इब्रितोर 13:7 - माडिया गोंड पवित्र सास्त्रम

⁷ मीक देवुळता पोल्‍लोतुन वेहचि, अग़ तोहतोरिन सीता कीम्ह्‌टु. ओरा ताकमुळतुन विचर कीस ऊळाट; ओर देवुळता पोग़ोन आक्रि एवनाह विस्वस तासिस मतप लेह्‌कान, मीट वने विस्वस तासाट.

इब्रितोर 13:7 Referans Kwoze

इब्रितोर 13:17

मीवा मुडा मुक्यालोर, मीवाङ जीवाना राका कीस्तोर. तमा कीयनद इद कबळता लोप्पा, ओर देवुळतुह्‌क इसब ईयनुर. अदिनेनाह्‌क इद कबळतुन ओर नारजते आयो, मति गिर्दाते कीयनाह, ओरा पोल्‍लोते वरेम आस मन्ह्‌टु. ओर नारज आस कीतेके, मीक बाताले पाय्दा दोर्को आयग़ा.

पिलिपितोर 3:17

मावोर विस्वसिरिर! बेद्रम ताकना इनजोर, माट मीक तोहचीतोम. मीट सबेटोरिर नाक ऊळिसि, उंदिय विचरते नावा लेह्‌कान ताकाटु. ओसो मावा लेह्‌का ताकवालोरिन बेस-नेह्‌ना ऊळिसि, ओरा लेह्‌काने कीम्ह्‌टु.

इब्रितोर 6:12

अदिनेनाह्‌क लंडा आयमाटु; मति बोर मन्कलोर तिपल्किन आपसोर, देवुळतगा विस्वस ताससोर, अद पोल्‍लो विळ्सिस मतविन दोर्किह कीस्तोर, ओरा लेह्‌काने ताकना.

1 तिसलुनितोर 1:6

मीट वने येसुन विस्वस कीताह्‌कु, पकाय तिपलते अरतिर. तेला मति देवुळता जीवा, मीक ईतद गिर्दाते, बेसता कबुरतुन नमतिर. अचोन तिपलते वने, बेसता कबुरतुन नमताह्‌कु, मावा लेह्‌का ओसो सामिना लेह्‌का ताकलाह आतिर.

बळयिर 14:23

ओसो अव मूंड सहर्कनगा, अग्डा विस्वसिरा मुडुन ताकिह कीयलाहि, मुक्यालोरिन निल्पिह कीतोर. उपस-पार्तना कीसि, विस्वसिर बोन नमिस मतोर, ओग़े येसुसामिना कयदे, सबेटोर विस्वसिरिन विळ्सिस ईतोर.

मत्याल 24:45

“केंजाट, बोग़ मेटि लोता माल्काना ओर्युलतोरिह्‌क कगोत्क-कगो अडिया ईस्तोग़, ओग़े बेसता बुदतोग़ सेतेमते कबळ केवाल मेटि. मीट वने अहे मनदना.

1 तिमोति 3:5

(तनाय लोतोरिन ओन्क तिर्हतलाह वायो इतेके, देवुळता मुडुन ओग़ बह तिर्हता पग़यनोग़?)

इब्रितोर 13:24

मीवाङ मुक्यालोर सबेटोरिन, ओसो मियग्डोर देवुळता मन्कलोर सबेटोरिन, जय येसु इन्ह्‌टु. इतालिया पटटोर विस्वसिर, मीक जय येसु इनदलाह आतोर.

1 तिसलुनितोर 2:13

माट मीक देवुळता पोल्‍लोतुन वेहतोम अस्के, मीट तान मन्कलोरा आयो, मति देवुळता पोल्‍लो इनजोर केंजतिर. अदिनेनाह्‌क वने, माट अमेसा देवुळतुन जोहर कीय्ह्‌नोम, अद निटम देवुळता पोल्‍लोये! अद पोल्‍लो इंजेके मीक विस्वस कीतोरिन, देवुळतुह्‌क विचर वानाह पिसलाह, बद्ले कीयलाह आता.

1 कुरिंततोर 4:16

अदिह्‌क नावा लेह्‌कान ताकाटु इनजोर, मीक वेहतलाह आतन.

रोम सहरतोर 10:17

इद्रमलेह्‌का लोकुर किर्स्तुना बेसता कबुरतुन केंजतेकेने, विस्वस कीया पग़यह्‌तोर. बोग़ाय अद कबुरतुन पोकुर कीतेकेने, ओर केंजिह्‌तोर.

बळयिर 4:31

ताल्ह्‌कतस्के, ओर जमा आस मतद लोन मेलियता. ओर कतमतोर पवित्र जीवाते निंदिसि, देवुळता पोल्‍लोतुन रेयवालेवा, कतमतोरिह्‌क वेहता बोटटोर.

तोहचीतव पोल्‍लोङ 6:9

ताना पया मेततद एयुङ मल्काता वटेतुन, गोरेपिला तेंडटा. अस्के मुने बूमतगा मनदह्‌पा, देवुळता पोल्‍लो वेहताह्‌कु, येसुना साक्सि ईताह्‌कु, कोटुलतोर बोरिन हव्किस मतोर, ओराङ हानस्किन दूपम बोळ्सनद जागाता इळ्न नना ऊळतन.

