इब्रितोर 6:19 - माडिया गोंड पवित्र सास्त्रम

¹⁹ माट आसा तासतल अद पोल्‍लो, रेय वेसवाह मावा जीवातुन तासिह्‌ता; अद बेस्केन देगो, बेस्केन मायो. अद आसा माक देवुळताहि लेसलाह एवो, मति सबेट्क पवित्र गूडटगा मनदनद देवुळतके सीदा ओसीस्ता.

इब्रितोर 6:19 Referans Kwoze

इब्रितोर 9:7

मति पेग़्केडा अरातगा, (सबेटोर बूमयालोरा पोग़ोन मनवाल)पेर्माल ओग़े अंदोग़, वर्सातुह्‌क उंदिय मल्का. ओळियिह्‌पा पया, तना कीता पापमतेनाह्‌क, ओसो इस्रयेल मन्कलोर चुकिस कीता पापमतेनाह्‌क वने, मोकता नेतुर अग़्के अंदोग़.(अन्जि तान देवुळतेनाह्‌क वळ्ह्‌पिंदोग़.) नेतुरलेवा ओळियनद ओन्क पोलो आंदु.

इब्रितोर 9:3

पळ्‍दा गेंदेता पेग़्केडा अरातुन, सबेट्क पवित्र गूड इंदुर.

मत्याल 27:51

इंजेके येरुसलेमता मंदिरतग्डा पवित्र गूडटा अग़दगा, गेंदे अडह कीस मता; (अद गेंदे अडम मताह्‌कु, लोकुर देवुळतुन गट्ने कलिय पग़वोर आंदुर.) पया येसु हातस्के ऊळाट, अद गेंदे पोग़ोटाहि इळ्न एवनाहि, पग़्क वितिसि रेंड तुक्ळेङ आताङ. ओसो जागा-बूमि मेलियता, आदिङ पेग़्क-पग़्क पवताङ, गुमयाङ पङ्ने आताङ.

कुलुसितोर 3:1

नना मुने रासतपु, मीट विस्वसिरिर देवुळताहि पूना पिसमुळ दोर्किह कीसि, किर्स्तुना संगे जीवा अरतप लेह्‌का आतिर. इंजेके ओग़ पोग़ोन देवुळदीपते देवुळता तिनळ बाजे उदिस मन्ह्‌तोग़. अदिह्‌क मीट देवुळदीपताङ पोल्‍लोनगाने, सीता कीसोर मन्ह्‌टु.

2 तिमोति 2:19

(अद्रम कीतेक तेला, लोतुन मेग़्किह कीयनद जोताता लेह्‌कान,) देवुळताङ निटम विस्वसिर, विस्वसते मेग़्किस निच मन्ह्‌तोर. जोतातगा माल्काना पेदिर रासतपु, (ओरा ताकमुळ इव पोल्‍लोङ तोहतह्‌ता:) सामि तना मन्कलोरिन पुन्ह्‌ता ओसो “बोर सामिनोरोम इन्ह्‌तोर, ओर लाग्वाङ कबस्कनाहि जेक मनिर,” इनजोर तोहतह्‌ता.

बळयिर 27:29

बेराङ-बेराङ आद बंडानगा ओडा दल्गग़ा बहा इनजोर ओर रेयतोर. अदिह्‌क ओडातुन आव्रे कीयलाह, रोमिह कीयनव नालुङ कचिन ओडाता पेग़्के दोहचि एतगा रेहतोर. रेहचि बेस्के पङवियतग़ा इनजोर, अग़ ऊळसोरेन मतोर.

रोम सहरतोर 4:16

देवुळि बेदिन ईकन इन्जि पोल्‍लो विळ्सिस मता, अदिन देवुळतुन विस्वस केवालोरे दोर्किह कीस्तोर. अदु देवुळता दयातेने, सबेटोर विस्वस केवालोरिह्‌क निटमे दोर्कग़ा. सिरप मोसानाङ अडोन मानेम आयवालोर यहुदि विस्वसिरिह्‌के आयो, मति अब्रहमना लेह्‌का विस्वस केवालोर सबेटोरिह्‌के दोर्कग़ा. देवुळि अब्रहमिह्‌क विळ्सतद पोल्‍लो सास्त्रमतगा इद्रम रासतद मन्ह्‌ता: नना नीक वेल्‍लाङे जातिनोरा पेदामुय्तोग़ कीतन, इनजोर रासतद मन्ह्‌ता. इद्रम विस्वस केवालोर माट सबे जातिनोर मन्कलोरिह्‌क, देवुळता मुनेह अब्रहमे पेदामुय्तोग़ आतोग़. हातोरिन जीवा अर्हतनदु, लेवविन मनाह कीयनद देवुळतुन, अब्रहम विस्वस कीतोग़.

