इब्रितोर 10:29 - माडिया गोंड पवित्र सास्त्रम

²⁹ मोसानाङ अडोनु पास्कतेक, अद्रम आस्ता इतेके, देवुळता मग़िनु तना कादे विह्‌कतप लेह्‌का केवाल, पूना करलते माक पवित्र कीयनद किर्स्तुना नेतुरतुनकळ्‍वोग़ इनवाल, तन्क दया तोहतनद देवुळता जीवातुन उस्कना-पास्कना केवाल, इद्रमतोग़ मन्कह्‌क बेचोन सिक्सा दोर्कग़ा?(विचर कीस ऊळाट अले!)

इब्रितोर 10:29 Referans Kwoze

इपिसुसतोर 4:30

मीट देवुळता मन्कलोरिर आतिर, आक्रि दियाते देवुळि मीक पूरा विळ्सिह कीयग़ा इनजोर तोहतलाहि, तना पवित्र जीवातुन, मीक उंद सीनाता लेह्‌का ईता. अदिनेनाह्‌क देवुळता पवित्र जीवातुन दुकम आनाह केमाट.

1 कुरिंततोर 11:27

अदिनेनाह्‌क नना पोग़ोन रासतपु, सामि डोलतदिन तोहतनद आरतुन, अंगुर जोमातुन बोग़ाय ओप्पवद रीतते तितेक-उटेके, ओग़ सामिना मेंदुलतुन, ओना नेतुरतुन पास्किह्‌तोग़.

लूकाल 12:10

ओसो बोग़ाय माने-मन्कना नडुम पुटटोना विरुद वळ्ह्‌कतेके, ओना कसुरता मापि आयग़ा. मति देवुळता पवित्र जीवातुन पास्कतेक मात्रम, ओना कसुरता मापि दोर्को.

इब्रितोर 2:3

(देवतुल्क ततद कबुरतुन केंजवोरु, सिक्साताहि पिस पग़वा मतोर;) इतेके मन्कलोर पिसना लोप्पाडा बेरा कबुरतुन, माट पास्कतेक अचोन, बेद्रम पिस पग़यकल? मुने तान वेहतोग़ु, मावा येसुसामिये. पया सामिनाङ केंजतोरु, अद पोल्‍लो निटमे इनजोर, माक तोहचीतोर. ओरा साक्सि सेतेम मन्ह्‌ता इन्जि तोहतलाहि, देवुळि ओरा कयदे बामिह कीयनाङ सीनाङ, बेरा लावताङ कबस्क कीस तोहता. ओसो तना जीवाता मेटे, तना विचर मतपु, विस्वसिरिह्‌क अलग-अलग बुदिङ तूसिसीता; इद्रमता बेरा कबुरतुन, मुर्तिय पास्कनद आयो.

बळयिर 7:51

“मीट कैंगम मन्कलोरिर! डायना रिवज कीतेक तेला, मीट देवुळतुन पुनवोरा लेह्‌का, तान जीवा केवोरिर, तानाङ पोल्‍लोङ केंजवोरिर! बेद्रम मीवाङ तादोर-बाबोर कींदुर, अद्रमलेह्‌कान मीट वने देवुळता पवित्र जीवातुन अडम आय्ह्‌निर.

इब्रितोर 12:25

अदिनेनाह्‌क उसरते मन्ह्‌टु! देवुळ वेहतनदिन पास्कमाट. इद बूमते मतोग़, (तना कबुरतोग़ मोसाना कयदे,) देवुळि कबुर वेहतस्के, केंजोम इनजोर इस्रयेल मन्कलोर कैंगम आतोर. ओर अद्रम कीताह्‌कु, सिक्साताहि पिस पग़वोर. इतेके अद इंजेके, देवुळदीपते मनवाल (ताना मग़ना मेटे) माक वेहतह्‌पा, केंजोम इनजोर कैंगम आतेके, माट सिक्साताहि बह पिस पग़यकल? मुर्तिय पग़वल!

इब्रितोर 9:13

डागिललेवा मनदनद एर्रेता नेतुर, कोंदाता नेतुर, बोळ्सतद पडा पियोता नेग़ु, इविस्किन इल्ह्‌कतेके, कळ्‍वोग़ आतोग़ मन्कल एडिह्‌तोग़ इनजोर मुनेता अडो इन्ह्‌ता.

1 कुरिंततोर 11:29

सामिन सीता कीयनद आरतुन, अंगुर जोमातुन तिनवालोर-उनवालोर, ताना अर्तमतुन बेस पुनिर. बाराह्‌क इतेके सामिना मेंदुलतुन पास्कवालोर, तमाय पोग़ोन सिक्सा वानाह कीस्तोर.