तोहचीतव पोल्‍लोङ 20:4

पया नना राजकुर्सिन ऊळतन. अविस्कना पोग़ोन बोर उदिस मतोर इतेके, बूमतगा मनदह्‌पा उच्वुर मन्कलोर अद रकसतुन, ताना बोमातुन, मोळ्कवोरु. ताना सीनातुन तमाङ तला-कपरानगा, कय्कनगा रासवोरु. ओर येसुना ओसो देवुळता पोल्‍लोता साक्सि ईताह्‌कु, विरुदतोर ओराङ तलान डायिस मतोर. अद्रम डोलतोर मन्कलोराङ जीवाङ, अव राजकुर्सिनगा उदिस मतदिन ऊळतन. देवुळि ओरिह्‌क नेयम कीयनद अदिकर ईता. ओर ओसोवने जीवा अर्सि, किर्स्तुना संगे अजर वर्साङ आनाह, राजेम ताकिह कीतोर.

तोहचीतव पोल्‍लोङ 1:9

नना योहननन, मीवा ऐंगेटोग़ विस्वसिनन. माट ऐंगेन येसु किर्स्तुना राजेमतोर मन्कलोरल आतल. ओनेनाह्‌क माट ऐंगे तिपल आय्ह्‌नल. ओसो ऐंगेन तिपलते दीरा पोस मह्‌नल. नना देवुळता पोल्‍लो ओसो येसुना लोप्पा साक्सि वेहताह्‌कु, नाक सिक्सा ईयलाह, सम्दुर नडुम मनदनद पतमुस इनदनद तोग़दगा तासिस मतोर.

2 तिसलुनितोर 3:9

(मियगा मोता आयलाह,) माक अदिकर मताये, मति माट अद्रम आयोम. मीट वने मावा लेह्‌कान मनदना इनजोर, मीक तोहतलाहि, (मावाङ कय्कने कबळ कीस तितोम).

1 कुरिंततोर 11:1

नना किर्स्तु ताकतद अग़दे ताकिह्‌नन. अद्रमलेह्‌का मीट वने नना ताकनद अग़दे ताकाटु.

लूकाल 12:42

इतस्के येसुसामि इतोग़, “बेसता बुदतोग़ सेतेमते कबळ केवाल, इद्रम बोग़ मेटि मन्ह्‌तोग़, ओन लोता माल्काल ओर्युलतोरिह्‌क कगोत्क-कगो अडिया ईयलाहि आचिह्‌तोग़.

लूकाल 8:11

“इद पुन्पिह कीयनद पीटोता अर्तम इद्रम मन्ह्‌ता. अद विजा इतेके देवुळता पोल्‍लो आंदु.

2 तिसलुनितोर 3:7

माट मियगा मतस्के, बेद्रम मनदना इन्जि तोहतोम. बोनगान ताल्ह्‌किसि तिनोम. मति बोनगान मोता आयनद आयो इनजोर, नग़्का पिळ्‍विळ पियल-पोळ्‍द तिपल आसि, एपुर पोहच कबळ कीस तितोम. मीट वने मावा लेह्‌कान मनदना इनजोर पुतिरे.

1 कुरिंततोर 10:13

बेस्के मियगा पापमताङ विचर्क पुटिह कीयनव तिपल्क वास्ताङ, अस्के इवे तिपल्कु सबेटोर मन्कलोरिह्‌क वास्ताङ इनजोर, सीता कीम्ह्‌टु. मति देवुळि बर्वस लायकता आंदु. मीट बेचोन आप पग़यह्‌निर, तान्काय एक्‍वा तिपलतुन लोहो. अद्रमताङ तिपल्क वातस्के, मीक पापमते अरवाह अग़ तोहतग़ा, अस्के दीरा पोयता पग़यकिर.

बळयिर 13:46

मति पोलु, बार्नबस मुर्तिय रेयवालेवा इतोर, “मावोरिर, मीक यहुदिरिह्‌के, देवुळता पोल्‍लोतुन मुने वेहतना मता. मति मीट कोनि तान पास्किसि, अमेसाता पिसमुळतुन दोर्किह कीयना लेह्‌काडोर आयविर इन्जि तोहतिर. अदिह्‌क इंजेके माट इगा यहुदि आयवोरगा दाय्ह्‌नोम.

लूकाल 5:1

उंद दिया इद्रम आता इतेके, येसु गालिल सम्दुरकचुदा दडटगा निचि, लोकुरिन देवुळता पोल्‍लो काग़्हतलाह आस मतोग़. काग़्हनेके ओनाङ केंजलाहि, वेल्‍लाटोरे अगा येसुना सर्ने आतोर.

1 पत्रु 4:11

बोन्क देवुळता पोल्‍लो वेहतलाह बुद दोर्कता, ओग़ु सेतेमते देवुळताङ पोल्‍लोनु कुद देवुळिये वेहतपु, अद्रम वेहतना. बोन्क साय्ता कीयलाह बुद दोर्कता, ओग़ु देवुळ ईतद लावते, दुस्रोरिह्‌क साय्ता कीयना. अस्के वेरु येसु किर्स्तुनाये लोकुर इन्जि, दुनियातोर देवुळबाबाह्‌कु मान ईयनुर. सबे मान, डीसा, राजेम अमेसा अमेसात्कु सिरप ओन्के आयि! अहे आयि!