इब्रितोर 12:14 - माडिया गोंड पवित्र सास्त्रम

¹⁴ दुस्रोर मन्कलोरा संगे कलियिस मनदलाह ऊळाट. देवुळतेनाह्‌क पवित्रते पिसलाह ऊळाट. अद्रम पिसवोग़ बोग़े देवुळता एरे दाया पग़वोग़.

इब्रितोर 12:14 Referans Kwoze

2 कुरिंततोर 7:1

गोततोरिर! इद्रम देवुळि मावा संगे मनदलाह पोल्‍लो विळ्सताह्‌कु, मावा मेंदुलतुन ओसो मावा जीवातुन, सिरसिर कीस मनदकल, कळ्‍वोग़ आयवा! देवुळतुन रेयिस, पूरा पवित्र आसोर दाकल.

1 तिसलुनितोर 4:7

बाराह्‌क इतेके देवुळि माक पवित्रते मनदलाह केयता; साट्याल कबळ कीयलाह आयो.

1 पत्रु 3:11

लाग्वाङ कबस्किन विळ्सिसि, बेसताङ कबस्क कीमु सबेटोरगा अमेसा गूनमते मनदलाह पर्ह्‌का.

रोम सहरतोर 14:19

अदिनेनाह्‌क माट ओर्विह्‌क-ओर्वोग़ गूनमते मन्जि, ओर्विह्‌क-ओर्वोना विस्वसतुन मेग़्किह कीयलाह ऊळिङ.

3 योहन 1:11

नावा गोतयानिन! लाग्वा कबळ केवालोरा लेह्‌का आयो, मति बेसता कबळ केवालोरा लेह्‌का कीम. बेसता कबळ केवाल मन्कल देवुळतोग़ आंदोग़. मति लाग्वा कबळ केवाल देवुळतुन पुनोग़.

इपिसुसतोर 5:5

साट्याल मन्कल, करब बुदतोग़ मन्कल, कोताना, सामनता लालुस आयवाल मन्कल (अद्रम कीयना इतेके, बोमापूजा कीतपे आस्ता), किर्स्तु ओसो देवुळि राजेम ताकिह कीयनग्डा मुडोग़ आया पग़वोग़, इद पोल्‍लोतुन बेस-नेह्‌ना पुनदकिर!

इब्रितोर 12:10

मावाङ तपेर तम्क बेद्रम तेळियिस मता, अद्रम माक गळ्कनेनाह्‌क सुद्रे कीतोर. मति देवुळबाबाल, माट वने तना लेह्‌कान पवित्र आयना इन्जि, मावा पाय्दातेनाह्‌क माक सुद्रे कीस्तोग़.

1 तिमोति 6:11

मति तिमोति! (निमा वेर मन्कलोरा लेह्‌का आयविन,) निमा देवुळता मन्कनिन. अदिनेनाह्‌क इव लाग्वाङ पोल्‍लोनाहि अबर विता. अविस्कनग्डाह जेक मन्जि, इद्रमलेह्‌का मनदलाह पर्ह्‌का: सेतेमते पिसना, देवुळतुह्‌क विचर वानाह पिसना, विस्वसते ताकना, जीवा कीयना, तिपलते विस्वसतुन विळ्सवा मनदना, कुलुल बुदते मनदना.

1 पत्रु 3:13

मीट अमेसा बेस कीयलाहि गिर्दाते मतेके, मीक लाग्वा केवालोर वेल्‍लाटोर मनदनुरा?

मार्कल 9:50

ओवुर बेसे मन्ह्‌ता, मति ओवुरता मिटस बार अता इतेके, तान बेद्रम मिटस कीकिर? मीट ओवुरता लेह्‌का मिटस केवालोरिर मन्ह्‌टु, ओर्विह्‌क-ओर्वोग़ कलियिस गूनमते मन्ह्‌टु,” इनजोर येसु इतोग़.

