इब्रितोर 6:18 - माडिया गोंड पवित्र सास्त्रम

¹⁸ मावा मुनेह तासतद आसाता पोल्‍लोतुन पोसि, अद माक राका कीयि इनजोर, माट देवुळतगा वित वातल. तनगा वित वावालोरिह्‌क दीरा ईयना इन्जि, देवुळि पोल्‍लो वने विळ्सता, ओसो ओतता वने. देवुळि पोल्‍लो विळ्सनेक वने मुर्तिय जोल वळ्ह्‌क पग़वो, ओतनेक वने मुर्तिय जोल वळ्ह्‌क पग़वो. इव रेंड आस पोल्‍लोङ बद्लेम आयनव आयोङ.

इब्रितोर 6:18 Referans Kwoze

2 तिमोति 2:13

ओनगा मावा बर्वस कम मतेकाय, ओग़ बर्वसतोग़े मनदनोग़, ओग़ मावा लेह्‌का आयोग़, ओना गूनम बेस्केन मिळ्न्दो.

रोम सहरतोर 3:4

आयो! निटम कीयग़ाये. देवुळि! नीवा पोल्‍लो चुकवा सेतेम दिसग़ा. निमा नेयम कीयह्‌पा, नीवाय पोल्‍लो ताकग़ा, इनजोर रासतप लेह्‌का, सबेटोर जोल मतेक तेला, देवुळि सेतेमे मन्ह्‌ता.

1 योहन 1:10

बोग़े मन्कल पापम केवोग़ इलेग़, इनजोर देवुळि इन्ह्‌ता. अदिह्‌क माट पापम केवोम इनजोर इतेक अचोन, देवुळतुन जोल कीय्ह्‌नल; ताना पोल्‍लोतुन मावा जीवातगा तासवल.

इब्रितोर 3:11

“आरम कीयिर इनजोर, नना वेरेनाह्‌क तासतद जागातगा, वेर मुर्तिय एव्वोर आयनुर,” इनजोर ओङते किरिया कीतन, इनजोर रासिस मन्ह्‌ता.

1 तिमोति 1:1

नना पोलुनन इद सीटि रासवानन. माक पिसिह कीतद देवुळि, ओसो माक आसा एवाल येसु किर्स्तु, वेर इर्वुर नाकु येसु किर्स्तुना बळयि आयना इन्जि तासतोर.

रोम सहरतोर 3:25

मन्कलोर तना संगे गूनम आयना इनजोर देवुळि, येसुनु मावा पापमता सिक्सातेनाह्‌क मोक आयलाह, निल्पिह कीता. येसु तना जीवा ईसि, नेतुर पोहतोग़ इन्जि, माट विस्वस कीताह्‌कु, देवुळि माक सेतेमतोर इन्ह्‌ता. येसु वायनामुने, मन्कलोरिह्‌क ओरा पापमता सिक्सा देवुळि एवो. बाराह्‌क इतेके, पया येसु ओरा पापमतेनाह्‌कु, मोक अरयनोग़ इनजोर पुन्जि, देवुळि केपिंदु. इद्रमि, देवुळि सेतेमता मन्ह्‌ता, अहे येसुन विस्वस केवालोरिन, सेतेमतोर कीयनद मन्ह्‌ता इनजोर, माट इंजेक पुह्‌नल.

1 योहन 5:10

अदिनेनाह्‌क देवुळता मग़ि येसुसामिन बोग़ विस्वस कीस्तोग़, ओग़ इद साक्सितुन तना जीवातगा तासिह्‌तोग़. मति बोग़ विस्वस केवोग़, ओग़ देवुळतुन जोल इन्ह्‌तोग़. बाराह्‌क इतेके देवुळ कुद तना मग़ना लोप्पा ईतद साक्सिता पोग़ोन, ओग़ विस्वस केवोग़ इनजोरे.

1 तिमोति 6:12

विस्वसतेनाह्‌क (बेचोन तिपल वातेक तेला, अदिना संगे) आरेम आयवा लळेम आम.अमेसाता पिसमुळतुन पका पोय्म, इदे पिसमुळतुह्‌क देवुळि नीक केयता. इद पिसमुळ दोर्किह कीतन इनजोर, निमा वेल्‍लाटोर मन्कलोरा मुनेह साक्सि वेहतिन वने.

रोम सहरतोर 15:5

इद दीरा, आसा, देवुळतग्डाहि वास्ता. इदे देवुळि, किर्स्तुना विचर मतपु, मीक उंद एकाते मनदलाहि, तोळ ईयि!