बळयिर 27:40

अदिह्‌क ओडातुन रोमिह कीयनव कचिन लेहचि, अविस्किन सम्दुरतगा विळ्सिस ईतोर. ओसो ओडा उकुस्किन दोहतव नोंडेन लेहतोर. पया वळ्यु ओडातुन दडटेके ओयि इनजोर, ओडातगा मुनेह मतद गेंदेतुन वेर पोग़ोन तग़्हचि, ओडातुन दडटेके ओयलाह वग़्हन्दुर.

इब्रितोर 4:16

माक बेस्के गर्ज अरयह्‌ता, अस्के देवुळ माक ऊळिस जीवा लोपि, दया कीस तोळ ईयि इनजोर, दया कीयनद देवुळता एरे, माट दीरा पोस दाकल.

इपिसुसतोर 2:6

किर्स्तु येसुना संगे माक जोळे कीसि, ओना संगे माक वने जीवा अर्हता, अर्हचि पोग़ोन देवुळदीपतगा किर्स्तु उदिस राजेम ताकिह कीयनद जागातगा, माक उदिह कीता.

1 कुरिंततोर 15:58

अदिनेनाह्‌क मावोर गोततोरिर! मीवा विस्वसते इळ्न अरवालेवा, मेग़्किस मन्ह्‌टु. मीट सामिनेनाह्‌क कह्‌टेम कीयनद कबळ उगस अनो इनजोर पुतिर, अदिनेनाह्‌क सामिना कबळते बेर्ससोर अन्ह्‌टु.

बळयिर 23:6

अस्के पया इगा जमा आतोरगा, वळ्गा सदुकिरा तुंगातोर, ओसो वळ्गा परुसिरा तुंगातोर मन्ह्‌तोर इनजोर, पोलुह्‌क एर्का आता. सदुकिरा विचर इद्रम मन्ह्‌ता, डोलतोर बेस्केन जीवा अरवोर, ओसो देवतुल्क इलेङ, ओसो हानस्क वने इलेङ इनजोर इन्ह्‌तोर. मति परुसिर बार, इव सबे पोल्‍लोना पोग़ोन आसा कीस्तोर. अदिनेनाह्‌क पोलु बेसे मेग़्किस केयलाह बोटटोग़, “दादालोरिर, नना परुसि मन्कनन! नावा तादोर-बाबोर वने परुसिरे मतोर. मन्जाय, नना डोलतोर वने जीवा अरयह्‌तोर इनजोर, विस्वस कीयनेनाह्‌के, वेर नाक पर्ह्‌किस ऊळिह्‌तोर,” इनजोर इतोग़. पोलु इव पोल्‍लोङ इतस्के, उदतोर तग्वाङ केवालोर रेंड तूस्क आसि, परुसिरा, सदुकिरा नडुम वह्‌चळ पुटटा.

रोम सहरतोर 4:18

नीवा जालपिल लेक पग़वप आङग़ा, इनजोर देवुळि ओन करल कीस मता. अस्के ओना वय्स नूर वर्साङ लेह्‌का आस मता, ओना मेंदुल वने कुलिस मता. ओना मुते साराल वने वंजो मता. इंजेके माक जालपिल आयलाह बाताल आसा मनदग़ा इन्जि, ओग़ विचर कीतोग़. तेला मति ओग़ विस्वसते कमजोर आयवा, देवुळता करलतगा आसा ताससोरेन मंदोग़.

रोम सहरतोर 5:4

अद्रम दीरा पोस मतेके, मावा विस्वस बेस मेग़्किह्‌ता. अस्के देवुळि माक करल कीसीयनद बर्कत, माक दोर्कग़ा इनजोर, माट आसा तासिह्‌नल.

1 कुरिंततोर 13:13

इंजेके, विस्वस कीयनदु, आसा कीयनदु, जीवा कीयनदु, इव मूंड पोल्‍लोङ अमेसा मनदनव मन्ह्‌ताङ. मति इविस्कनग्डाहि जीवा कीयनदे, सबेट्क मोदुल पोल्‍लो आंदु.

1 पत्रु 1:3

मावा सामि येसु किर्स्तुना देवुळबाबाह्‌कु जोहर आयि! ओग़े माकु पका जीवा लोपताह्‌कु, माकु पूना मनमुळ दोर्कता. इद बेद्रमता मनमुळ इतेके, देवुळबाबाल येसुसामिनु हामुरताहि जीवा अर्ह्‌चीताह्‌कु, माकु उंदि बेस्केन मायवद आसा दोर्कता.