2 पत्रु 3:11

इंगो, निटमे देवुळि निल्पिह कीतद दियाते पोग़ोटा बूमि किसते बूळेम आयग़ा; अगा मनदनव सबेटव दगडातुह्‌क कारियनुङ. इव सबे आयनुङ इन्जि पुह्‌निर इतेके, अद दियाता अग़ ऊळसोर, पवित्रते ताकना गावले. अमेसा मीट देवुळता विचर मतप लेह्‌का कीयना गावले. अद्रम ताकतेके, मीटु अद दिया चट्पिट एवनाह कीकिर.

1 कुरिंततोर 1:10

मावोर विस्वसिरिर! मीट सबेटोरिर उंद पोल्‍लोते मन्ह्‌टु, मीट कोंटेङ आयमाटु; मति मीट उंद विचरते, उंद एकाते मन्जि, ओर्विह्‌क-ओर्वोग़ कलियिस मन्ह्‌टु इनजोर, मावा येसुसामि किर्स्तुना पेदिरते मीक अर्जि कीय्ह्‌नन.

2 तिमोति 2:22

अदिनेनाह्‌क तिमोति, लेयोर मन्कलोरगा मनदनव लालुस्कनाहि जेक विता. बेसता विचरते सामिना पेदिरतुन केयवालोरा संगे मन्जि, सेतेमते पिसलाह, सामिन विस्वस कीस पिसलाह, जीवा कीसोर मनदलाह, ओर्विह्‌क-ओर्वोग़ कलियिस मनदलाह पर्ह्‌का.

1 तिसलुनितोर 5:15

उसरते मन्ह्‌टु, बोग़े बोना लाग्वाता बद्ला लाग्वाङ कीयनदायो. मति ओर्विह्‌क-ओर्वोग़ ओसो सबेटोर मन्कलोरिह्‌क वने, बेसताङ कबस्क कीसीयलाह, अग़ ऊळसोर मन्ह्‌टु.

2 पत्रु 3:18

अद्रम आयवा, माक पिसिह केवाल मावा किर्स्तु येसुसामिना देय्वाते ओसो बुदते, बेस बेर्ससोर अन्ह्‌टु. इंजेक वने, अमेसा-अमेसातुह्‌क वने, ओने मन्कलोर मान ईसि मोळ्किर! आमेन.

पिलिपितोर 3:12

पोग़ोन बेव पोल्‍लोन रासतन, अव नावा मनमुळतगा पूरा आताङ इनजोर वेहोन. अगा एवतन इनजोर इनोन, मति बेगा एव्सिह कीयलाह किर्स्तु नाक पोयतोग़, अगा एवयलाह नना वितलाह आतन.

2 कुरिंततोर 6:17

इद्रम वने रासतद मन्ह्‌ता: “अदिनेनाह्‌क ओरग्डाहि पेसिस वाटु, ओरग्डाह एग़िस मन्ह्‌टु. कळ्‍वोग़ आतदिन इटमाट, अस्के नना मीक एरे कीकन.

1 कुरिंततोर 13:12

अदमतगा ऊळना लेह्‌कान, माट इंजेके बग़ाङ-बग़ाङ ऊळिह्‌नल. मति पया पिङम-पङम ऊळकल. इंजेक नना वळ्गाय पुतन. मति देवुळि नाक पुतप लेह्‌कान, पया सबेटविन पूरा पुनदकन.

गलातितोर 3:21

अह इतेके मोसानाङ अडोङ, देवुळ विळ्सतव पोल्‍लोना विरुद मन्ह्‌ताङा? अद्रम मुर्तिय आयो! माक पिसिह कीया पग़यह्‌ता, इद्रमता बेदाय अडो मतेके, निटमे अडोन नोमिसिये, माट सेतेमतोरल आवेरल.

इब्रितोर 9:28

अद्रमे किर्स्तु उंदिय मल्का, वेल्‍लाटोर मन्कलोरा पापमतुन ओयलाह, तना नेतुर पोहच डोलतोग़. ओग़ ओसोवने दिसनोग़; इद मल्का पापमतुन ओयलाह वावोग़, मति तनेनाह्‌क केपतोरिन, पूरा पिसिह कीयलाहि वायनोग़.