इब्रितोर 9:8 - माडिया गोंड पवित्र सास्त्रम

^8-10 देवुळता रावुळतगा मोळ्कनद पोल्‍लो उंदि सीना आंदु, इवटे देवुळता जीवा माकु, इद कालमता लोप्पा काग़्हतलाह ऊळिह्‌ता. मोळ्कनस्के तिनदनव-उनडनव, एडिह कीयनव रिवज्कनाङ अडोङ मन्ह्‌ताङ. मति इवटे माट सिरप पलतेनाहे एडिह्‌नल. माटु कोडिङ वाटिह्‌नल, मोकिङ ईय्ह्‌नल, मति इव मावा जीवातुन एडिह कीया पग़वोङ. बाराह्‌क इतेके, इद रावुळताङ अडोङ मनाह्‌जोम, माटु सबेट्क पवित्र गूडटे ओळिय पग़वल. मति देवुळता पूना करल निताह्‌कु, अव अडोङ इंजेक दल्गोङ.

इब्रितोर 9:8 Referans Kwoze

योहन 14:6

अस्के येसु ओन इतोग़, “अग़दन ननाने, सेतेमतन ननाने, जीवातन वने ननाने आंदन, तोमा. नावा संगे वावालेवा, बाबानेके बोग़े एवया पग़वोग़.

इब्रितोर 3:7

अदिनेनाह्‌क देवुळता जीवा इतद पोल्‍लो, देवुळता सास्त्रमतगा इद्रम रासिस मन्ह्‌ता: नेंड देवुळि वेहतनदिन केंजतेक अचोन,

इपिसुसतोर 2:18

बह इतेके, इंजेके देवुळतग्डा जीवा, यहुदिरगा ओसो यहुदि आयवोरगा वने मन्ह्‌ता. अदिनेनाह्‌क इंजेके माट रेंड आस तुंगाना मन्कलोरल, किर्स्तुना मेटे देवुळबाबानगा दाया पग़यह्‌नल.

2 पत्रु 1:21

ओरु मन्कना बुदते तानाङ पोल्‍लोन पुटिह केवोर; मति देवुळता जीवा ओरा पोग़ोन उदतापयाने, अव पोल्‍लोन वेहतोर.

इब्रितोर 9:3

पळ्‍दा गेंदेता पेग़्केडा अरातुन, सबेट्क पवित्र गूड इंदुर.

गलातितोर 3:8

इंजेके विस्वसतुह्‌के, सबे जातिनोर सेतेमतोर आयना इन्जि, मुनेताहि देवुळता विचर मता. मताह्‌कु, अद अब्रहम मुय्तोनु मुनेने इद बेसता कबुर वेहता, सबे जातिनोरिह्‌कु नीवा मेटे बर्कत दोर्कग़ा, इद्रम सास्त्रमते रासतद मन्ह्‌ता.

योहन 10:9

देवुळतके दायनद गोरेना अग़दन ननान आंदन. नयेनाहि बोर लोप्पा नेङनुर, ओरिन नना पिसिह कीकन. ओरु लोप्पा-पलत ओळियाङ-पेसाङ कीयनुर, ओरिह्‌क तिंड-बंड वने दोर्कग़ा.

बळयिर 28:25

पया ओर ओर्विनाङ-ओर्विह्‌क पोल्‍लोङ अरवाह्‌कु, ओना लोताहि पेससोर मतोर. ओर पेसिह्‌पा, पोलु ओरिह्‌क उंद पोल्‍लोतुन वेहतोग़, “देवुळता कबुरतोग़ यसयाना तोडटे, देवुळता जीवा मीवा तादोर-बाबोरिन उंद सेतेमता पोल्‍लो वेहच मता, यसयान इद्रम वेहता.

योहन 10:7

अस्के येसु ओरिन ओसो इतोग़, “इह केंजाट, नना सेतेम वेहतह्‌नन, गोरेना अग़दन ननाने आंदन.

इब्रितोर 10:15

देवुळता जीवा वने इद निटम इनजोर, सास्त्रमते इद्रम साक्सि ईस्ता: “पेग़्के ओरा संगे इद्रमता करल कीकन: ओरा जीवातगा नावाङ अडोनु नना रासकन; नना अव अडोनु, ओरा सीतातगा तासकन,” इनजोर सामि इन्ह्‌ता, इद्रम सास्त्रमते रासतद मन्ह्‌ता. पया “ओरा पापमतुन, ओर अडोन देहतदिन, नना बेस्केन सीतात तासोन आयकन,” इनजोर वने इता.

लूकाल 1:80

अद्रमे पया जकरिया मुय्तोना मग़ि बेर्ससोर अतोग़, ओसो ओना लोप्पा देवुळता बुद बोल्गसोर अता. ओग़ तना इस्रयेल लोकुरिह्‌क देवुळता पोल्‍लो वेहनाह्‌जोम, पेळ्ह्‌कल बूमते मतोग़.