योहन 12:26 - माडिया गोंड पवित्र सास्त्रम

²⁶ बोर नावा सेवा कीयलाह ऊळिह्‌तोर, ओर नावाङ कग़यिर. बेगा नना मनदकन, अगा नावा सेवा केवालोर वने मनदनुर. बोर नावा सेवा कीयनुर, ओरिन नावा बाबाल कदर ईयनोग़.

योहन 12:26 Referans Kwoze

गलातितोर 1:10

बह इंजेके लोकुराहि मान दोर्कना इन्जि, नना ऊळिह्‌नना? बारा देवुळता देय्वा दोर्कना? बह मन्कलोरिन नना गिर्दा केवानन आय्ह्‌नना? मन्कलोरिन नना गिर्दा केवानन आस मतेके, किर्स्तुना कय इळ्न नना मनोन आवेनन.

रोम सहरतोर 1:1

नना पोलुनन, येसु किर्स्तुना कय इळ्न मनवानन; ओना बळयि आयलाह देवुळि नाक आचता. तना बेसता कबुर वेहतलाह नाक एग़िह कीता.

योहन 17:24

“बाबा, ओरिन निमाने नाक ईतिन. ओर नावा डीसातुन ऊळनेनाह्‌क, बेगा नना दाय्ह्‌नन, अगाने ओर वने नावा संगे मनदना, इदे नावा विचर आंदु. अद डीसा निमा नाक ईतिन बाराह्‌क इतेके, दुनिया पुटनामुनेने नाक जीवा कीतिन.

योहन 10:27

(बेद्रम गोरेङ कोपाना आल्कातुन केंजिह्‌ताङ, अद्रमे) नाक नमवालोर नावा आल्कातुन केंजिह्‌तोर, ओसो नाक पुन्ह्‌तोर. ओरिन नना पुह्‌नन ओसो ओरु नावाङ कग़यलाह वास्तोर.

2 कुरिंततोर 5:8

अदिनेनाह्‌क दीरा पोस मह्‌नोमे, मति इद मेंदुलतुन विळ्सिसि, पोग़ोन किर्स्तुनगा मनदनदिन पका विचर कीय्ह्‌नोम, इद मेंदुलते मनदनदिन आयो!

यहुदाल 1:1

नना यहुदानन, येसु किर्स्तुना सेवकनन, याकुबना तमोनन. बोरिन देवुळबाबाल आचतोग़, जीवा कीतोग़, ओसो येसु किर्स्तु मल्स वानाह्‌जोम बेस-नेह्‌ना तासतोग़, ओरिह्‌के इद सीटि रासलाह आतन.

1 योहन 5:3

तानाङ अडोन माळसोर ताकतेके, माट देवुळतुन जीवा कीय्ह्‌नल इन्जि, माक एर्का आस्ता. अद्रमे तानाङ अडोङ माळलाह, वेल्‍ला तिपलताङ इलेङ.

2 पत्रु 1:1

नना सिमोन पत्रुनन, येसु किर्स्तुना सेवकनन, ओना बळयिनन, मीट विस्वसिरिह्‌क इद सीटि रासलाह आतन. माक पिसिह केवाल मावा देवुळि येसु किर्स्तु, बोनाये मोकम ऊळवा, मावा संगे सेतेमते ताकिह्‌तोग़. अदिह्‌क ओनग्डाहि, माट बळयिरिह्‌क दोर्कतद विस्वसता बराबरेन, मीक वने दोर्कता.

2 कुरिंततोर 4:5

अदिह्‌क येसु किर्स्तुये सामि आंदोग़ इनजोर, माट पोकुर कीय्ह्‌नोम, मावाय लोप्पाडा पोल्‍लोतुन केवोम. माट इतेके ओना पोल्‍लो केंजताह्‌कु, मीवाङ सेवकिरोम आंदोम.

रोम सहरतोर 14:18

इद्रम कीस किर्स्तुना सेवा कीतिर इतेके, मीवा ताकमुळ देवुळतुह्‌क विचर वायग़ा, अहे मन्कलोर वने मीक कदर ईयनुर.

