योहन 10:14 - माडिया गोंड पवित्र सास्त्रम

^14-15 मति नना नेह्‌ना कोपानन. बहलेह्‌का बाबाल नाक पुन्ह्‌तोग़ ओसो नना बाबान पुह्‌नन, अद्रमे नावाङ गोरेन नना पुह्‌नन, अहे अव वने नाक पुन्ह्‌ताङ. ओसो गोरेनेनाह्‌क नना नावा जीवातुन ईयलाह तयर मह्‌नन.

योहन 10:14 Referans Kwoze

योहन 10:27

(बेद्रम गोरेङ कोपाना आल्कातुन केंजिह्‌ताङ, अद्रमे) नाक नमवालोर नावा आल्कातुन केंजिह्‌तोर, ओसो नाक पुन्ह्‌तोर. ओरिन नना पुह्‌नन ओसो ओरु नावाङ कग़यलाह वास्तोर.

2 तिमोति 2:19

(अद्रम कीतेक तेला, लोतुन मेग़्किह कीयनद जोताता लेह्‌कान,) देवुळताङ निटम विस्वसिर, विस्वसते मेग़्किस निच मन्ह्‌तोर. जोतातगा माल्काना पेदिर रासतपु, (ओरा ताकमुळ इव पोल्‍लोङ तोहतह्‌ता:) सामि तना मन्कलोरिन पुन्ह्‌ता ओसो “बोर सामिनोरोम इन्ह्‌तोर, ओर लाग्वाङ कबस्कनाहि जेक मनिर,” इनजोर तोहतह्‌ता.

योहन 10:11

नेह्‌नोग़ गोरे कोपानन ननान आंदन. नेह्‌नोग़ कोपाल तनाङ गोरेनेनाह्‌कु तना जीवा ईयलाह तयर आस्तोग़.

1 योहन 5:20

देवुळता मग़ि येसुसामि इद बूमतगा वासि, सेतेम देवुळतुन पुनदना इन्जि, ओग़ माक बुद ईतोग़. माट इंजेके इदे निटम देवुळता संगे जोळेम आतल इतेके, ताना मग़ि येसु किर्स्तुना संगे जोळेम आतल. सेतेम देवुळ ओसो अमेसाता पिसमुळ एवाल वेग़े आंदोग़. माक विस्वसिरिह्‌क इव सबे पोल्‍लोङ एर्काय मन्ह्‌ताङ.

इपिसुसतोर 1:17

नना इद्रम पार्तना कीय्ह्‌नन: मावा येसुसामि किर्स्तुना देवुळतुन, डीसातोग़ बाबान मीट पूरा पुनदना इन्जि, ओग़ मीक तना बुदि ईयेग़, तनाङ विचर्किन मीक पुन्पिह कीयेग़.

योहन 17:3

निमा वग़ोनिन सेतेम देवुळतिन इन्जि नीक पुनदना, ओसो निमा लोहतोग़ पिसिह केवाल येसु किर्स्तुन पुनदना, इदे अमेसाता पिसमुळ आंदु.

तोहचीतव पोल्‍लोङ 2:2

मीट बेद्रम ताकलाह आतिर, विस्वसते मनदलाह बेद्रम कह्‌टेम कीय्ह्‌निर; तिपलते बह दीरा पोस मह्‌निर, इव सबे पुतन. लाग्वोर मन्कलोर मीक मुर्तिय विचर वावोर. येसु किर्स्तुनाङ बळयिरोम इनजोर, नाळेह केवालोरा लोप्पा पर्ह्‌किस ऊळतिर, ऊळिसि ओर जोलतोर मन्कलोर इनजोर एर्का कीतिर, इदिन वने पुतन.

2 तिमोति 1:12

अदिनेनाह्‌क नाकु इव तिपल्क वाताङ, वातेक तेला नना लजा आयोन. बाराह्‌क इतेके, नना बोन विस्वस कीतन इनजोर पुतन. (नना देवुळतुन विस्वस कीतन,) नना ताना कयदे तासिसीतद नावा जीवातुन, अदु किर्स्तु मल्स वायनद दिया एवनाह, राका कीस तास पग़यह्‌ता इनजोर, बेस-नेह्‌ना पुतन.

पिलिपितोर 3:8

अचोने आयो मति, नावा सामि येसु किर्स्तुन पुनदनदे मोदुल पोल्‍लो आंदु. तान्काय एक्‍वा पाय्दाता पोल्‍लो बेदे इले. निटम ओनेनाह्‌क सबे पोल्‍लोन दुरा इह्‌नन, किर्स्तुने दोर्किह कीयलाहि, नना इद्रम इह्‌नन.

