इब्रितोर 9:3 - माडिया गोंड पवित्र सास्त्रम

³ पळ्‍दा गेंदेता पेग़्केडा अरातुन, सबेट्क पवित्र गूड इंदुर.

इब्रितोर 9:3 Referans Kwoze

मत्याल 27:51

इंजेके येरुसलेमता मंदिरतग्डा पवित्र गूडटा अग़दगा, गेंदे अडह कीस मता; (अद गेंदे अडम मताह्‌कु, लोकुर देवुळतुन गट्ने कलिय पग़वोर आंदुर.) पया येसु हातस्के ऊळाट, अद गेंदे पोग़ोटाहि इळ्न एवनाहि, पग़्क वितिसि रेंड तुक्ळेङ आताङ. ओसो जागा-बूमि मेलियता, आदिङ पेग़्क-पग़्क पवताङ, गुमयाङ पङ्ने आताङ.

इब्रितोर 9:8

देवुळता रावुळतगा मोळ्कनद पोल्‍लो उंदि सीना आंदु, इवटे देवुळता जीवा माकु, इद कालमता लोप्पा काग़्हतलाह ऊळिह्‌ता. मोळ्कनस्के तिनदनव-उनडनव, एडिह कीयनव रिवज्कनाङ अडोङ मन्ह्‌ताङ. मति इवटे माट सिरप पलतेनाहे एडिह्‌नल. माटु कोडिङ वाटिह्‌नल, मोकिङ ईय्ह्‌नल, मति इव मावा जीवातुन एडिह कीया पग़वोङ. बाराह्‌क इतेके, इद रावुळताङ अडोङ मनाह्‌जोम, माटु सबेट्क पवित्र गूडटे ओळिय पग़वल. मति देवुळता पूना करल निताह्‌कु, अव अडोङ इंजेक दल्गोङ.

इब्रितोर 6:19

माट आसा तासतल अद पोल्‍लो, रेय वेसवाह मावा जीवातुन तासिह्‌ता; अद बेस्केन देगो, बेस्केन मायो. अद आसा माक देवुळताहि लेसलाह एवो, मति सबेट्क पवित्र गूडटगा मनदनद देवुळतके सीदा ओसीस्ता.

इब्रितोर 9:7

मति पेग़्केडा अरातगा, (सबेटोर बूमयालोरा पोग़ोन मनवाल)पेर्माल ओग़े अंदोग़, वर्सातुह्‌क उंदिय मल्का. ओळियिह्‌पा पया, तना कीता पापमतेनाह्‌क, ओसो इस्रयेल मन्कलोर चुकिस कीता पापमतेनाह्‌क वने, मोकता नेतुर अग़्के अंदोग़.(अन्जि तान देवुळतेनाह्‌क वळ्ह्‌पिंदोग़.) नेतुरलेवा ओळियनद ओन्क पोलो आंदु.