योहन 15:20

ओर्युल मन्कल तना माल्काह्‌क बेरोग़ आयोग़ इन्जि, मीक उंद पोल्‍लो वेहच मतन, तान सीता कीम्ह्‌टु. ओर नावा पेग़्के दल्गतोर इतेके, मीवा पेग़्के वने दल्गनुर. ओर नावा पोल्‍लोतुन माळतोर इतेके, मीवा पोल्‍लोतुन वने माळनुर.

लूकाल 6:46

“नना वेहतनव पोल्‍लोन केंजविर इतेके, नाक बाराह्‌क ‘सामि, सामि’ इह्‌निर?

पिलिपितोर 1:23

नडुम एग़्कतप लेह्‌का आतन. नाक इतेके, इद मेंदुलतुन विळ्सिस किर्स्तुनके दायना, इदे पका विचर वास्ता.

योहन 14:3

नना अन्जि मियेनाह्‌क जागा तयर कीतन इतेके, मल्स वासि मीक नयगा ओयकन. बाराह्‌क इतेके बेगा नना मह्‌नन, अगा मीट वने मनदना इन्जि.

लूकाल 9:23

ताना पया जमा आतोर सबेटोरिन इतोग़, “बोर नावाङ कग़यलाह वायना विचर कीस्तोर, ओरु दिनम तमा हव्कनागुटा कांजतप, नयेनाह्‌क वायनव तिपल्किन आपिर. ओसो तमाये गिर्दातुन पोहचि, नावा अग़दे ताकिर.

मत्याल 25:21

ओग़ सेवकनेनाह्‌क माल्काल गिर्दा आस इतोग़, ‘बेस-नेह्‌ना कीतिन, निमा बेस सेतेमतोग़ सेवकनिन. इचुटा पोल्‍लोतगा निमा सेतेम दिसतिन, अदिह्‌क नना नीकु वेल्‍ला मालसोमतगा अदिकर ईकन. वाय, माट कलियिसि गिर्दा आयकल,’ इतोग़.

कुलुसितोर 4:12

मियग्डोग़ इपपरास, येसु किर्स्तुना सेवक आंदोग़, इंजेके नावा संगे मन्ह्‌तोग़. ओग़ वने मीक जय येसु इन्ह्‌तोग़. मीट विस्वसते मेग़्किस मनदना, देवुळि मियेनाह्‌क तासिस मतव पोल्‍लोन मीट बेस-नेह्‌ना पुनदना, देवुळताङ विचर्किन पूरा पुन्जि, अद्रमलेह्‌का ताकना इनजोर, अमेसा आरेम आयवा मियेनाह्‌क पार्तना कीस्तोग़.

योहन 21:22

“नना इद बूमते मल्स वानाह्‌जोमु, ओग़ पिसिस मनदना इन्जि, नावा विचर मतेकाय, तेना नीकु बाताल वास अरता? निमा नावा सेवा कीसोर वय!” इन्जि येसु पत्रुन इतोग़.

योहन 14:15

“मीट नाक जीवा कीतेके, नावा पोल्‍लोतुन माळकिर.

मार्कल 8:34

पया येसु तनाङ कग़यवालोरिन, ओसो अगा जमा आता मुडुन, तना एरे केयिसि इद्रम इतोग़, “बोग़ाय नावाङ कग़यलाह वायना विचर कीतेके, ओग़ तना हव्कनागुटा कांजतप, नयेनाह्‌क वायनव तिपल्किन आपेग़. ओसो तनाय कुसितुन पोहचि, नावा अग़दे ताकेग़.

मत्याल 16:24

पया कग़यवालोरिन येसु इतोग़, “बोर नावाङ कग़यलाह वायना विचर कीस्तोर, ओर तमा हव्कनागुटा कांजतप, नयेनाह्‌क वायनव तिपल्किन आपिर. ओसो तमाये गिर्दातुन पोहचि, नावा अग़दे ताकिर.

लूकाल 12:37

केंजाट, नना मीकु सेतेम वेहतह्‌नन, अद्रम माल्काल मल्स वातस्के, ओर्युलतोर उंजवालेवा तयर मतोर इतेके, माल्काल कुदि दुपट नंडटुह्‌क दोहतनोग़. दोहचि मीट बेसतोरिर इनजोर ओरिन उदिह कीसि, तना कयदेन गाटो तीहतनोग़. ओसो ओरा एरे वासि, ओरा सेवा कीयनोग़.