योहन 11:55 - माडिया गोंड पवित्र सास्त्रम

⁵⁵ अस्के यहुदिरा आवना पंडुम एरे एव्स मता. पंडुमता मुनेन सोक आयनद रिवजतुन माळना इनजोरे, तमतमा नाटेनाहि वेल्‍लाय मुलु येरुसलेमतके अतोर.

योहन 11:55 Referans Kwoze

योहन 12:1

पया आवना पंडुमता आरुङ दियाङ मुनेने, येसु तनाङ कग़यवालोरा संगे बेतनि नाटे वासि, अगान मतोर. लाजर पेदिरतोन ओग़ हामुरताहि तेग़्किह कीस मतोग़, ओनगाने ओर मतोर.

योहन 6:4

अद तूकने यहुदि लोकुरा आवना पंडुम एरे एव्स मता.

योहन 2:13

यहुदि लोकुरा आवना पंडुम एरे एव्स मताह्‌कु, येसु येरुसलेम सहरतके पंडुमतगा अतोग़.

याकुब 4:8

देवुळता एरे मीट वातेके, देवुळ वने मीवा एरे वायग़ा. एय पाप्यह्‌लोरिर! करब आतव कय्किन नोग़तप लेह्‌का, (लाग्वाङ कबस्क केवा, मीवा ताकमुळतुन बेस) कीम्ह्‌टु. मीट रेंड विचर्क केवा, मीवा पूरा जीवा देवुळतगान मनि.

1 कुरिंततोर 11:28

अदिनेनाह्‌क ओर्वोग़-ओर्वोग़ मन्कल, मुने तन्क पर्ह्‌किस ऊळेग़. ऊळिस पया सामिन सीता कीयनद आरतुन तिनेग़, अंगुर जोमातुन उनेग़.

बळयिर 24:18

मंदिरतगा एडना रिवजतुन मारिह कीतापया, ओर नाक मंदिरतगा ऊळतोर. अस्के अगा नावा संगे वेल्‍लाय मुल इलोर आसि, बातय रोदा वने इलो.

योहन 18:28

पया यहुदिराङ पेदल्क पङवियनामुनेने, येसुनु कयपानग्डाहि रोम सर्करतोग़ गुमसि, पिलाति इनवानगा ओतोर. माकु आवना पंडुमता पोल्वाते, लोह्‌कने कुळ्प तिनदना मन्ह्‌ता, (अगा दुस्रा जाततोनालोन अतेके,) माट कळ्‍वोग़ आयकल इन्जि, ओर गुमसिना लोता लोप्पा नेङोर.

योहन 13:1

आवना पंडुम इंजेके एरे एव्स मता. मुल्पेडा जावा उनडलाह, येसुनाङ कग़यवालोर ओना संगे ऐंगे उदिस मतोर. नना इद दुनियातुन विळ्सिसि, पोग़ोटोग़ बाबानेके दायनद कगो एवता इनजोर, येसु पुतोग़. इद दुनियाते मतोर तना लोकुरिन ओग़ जीवा कींदोग़, अहे हानाह्‌जोम ओग़ ओरिन जीवा कीसोर मतोग़.

योहन 5:1

गळ्क मनेके, येसु गालिल पटटाहि पेसिसि, येरुसलेम सहरते यहुदिरा उंद पंडुमतगा अतोग़.

योहन 2:6

यहुदि लोकुर तिनदनामुने, तमाङ कय्क-काल्क नोग़यना रिवज ओरा मता. इद रिवजतेनाह्‌कु, अगा उंद-उंद रेंड-मूंड कुळाङ पोयतवु, बंडानाङ आरुङ गोलेह्‌क तासतव मताङ.

मार्कल 14:1

आवना पंडुम ओसो ओय्‍पिह केवद पिंडटाङ आरिना पंडुम एवयना रेंड दियाङ मुनेता पोल्‍लो: पेर्मालोरु, सास्त्रमगूरुर, वेर येसुन कुस्क्ने पोसि हव्कलाह अग़ ऊळिंदुर.

मत्याल 26:1

इव कतम काग़्हतनाङ पोल्‍लोङ मारतस्के, येसु तनाङ कग़यवालोरिन इतोग़, “रेंड दियाना पया आवना पंडुम मन्ह्‌ता इनजोर मीट पुह्‌निरे. अस्के माने-मन्कना नडुम पुटटोनु, हव्कनागुटातगा वेळ्हच हव्कलाहि पोसीयनुर,” इन्जि वेहतोग़.

लूकाल 22:1

अद्रमे पया ओय्‍पिह केवद पिंडटाङ आरिङ तिनदनद पंडुम एवसोर मता, तान आवना पंडुम वने इंदुर.

बळयिर 21:24

ओराय संगे निमा वने एडना रिवजतुन मारिह कीम. मारिह कीसि, मंदिरतगा ईयनव ओराङ पूरा मोकिना कर्सा निमाने कीसीम. अस्के ओर तमाङ तलाङ कोग़ियनुर. निमा इद्रम कीतिन इतेके, ‘माट पोलुना लोप्पा केंजतव पोल्‍लोङ उगसताङे, ओग़ वने मोसानाङ अडोन माळिह्‌तोग़,’ इनजोर सबेटोर यहुदिर पुनदनुर.

बळयिर 21:26

पया इमा दिया पोलु, ओर नालवुरा संगे मुनेटा दियाता एडना रिवजतुन कीसि, मंदिरतगा अतोग़. अन्जि एडनाङ दियाङ बेस्के मारनुङ, अस्के आक्रि दियाते ओर नालवुरेनाहि मोकि ईया पोयग़ा इनजोर, बूमयालोरिन वेहतोग़.