इब्रितोर 11:7

विस्वस कीताह्‌कु, नोहा मुय्तोग़ (उड्रा वायग़ा इनजोर,) देवुळ वेहतद पोल्‍लोतुन नमतोग़. नमिसि, तना लोतोर मन्कलोर पिसलाहि, ओडा पंडटोग़. ओग़ बेस्केन उड्रातुन ऊळोग़, तेला मति रेयिस मन्जि, तानाङ केंजिस ताकतोग़. इद्रम देवुळता पोल्‍लोतुन केंजिस मन्जि, बूमतगा दुस्रोर मन्कलोर कसुरतोर इनजोर तोहचीतोग़. इद्रमलेह्‌का विस्वसतेनाह्‌कु, देवुळता मुनेह सेतेमतोर आयवालोरगा, ओग़ वने कलियतोग़.

1 तिसलुनितोर 1:10

बह मीट देवुळता मग़ि, तना जागाताहि ओसो वायनद दियातुन, अग़ ऊळसोर मह्‌निर, इव सबे पोल्‍लोन लोकुर वेहतलाह आतोर. देवुळ जीवा अर्हतोग़ ताना मग़ि येसुये, देवुळ ईयनद आक्रिता सिक्साताहि माक पिसिह कीस्तोग़.

कुलुसितोर 1:23

मति मीट मेलियवालेवा, मेग़्किसि विस्वस कीसोर मनदना गावले, ओसो बेसतल कबुरतुन केंजताह्‌कु, मीवा जीवातगा पुटटद आसातुन, विळ्सवालेवा मनदना गावले. मीट केंजतद बेसतल कबुर पूरा बूमतगा पोकुर आयलाह आता. नाक वने, अदे सेवा कीयलाहि देवुळि निल्पिह कीता.

लूकाल 2:25

ओरु पेकान मंदिरतगा ओतोर अस्के, सिमियोन पेदिरतोग़ ओर्वोग़ सेतेमतोग़ मन्कल येरुसलेमतगा मतोग़. ओग़ कर्तुळते देवुळतुन मोळ्कवाल मतोग़. देवुळ लोहवाल पिसिह केवाना कयदे, इस्रयेलतोरिन सुद्रे कीयनद दिया बेस्के एवयग़ा इनजोर, ओग़ अग़ ऊळसोर मंदोग़. ओसो देवुळता जीवा ओनगा अमेसा मंदु.

मत्याल 24:35

पोग़ोटा बूमि, इळ्ता बूमि मायनुङ, मति नावा पोल्‍लो मात्रमि बेस्केन मायो आयग़ा.

इब्रितोर 3:6

मति किर्स्तु बारा, देवुळता मग़ मन्जि, देवुळता लोतोरिन ऊळसोर मनवाल आतोग़. अदिह्‌क माट आसा कीतल अद पोल्‍लोतगा रेयवालेवा, आक्रि एवनाह मेग़्किस आसा ताससोर मतेके, माट वने ताना लोतोरल आय्ह्‌नल.

पिलिपितोर 2:1

मीट इंजेके किर्स्तुना संगे जोळेम आताह्‌कु, मीक दीरा वास्ता. देवुळि मीक जीवा कीसि, मीवा जीवातुह्‌क सितुर ईयलाह आता. ओसो मीक तना जीवा ईसि, मियगा जागा आता. अह कीसि मीकु तना दया कीयनद, जीवा वाटनद बुदि ईता. इव सबे पोल्‍लोङ निटम आताह्‌कु, मीवाङ विचर्क अमेसा ओर्विह्‌क-ओर्वोना संगे कलियिस मनिङ. देवुळि मीक जीवा कीतपु, मीट वने ओर्विह्‌क-ओर्वोग़ जीवा कीम्ह्‌टु. मीट सबेटोरिर उंदिय एकाते मन्जि, देवुळता अग़दे ऐंगेन ताकाटु. अह ताकतिर इतेके, नावा गिर्दा पूरा आयग़ा.

मत्याल 3:7

मति यहुदिराङ पेदल्कना रेंड तुंगानोर, उय्तुर परुसिर इनवालोर, उय्तुर सदुकिर इनवालोर, वेर वेल्‍लाटोरे योहननके, माक वने एते मीहा इनजोर वातोर. मति योहन ओरिन इतोग़, “ए वीसमतरस्कना लेह्‌काडोरिर! पापमता अग़दाहि देवुळतके मलवालेवा, (वेट देवुळता पेदिरते एग़ मीतेके), देवुळि ईयनद सिक्साताहि माट पिन्ह्‌ट अरयकोम इनजोर बाराह्‌क इह्‌निर?

रोम सहरतोर 5:5

मावा इद आसातुन, देवुळि बेस्केन देहो आयग़ा इनजोर, माट पुह्‌नल. बाराह्‌क इतेके, मावा जीवातगा निंदिस बल्क अरनाह, देवुळि तना जीवातुन वळता, वळसि अद माक बेचोन जीवा कीस्ता, इदिन तोहता.

इब्रितोर 6:17

नना विळ्सनद पोल्‍लोतुन बेस्केन देहोन आयकन इन्जि, देवुळि तना पोल्‍लो विळ्सतदिन, दोर्किह केवालोर मन्कलोरिह्‌क तोहतना मता. अदिनेनाह्‌क अद (तनाय पेदिर पोस) ओतता.