इब्रितोर 9:25 - माडिया गोंड पवित्र सास्त्रम

²⁵ बूमतगा मनदनद रावुळता सबेट्क पवित्र गूडटगा, यहुदिरा पेर्माल वर्सा-वर्सातुह्‌क नेतुर पोस ओळियिह्‌तोग़, मति अद जन्वरता नेतुरि; तना कुदता आयो. ओग़ ओळियना लेह्‌कान, किर्स्तु वर्सा-वर्सातुह्‌क तना जीवाता मोक ईयलाह ओळियोग़.

इब्रितोर 9:25 Referans Kwoze

इब्रितोर 9:12

मावोर बूमयालोर कीयना लेह्‌कान, एर्रे नेतुर, कोंदा पियोता नेतुर अग़्के ओळियोग़; मति (तना हव्कनागुटातगाडोलताह्‌कु,) तनाय नेतुर अग़्के, उंदिय मल्का, सबेट्क पवित्र गूडटगा ओळियतोग़. ओसो अद इसबते, माक कतम पापमताहि, अमेसातुह्‌क विळ्सिह कीतोग़.

इब्रितोर 9:7

मति पेग़्केडा अरातगा, (सबेटोर बूमयालोरा पोग़ोन मनवाल)पेर्माल ओग़े अंदोग़, वर्सातुह्‌क उंदिय मल्का. ओळियिह्‌पा पया, तना कीता पापमतेनाह्‌क, ओसो इस्रयेल मन्कलोर चुकिस कीता पापमतेनाह्‌क वने, मोकता नेतुर अग़्के अंदोग़.(अन्जि तान देवुळतेनाह्‌क वळ्ह्‌पिंदोग़.) नेतुरलेवा ओळियनद ओन्क पोलो आंदु.

इब्रितोर 9:14

अह इतेके, किर्स्तुना नेतुर बेचोन वीळिस एडिह कीया पग़यह्‌ता! देवुळता अमेसा मनदनद जीवा, ओन तना जीवातुन देवुळतुह्‌क मुर्तिय डागिललेवद मोक ईयनाह कीता. मावा जीवातुन हामुरतके ओसीयनव लाग्वाङ कबस्कनाहि, ओना नेतुर एडिह कीस्ता. कीयनाह्‌कु, माट जीवात मनदनद देवुळतुन माळ पग़यह्‌नल.

इब्रितोर 10:19

अदिनेनाह्‌क मावोर विस्वसिरिर! येसु किर्स्तु नेतुर पोहच डोलिस मताह्‌कु, माट देवुळतके दायलाह, मयेनाह्‌कु पूना, जीवा ईयनद अग़ तयर कीसीतोग़.(पोग़ोटा सबेट्क पवित्र गूडटगा,) पळ्‍दा गेंदेतगाह्‌क अतप लेह्‌का, ओग़ तना मेंदुदा मोक ईसि ओळियतोग़. ओना मेटे, माट वने अद पवित्र गूडटगा ओळियलाह, दीरा पोयतल.

इब्रितोर 9:26

अद्रम आस मतेके, ओग़ बूम पुटटस्केडाहि, वेल्‍लाङे मल्काङ तिपल आस डोलिस मनेग़. अद्रम आयो, पापमतुन मायिह कीयनेनाह्‌क, तना नेतुर ईस मोक आयलाह, इद आक्रिता वेलाते, उंदिय मल्का वातोग़.

इब्रितोर 9:2

अद रावुळि इद्रम मता: (उंद पळ्‍दा गेंदेतुन अडम वेळ्हच मन्जि, अद रावुळतुन रेंड अराङ कीस मतोर.) मुनेहता अरातगा चिमलिना गुटा मता, ओसो मेजा मता. मेजापोग़ोन देवुळतुह्‌क वाटटव आरिङ तासिस मताङ. इद अरातुन पवित्र गूड इंदुर.