इब्रितोर 3:13 - माडिया गोंड पवित्र सास्त्रम

¹³ देवुळता सास्त्रमतगा, “नेंडु” इनजोर रासिस मन्ह्‌ता. उंद-उंद दिया वायह्‌पा, तान “नेंड” इह्‌नल. अदिनेनाह्‌क पापमि मीवा विचरतुन नाळेह कीसि, गद्रम कीयनद आयो इन्जि, दिनम मीट ओर्विह्‌क-ओर्वोग़ दीरा ईसोर मन्ह्‌टु.

इब्रितोर 3:13 Referans Kwoze

1 तिसलुनितोर 5:11

अदिनेनाह्‌क मीट इंजेके कीय्ह्‌निर अद्रमलेह्‌कान, ओर्विह्‌क-ओर्वोग़ दीरा ईम्ह्‌टु, ओसो ओर्विह्‌क-ओर्वोना विस्वसतुन बेर्सिह कीम्ह्‌टु.

2 तिमोति 4:2

बेसता कबुरतुन पोकुर कीम. मन्कलोरिह्‌क केंजलाह विचर वातेकाय, वावेकाय, वेहचोर मन. मुर्तिय ओङ आयवा, मन्कलोरिन सुद्रे कीसोर, लाग्वा कबळ कीतेक तेर्हचोर, दीरा ईसोर, देवुळता पोल्‍लोतुन बेस-नेह्‌ना काग़्हचीम.

1 तिसलुनितोर 4:18

इव पोल्‍लोङ वेहचि पया, ओर्विह्‌क-ओर्वोग़ दीरा ईसोर मन्ह्‌टु.

रोम सहरतोर 7:11

बह इतेके अडोना उकुमता मेटे, पापम अग़ दोर्किह कीता, कीसि नाक नाळेह कीता; ओसो नाक हामुरता अग़दे ओसीता.

बळयिर 11:23

बार्नबस अगा एवतोग़ अस्के, देवुळि अग्डोर विस्वसिरिह्‌क बेद्रम देय्वा ईता इनजोर, ओग़ ऊळिसि, पका गिर्दा आतोग़. ओग़ इतेके सेतेमतोग़ मन्कल, पका विस्वस केवाल, ओसो देवुळता जीवाते निंदिस मनवाल. “मीवा पूरा जीवाताहि येसुन विळ्सवालेवा निच मन्ह्‌टु” इन्जि, ओर विस्वसिरिन वेहतोग़. पया बार्नबस अगा मनदह्‌पा, वेल्‍लाटोर येसुन विस्वस कीतोर.

याकुब 1:14

मति मन्कना लालुसिये ओन नाळेह कीसि तनेके गुंजिह्‌ता, गुंजिसि ओन तनगा एग़्किह कीसि, पापम कीयनाह कीस्ता.

इपिसुसतोर 4:22

इद काग़्हमुळता इसबते, मीट मुने ताकिंदिर अद पाळ्ना बुदतुन पोहचीम्ह्‌टु. मीट अद मुनेता बुदते मनदह्‌पा, लाग्वाङ कबस्क कीयलाह लालुस कींदिर. अद लालुस मीक लेसिह कीसि बूळे कींदु.

1 तिसलुनितोर 2:11

देवुळि मीकु तना राजेमतोर मन्कलोर कीयलाहि, तना डीसातगा काल्ह्‌पलाहि केयलाह आता. अदिनेनाह्‌क तान्क विचर वानाह ताकाट इनजोर वेहतोम. वेहचि, तपे तनाङ पिलाङ-पेकोरिन कीयना लेह्‌कान, मीवा ओर्वोग़-ओर्वोग़ मन्कना जीवातुह्‌क दीरा ईसोर, बुद काग़्हचोर, तेळियिह कीसोर मतोम, इदिन मीट पुतिरे.

इब्रितोर 13:22

मावोर विस्वसिरिर! नना मीक बेरा लाट सीटि रासोन. नना मीक बुदि काग़्हचि, रासतद पोल्‍लोतुन सीता कीसोर केंजाट इन्जि, मीक अर्जि कीय्ह्‌नन.