बोर देवुळतगा विस्वस कीसि, पया तमा विस्वसतुन विळ्सिह्तोर, ओरिन माट बेद्रम जर मल्हतकल? ओर देवुळता सेतेमता वेह्चतगा वास मतोर, पोग़ोटाहि देवुळ ईयनद बर्कततुन दोर्किह कीस, तान पुन्ज मतोर; दुस्रोर विस्वसिरा संगे, ओर वने देवुळता जीवातुन दोर्किह कीस मतोर. देवुळता पोल्लो बेसतल इनजोर पुतोर; वायनद कालमते देवुळि तोहचीयनद लावतुन, बेस-नेह्ना पुतोर. अद्रमतोर तमा विस्वसतुन विळ्सतेक अचोन, देवुळता मग़िन ओसोवने हव्कनागुटातगा वेळ्हतप लेह्का, ओसोवने दुस्रोरा मुनेह, ओना लजा रेहतप लेह्का कीस्तोर. अदिनेनाह्क ओरिन विस्वसलेवद अग़दाहि ओसोवने जर मल्हतलाह, मुर्तिय पग़नाह आयो.
इब्रितोर 10:32 - माडिया गोंड पवित्र सास्त्रम32-33 अळ्न्दम मीट बेसतल कबुरतुन विस्वस कीस, देवुळता वेह्चतगा वातस्के, मीक बेद्रम कींदुर इनजोर, सीता कीस ऊळाट! बेस्के-बेस्के नाटेनोर मन्कलोरा मुनेह, विरुदतोर मीक लजा अर्हन्दुर, मीक तिपल कींदुर; बेस्के-बेस्के दुस्रोर विस्वसिरिह्क इद्रम आयह्पा, मीट ओरिह्क साय्ता कीतिर. इद्रमलेह्का विस्वसतेनाह्क वेल्लाय तिपलते पप्ळेम आसोर मतिर. (अस्के वने मेग़्किस मतिर.) Gade chapit la |
इब्रितोर 10:32
18 Referans Kwoze
मीट कुलुसि नाटेनोर विस्वसिरिर, इद पोल्लोतुन बेस पुन्ह्टु. मीट नावा मोकमतुन ऊळवेक तेला मीकु, लोदिकिया सहरतोर विस्वसिरेनाह्कु, ओसो मीवा पटटोर सबेटोर विस्वसिरेनाह्कु, नना पका पप्ळेम आयलाह आतन. मीवा जीवातगा दीरा वायना, मीट सबेटोरिर ओर्विह्क-ओर्वोग़ जीवा कीसोर कलियिस मनदना, ओसो देवुळतगा मकतद पोल्लो, मीक पका बेस-नेह्ना तेळियना इन्जि, नना पप्ळेम आयलाह आतन. देवुळतगा मकतद पोल्लो इतेके किर्स्तुये आंदोग़. देवुळता पूरा बुदि ओसो ताना जीवाताङ कतम पोल्लोङ, बेरा मालसोमलेह्का किर्स्तुनगा जमा आस मन्ह्ताङ.
Piblisite