु एविर?” इतोग़.

योहन 12:4 Referans Kwoze

मत्याल 10:4

सिमोन (ओग़ रोम सर्करता अडम पार्टितोग़), ओसो यहुदा इस्केर्योत (वेग़े आक्रिते येसुन कोंटेतोरा कयदे पोसीतोग़). (वेरे येसुनाङ बारा मांदि बळयिरआंदुर.)

योहन 13:26

“बोन्क नना आरतुन किळ्हचि पुलातगा अह्‌चिस तीहतकन, ओग़े ओग़ आंदोग़,” इन्जि येसु इतोग़. अह इन्जि ओग़ आरतुन पोस, पुलातगा अह्‌चतोग़, अह कीसि सिमोन इनवाना मग़ि यहुदा इस्केर्योतिह्‌कु तीहतोग़.

योहन 13:2

अस्के सिमोन इस्केर्योतना मग़ि यहुदाल, वेना जीवातगा देयह्‌कना मुक्याल येसुन कोंटेतोरिह्‌क पोस ईयना, इद्रमता आय्डा पुटिह कीस मता.

लूकाल 6:16

तदु इनवाल यहुदाल, ओसो यहुदा इस्केर्योत (वेग़े आक्रिते येसुन कोंटेतोरा कयदे पोसीतोग़).

मत्याल 26:14

ताना पया बार आता? यहुदा इस्केर्योत इनवाल, वेग़ ओर बारा बळयिरग्डाहि ओर्वोग़ मन्ज तेला, पेर्मालोरगा अतोग़.