याकुब 2:10 - माडिया गोंड पवित्र सास्त्रम

¹⁰ बोग़ाय मन्कल देवुळताङ अडोङ पूरा माळिसाय मति, उंदाय अडोतुन तपतोग़ इतेके, ओग़ अडोना पूरा सास्त्रम माळवदिना कसुरतोग़ आस्तोग़, पुनविरा?

याकुब 2:10 Referans Kwoze

गलातितोर 3:10

बोर अडोन नोमिसि सेतेमतोर आयलाह ऊळिह्‌तोर, ओर कतमतोरिह्‌क सरपे दल्गिह्‌ता. बाराह्‌क इतेके बोरु अडोना पुस्तकते रासतवु, कतम अडोनु नोमसोर मनोर, ओरिह्‌क सरप दल्गिह्‌ता, इन्जि सास्त्रमते रासतद मन्ह्‌ता. इद्रमलेह्‌का विस्वसते ताकवालोरिह्‌क बर्कत दोर्किह्‌ता, अडोन नोमवालोरिह्‌क बार सरप दल्गिह्‌ता.

गलातितोर 5:3

पया डायना रिवज माळवालोरिह्‌क सिरप इद अडोतुन आयो, मति यहुदिराङ कतमे अडोन नोमिय पोयतग़ा इन्जि, नना सेतेम वेहतह्‌नन.

याकुब 3:2

माट सबेटोरल ऊक-ऊके तपिह्‌नले. मति बोग़ मन्कल पोल्‍लो वळ्ह्‌कनेक तपोग़, ओग़ बेस बुदतोग़ मन्कल आंदोग़. ओसो ओग़ तना पूरा मेंदुदुन वने, आव्रे कीया पग़यह्‌तोग़.

2 पत्रु 1:10

अदिनेनाह्‌क मावोर विस्वसिरिर, इव पोल्‍लोङ मियगा मन्ह्‌ताङा, इलेङा इन्जि पर्ह्‌किस ऊळाटु. देवुळि निटम मीक आचिसि, तना मन्कलोर आयलाह केयता इनजोर, मीट पकाय जिदते करल कीयलाह ऊळाटु. अद्रम मीट कीसोर मतिर इतेके, बेस्केन मीवा विस्वसते पेग़्के अरविर.

यहुदाल 1:24

मीट पापमते अरवालेवा, मीक राका कीयलाहि देवुळि पग़यह्‌ता. मीक बेदे कसुरलेवा, पका गिर्दा आनाह कीसि, तना मिळ्स्कनद डीसाता मुनेह, निल्पिह कीया पग़यह्‌ता.