इब्रितोर 13:14 - माडिया गोंड पवित्र सास्त्रम

¹⁴ इद बूमतगा माक अमेसातुह्‌क मनदलाह, बेदे नाग़ इले. माट कोनि इंजेके पोग़ोटा सहरते मनदकल इनजोर, ताना अग़ ऊळिह्‌नल.

इब्रितोर 13:14 Referans Kwoze

पिलिपितोर 3:20

मति माट बार इद दुनियाता लोकुरल आयवल, माट पोग़ोटा देवुळदीपता लोकुरल आंदल. अग्डाहिये माक पिसिह केवाल येसुसामि किर्स्तु वायनोग़ इनजोर, ओना अग़ ऊळसोर मह्‌नल.

इब्रितोर 12:22

मति मीट सियोन मेटातगा, इतेके देवुळदीपता येरुसलेमतगा वातिर. अद जीवात मनदनद देवुळता सहर आंदु. अगा लेक पग़वप मनदनव देवतुल्क गिर्दाते जमा आताङ.

इपिसुसतोर 2:19

यहुदि आयवोरिर, मीट मुने देवुळतुन पुनवालेवा, ताना मन्कलोरगा कलियवा मतिर. इंजेके ओरा संगे देवुळता मन्कलोरिर आतिर, ओरा संगे ताना लोतोरिर वने आतिर.

2 कुरिंततोर 4:17

बाराह्‌क इतेके, इव गळ्कनाङ तिपल्किन माट आपताह्‌कु, माक देवुळताहि बेस्केन मायवद बर्कत दोर्कग़ा. अद बर्कत अचोन बेरा मनदग़ा इतेके, ताना मुनेह इंजेटाङ तिपल्क ओसोय अल्को दिसिह्‌ताङ.

1 कुरिंततोर 7:29

मावोर विस्वसिरिर! नना इद्रम वेहतह्‌नन: माक इद बूमतगा पिसलाह, वेल्‍लाङ दियाङ इलेङ. (किर्स्तु जल्दि मल्स वायनोग़, माट मनदनद इद बूमि मायना मन्ह्‌ता. अदिनेनाह्‌क पिसतव दियाने, इद बूमता मनमुळतगा वेल्‍ला सीता कीयनदायो.) मुतेन ततोरिर, मीवा लोतोरिन सुकमते तासनदिन, मोदुल पोल्‍लो इनदनदायो.

1 पत्रु 4:7

इंजेके इद दुनियाताङ आक्रि दियाङ गट्‌नेन एवताङ. इद पोल्‍लोतुन सीता कीसि, मीट पार्तना कीयनस्के, उसरते मनदना इन्जि, अक्‍र्ने मन्ह्‌टु.

इब्रितोर 4:9

अदिनेनाह्‌क इदे पोल्‍लो मन्ह्‌ता: देवुळि बेद्रम वारमता आक्रि दियाते तना कबळताहि रोमता, अद्रम तना मन्कलोरेनाह्‌क वने, आरम कीयनद जागा मन्ह्‌ता.

इब्रितोर 2:5

इंजेके पूना दुनिया आयग़ा इनजोर, माट इह्‌नल. अद दुनियातुन ताकिह कीयलाहि, देवतुल्किन देवुळि निल्पिह केवो.

इब्रितोर 9:11

मति इंजेके बह आता? पूना करलताङ बेसताङ पोल्‍लोन पोसि,किर्स्तु मावा पेर्माल आस वातोग़. मन्कलोरा कयदे तयर आतद, इद बूमतगा मनदनद रावुळते ओळियोग़; मति पोग़ोन मनदनद रावुळते ओळियतोग़. अद पोग़ोटा रावुळिये निटमता आंदु, बूमता रावुळतुह्‌काय ओसोय बेसतलि.

इब्रितोर 10:34

विस्वसतेनाह्‌क जेलते मतोरा दुकमते, मीट वने कलियतिर. मीक पोग़ोन देवुळतगा बेचोन बेसतल, बेस्केन बूळेम आयवद मालसोम दोर्किह्‌ता इनजोर पुन्ज मतिर. अदिनेनाह्‌क मन्कलोर मीक विरुद कीसि, मीवा सामनतुन ऊंदिस ओयनस्के, मीवा गिर्दातुन ऊंद पग़वोर.

इब्रितोर 12:27

“ओसो उंद मल्का” इनजोर इता. इद पोल्‍लोताहि, देवुळि तना पुटिह कीतव सबेटविन, गल्जिह कीसि तेंडग़ा; मति ताना पोग़ोटा राजेम गल्जो; अद मेलियवा मनदग़ा इनजोर, बेस-नेह्‌ना पुनाह आस्ता.

तोहचीतव पोल्‍लोङ 3:12

बोर बोर लाग्वाङ पोल्‍लोन गेल्सनुर, ओरिन नावा देवुळता मंदिरतगा, रायि मुंडाता लेह्‌कान निल्पिह कीकन. बोग़े ओरिन अग्डाहि जर्गिह केवोग़ आयनोग़. ओरा पोग़ोन नावा देवुळता पेदिरतुन रासकन. अहे ओर नावा देवुळता सहरतोर आयनुर; अद सहर इतेके, नावा देवुळता जागातग्डाहि रेगनदु पूना येरुसलेम. ओसो नावाय पूना पेदिरतुन वने ओरा पोग़ोन रासकन.