इब्रितोर 11:36 - माडिया गोंड पवित्र सास्त्रम

³⁶ उच्वुर विस्वस कीतोरिन, तमा कोटुलतोर माग़तोर, ओसो जूटटे नल्हतोर; उय्तुरिन दोहच ओसि, जेलते वाटटोर.

इब्रितोर 11:36 Referans Kwoze

इब्रितोर 10:34

विस्वसतेनाह्‌क जेलते मतोरा दुकमते, मीट वने कलियतिर. मीक पोग़ोन देवुळतगा बेचोन बेसतल, बेस्केन बूळेम आयवद मालसोम दोर्किह्‌ता इनजोर पुन्ज मतिर. अदिनेनाह्‌क मन्कलोर मीक विरुद कीसि, मीवा सामनतुन ऊंदिस ओयनस्के, मीवा गिर्दातुन ऊंद पग़वोर.

मत्याल 23:34

केंजाट, नना मियके कबुरतोरिनु, सेहनालोरिनु, सास्त्रमगूरुरिनु लोहतकन. मीटु ओरिन उच्वुरिन हव्कनागुटातगा वेळ्हतकिर, हव्ककिर, ओसो उच्वुरिन मीवाङ पार्तनाताङ लोह्‌कने सोग़्‍पा-जूटटे नल्हतकिर, नल्हचि ओरिनु नाह्‌क-नाह्‌क कोहतकिर.

तोहचीतव पोल्‍लोङ 2:10

मीट तिपल आयकिरे, मति तान्क रेयमाट. केंजाट! देयह्‌कना मुक्यानाङ केंजिसि, ताना मुडोर मियग्डोर उच्वुरिन जेलते वाटिह्‌तोर. इद्रम देवुळिये मीवा विस्वसता पट ऊळिह्‌ता. दहा दियाङ मीट तिपल आयकिर; मति जीवा अनाह, विस्वस विळ्सवा मन्ह्‌टु. अस्के नना मीकु अमेसाता पिसमुळता इनम ईकन.

2 तिमोति 2:9

इदे बेसता कबुरतुन पोकुर कीयनाह्‌क, नना तिपल आयलाह आतन; लाग्वोग़ मन्कन दोहतप लेह्‌कान, नाक दोहचि जेलते वाटटोर. मति देवुळता पोल्‍लोतुन इतेके, बोग़े दोहच तास पग़वोग़.

2 तिमोति 1:16

उनेसिपुरुस इनवाना लोतोरा पोग़ोन, सामिना दया वायि. नना जेलते मनदनदिन ऊळिस, ओग़ लजा आयवा, नाक ऊळलाह वातोग़. ओसो वेल्‍लाङे मल्काङ नाक तोळ ईतोग़.

इपिसुसतोर 4:1

इव सबे पोल्‍लोनेनाह्‌कु, देवुळि मीक तना मन्कलोर आयना इन्जि केयता, तेन सीता कीसि, तान्क विचर वातपु ताकाटु. मीट इद्रम ताकना इन्जि, नना सामिनेनाह्‌क जेलते मनवानन, मीवाङ काल्काय अरयह्‌नन.

बळयिर 24:27

मति रेंड वर्साङ आनेके, पुर्कियुस पेस्तुस पेदिरतोग़, पेलिक्सना जागातगा गुमसि आतोग़. पया पेलिक्स दायह्‌पा, पोलु कसुरलेवोग़ इनजोर पुन्ज तेला, यहुदिरिन गिर्दा कीयलाह, पोलुन जेलतग्डाह विळ्सवाय अतोग़.

बळयिर 21:33

पया मुक्याल वासि पोलुन पोयतोग़. पोसि ओन रेंड गोल्स्कने दोहता वेहतोग़. दोहचि वेग़ बोग़ु, बाताल कीतोग़ इनजोर, लोकुरिन ताल्ह्‌क बोटटोग़.

बळयिर 8:3

अद तूकने सोलु बाताल कींदोग़ इतेके, विस्वसिरा मुडुन बूळे कीयलाहि, लोह्‌क-लोह्‌क ओळियिसि, विस्वस केवालोर आस्क-कोय्तोरिन पोसि, जेलतगा वाट वेहन्दोग़.

बळयिर 5:40

इतस्के, तग्वाङ केवालोर गमलियेलना पोल्‍लोतुन केंजतोर. पया बळयिरिन लोप्पा तता वेहतोर. ततापया ओरिन तोला जूताते नल्हता वेहचि, येसुना पोल्‍लोतुन ओसो बोन्के वेहमाट इनजोर वेहचि, विळ्सिस ईतोर.

बळयिर 5:18

जीवा कर्विसि, बळयिरिन पोस जेलतगा वाटलाहि वेहतोर.

बळयिर 4:3

ओङ आसि पत्रुन, योहनिन पोयतोर. पोळ्‍द अन्ज मता अदिह्‌क, इमा दिया नेयम कीकल इनजोर, ओरिन जेलते वाटटोर.

लूकाल 23:36

सीपय्क वने वासि, ओयतद जोमा ओन्क ऊहचि, “निमा यहुदिरा राजानिन आंदिन इतेके, नीवा जीवातुन निमान पिसिह कीम!” इनजोर पास्कतोर.

लूकाल 23:11

पया एरोद अंतिपस वने तनाङ सीपय्कना संगे, येसुन पास्किस कवतोग़. ओन राजान कीतपु, मिळ्स्कनद जगा केग़्‍पिह कीसि, पिलाति गुमसिनेकेन मल्हच ओया वेहतोग़.

लूकाल 18:32

रासतप लेह्‌का नाकु यहुदि आयवोरा कयदे पोस ईयनुर. नावा पोग़ोन उस्कनुर, पास्कनुर, नावा कदर रेहतनुर.

मार्कल 10:34

ओर नाक उस्कनुर-पास्कनुर, जेट्लाते नल्हतनुर, अह कीसि नाक हव्कनुर. मति नना मूंड दियाने जीवा अरयकन,” इनजोर वेहतोग़.

मत्याल 27:26

अस्के पया यहुदि लोकुरेनाह्‌कु, गुमसि बरबसिन विळ्सतोग़. येसुन मात्रमि ओग़ जूताते नल्हता वेहचि, हव्कनागुटातगा वेळ्हतलाहि, सीपय्कना कयदे ईसीतोग़.

मत्याल 21:35

“पया ओर्युलतोर वाळुमतगा वातस्के, वेर ऊळेवाळे केवालोर ओरिन पोसि, बोन नल्हतोर, बोन हव्कतोर, बोन बंडाङ उकतोर.

इपिसुसतोर 3:1

इव सबे पोल्‍लोन सीता कीसि, नना पोलुनन (मियेनाह्‌क पार्तना कीय्ह्‌नन) ... नना मीट यहुदि आयवोरगा, किर्स्तु येसुना कबळ कीताह्‌के, जेलते मह्‌नन.