योहन 17:8

बाराह्‌क इतेके बेव गोटिङ निमा नाक वेहतिन, अविस्किन नना वेरिह्‌क वेहतन. नना वेहतस्के वेर अविस्किन पोयतोर, पोसि नना नियग्डाहि पेसिस वातन इनजोर, वेर करले पुतोर, ओसो निमाने नाक लोहतिन इन्जि वेर नमतोर.

तोहचीतव पोल्‍लोङ 2:19

मीट बेद्रम ताकलाह आतिर, बेद्रम नाक जीवा कीतिर इनजोर पुतन. मीवा विस्वसतुन, मीवा सेवातुन, तिपलते दीरा पोस मनदनदिन इंका पुतन. मीट नाक विस्वस कीतस्केडा सेवातुह्‌काय, इंजेक एक्‍वा सेवा कीयलाह आतिर.

तोहचीतव पोल्‍लोङ 2:13

देयह्‌कना मुक्याल राजेम कीयनद जागातगा मीट मह्‌निर इनजोर, नना पुतन. मियग्डोग़ मन्कल अंतिपस इनवाल, नाक नमसोरे, नावा लोप्पा साक्सि ईसोर मतोग़. ईताह्‌कु, अग्डोर देयह्‌कना मुक्याल मनदनद, मीवा सहरतोर मन्कलोर ओन हव्कतोर. मीवा मन्कन हव्कतस्के वने, मीट नाक पोस विळ्सविर, नाक विस्वस कीयनदिन विळ्सविर इनजोर पुतन.

2 कुरिंततोर 4:6

देवुळि तना इद बूमतुन पुटिह कीयह्‌पा, ईकळताहि वेह्‌च दींचि इन्जि, वेह्‌चतुन पुटिह कीता. अदे देवुळि तना लावतुन माट पुनदना इनजोर, मावा जीवातगा तना वेह्‌चतुन पोतिह कीता. तना लावतुन येसु किर्स्तुना मेटे तोहचीता.

तोहचीतव पोल्‍लोङ 3:15

मीट बेद्रम ताकलाह आतिर, इदिन नना पुतन. मीवा ताकमुळ बेद्रम मन्ह्‌ता इतेके, मीट (सितुर ईयनद) किर्ङतद एता लेह्‌का वने इलविर, अहे (पोटातुन सव्रे कीयनद) कासतद एता लेह्‌का वने इलविर! किर्ङिसाय मनदना, इलवेके कासिसाय मनदना, अस्के नाक बेस ओप्पालि.

तोहचीतव पोल्‍लोङ 3:8

मीट बेद्रम ताकलाह आतिर, इदिन नना पुतन. मीवा लाव उचुने मन्ह्‌ता, मति मीट नाक विळ्सवा, दीराते नावा पोल्‍लोतुन केंजसोर मंदिर. अदिनेनाह्‌क ऊळाट, मीट ओळियलाह नना अग़ तेग़यतन, तान बोग़े केहता पग़वोग़.

तोहचीतव पोल्‍लोङ 2:9

नना मीवा तिपलतुन पुतन, मीट गरिबतोरिर इनजोर वने पुतन. मति मीट विस्वसता इसबते मता मन्कलोरिर आंदिर. मियगा उच्वुर तम्क देवुळ आचतोरोम इनजोर नाळेह कीस्तोर, मति ओर देयह्‌कना मुक्याना मुडोर आंदुर. ओसो ओर मीक पास्कनदिन वने पुतन.

तोहचीतव पोल्‍लोङ 3:1

“सरदिस सहरता विस्वसिरा मुडा देवतुलतुह्‌क इद्रम रासा: देवुळतग्डाङ एळुङ जीवानु बूममेंड लोहवाल, एळुङ उकान पोयतोग़ु, मीट विस्वसिरिन इनदलाह आतोग़: मीट बेद्रम ताकलाह आतिर इनजोर, नना पुतन. मीवा विस्वस जीवात मन्ह्‌ता इनजोर, लोकुर इन्ह्‌तोर; मति निटम ऊळतेके, अद डोललाह आता.

योहन 10:13

ओग़ कूलतोग़ आंदोग़, अदिह्‌क गोरेना पर्वा केवोग़, ओग़ वितिह्‌तोग़.