इब्रितोर 6:4

बोर देवुळतगा विस्वस कीसि, पया तमा विस्वसतुन विळ्सिह्‌तोर, ओरिन माट बेद्रम जर मल्हतकल? ओर देवुळता सेतेमता वेह्‌चतगा वास मतोर, पोग़ोटाहि देवुळ ईयनद बर्कततुन दोर्किह कीस, तान पुन्ज मतोर; दुस्रोर विस्वसिरा संगे, ओर वने देवुळता जीवातुन दोर्किह कीस मतोर. देवुळता पोल्‍लो बेसतल इनजोर पुतोर; वायनद कालमते देवुळि तोहचीयनद लावतुन, बेस-नेह्‌ना पुतोर. अद्रमतोर तमा विस्वसतुन विळ्सतेक अचोन, देवुळता मग़िन ओसोवने हव्कनागुटातगा वेळ्हतप लेह्‌का, ओसोवने दुस्रोरा मुनेह, ओना लजा रेहतप लेह्‌का कीस्तोर. अदिनेनाह्‌क ओरिन विस्वसलेवद अग़दाहि ओसोवने जर मल्हतलाह, मुर्तिय पग़नाह आयो.

इब्रितोर 2:11

माट पापि मन्कलोरिन, येसु पूरा पवित्र कीतोग़. कीताह्‌कु ओना बाबाल, मावा वने देवुळबाबाल आतोग़. अदिनेनाह्‌क नावाङ तमोर-एलास्क इनजोर माक इनदलाह, येसुह्‌क लजा वावो.

योहन 17:19

ओर सेतेम पुन्जि, दुनियाताहि अलग ताकना इन्जि, नना वने इद दुनियाताहि अलग आस ताकिह्‌नन.

मत्याल 7:6

“बोर देवुळताङ पोल्‍लोनु पोहचीतप ऊळिह्‌तोर, ओरिह्‌कु मीट पका दाराताङ मोतिना लेह्‌काडाङ देवुळताङ पवित्र मनदनव पोल्‍लोङ वेहमाटु. मीट वेहतिर इतेके, ओर पदिना लेह्‌का अव पोल्‍लोनु ओय्केङ-विह्‌केङ कीयनुर. ओसो नय्कना लेह्‌का मीक कस्किसि पिळ्हपळ कीयनुर.

इब्रितोर 13:20

सुकम ईयनद देवुळि, तना विचर कीतप लेह्‌का मीट कीयनाह, मीक सबे बेसताङ पोल्‍लोङ ईयि. येसु किर्स्तुना मेटे, मावा ताकमुळतगा तान्क विचर वातव पोल्‍लोङ आयिङ. किर्स्तु येसुना नेतुरता मेटे, देवुळि मावा संगे अमेसातुह्‌क मनदनद पूना करलतुन निल्पिह कीयलाह आता. इद पूना करल नितना इन्जि, देवुळि येसुन ओसोवने हामुरताहि जीवा अर्हता, इद्रमि येसु किर्स्तु मावा बेरोग़ कोपाल आतोग़. ओने मन्कलोर अमेसा-अमेसातुह्‌क मान ईयिर. आमेन.

इब्रितोर 9:20

इल्ह्‌किसि, “देवुळि मीवा संगे कीतद करलतुन, इदे नेतुरता मेटे निल्पिह कीस्ता,” इनजोर वेहतोग़.

1 कुरिंततोर 15:25

विरुदतव सबेटविन आरे कीयनाह्‌जोम, किर्स्तु राजेम कीसोर मनदनद गर्ज मन्ह्‌ता.

रोम सहरतोर 16:20

दीरा पोस मन्ह्‌टु, माक सुकम ईयनद देवुळि, चट्पिटे देयह्‌कना मुक्याना लावतुन बूळे कीस, तान मीवा काल इळ्न वाटग़ा. मावा येसुसामि किर्स्तुना देय्वा मियगा मनि,आमेन.

मत्याल 26:28

इद अंगुर जोमा नावा नेतुरता सीना आंदु. देवुळ लोकुरा संगे कीयनद करलतुन, इद नेतुर निल्पिह कीस्ता. नावा नेतुरि वेल्‍लाटोरा पापम मापि आयनेनाह्‌कु, नेल वाङग़ा.

1 कुरिंततोर 15:27

देवुळि सबेटविन ओना अदिकरते कीसीता इनजोर, सास्त्रमतगा रासतद मन्ह्‌ता. “सबेटविन” इनजोर रासतेके, देवुळतुन विळ्सिसि सबेटविन इनजोर, बराबर एर्का आस्ता. इतेके देवुळि सबेटविन किर्स्तुना अदिकरते कीसीतेक तेला, देवुळि तना ओना कयदे इले.

मार्कल 7:2

अस्के येसुनाङ उच्वुर कग़यवालोर, कय्क नोग़वाये गाटो तिनदनदिन, वेर ऊळतोर.(वेरा विचरते, येसुनाङ कग़यवालोर कळ्‍वोग़कय्किन एडिह केवाये तिंदुर). (

1 कुरिंततोर 6:11

मीवा मुडग्डाहि उच्वुर मन्कलोरिर मुने अद्रमे मतिर. मति येसुसामि किर्स्तु मयेनाह्‌क डोलताह्‌कु, मावा देवुळि तना जीवाते मीवा जीवातुन नोग़ता, नोग़्सि मीक तनेनाह्‌क एग़िह कीता, सेतेमतोर कीता.

इपिसुसतोर 5:26

ओरिन एग़लेह्‌काडा तना पोल्‍लोते एडिह कीस, तनेनाह्‌क एग़िह कीयलाहि,

इब्रितोर 4:14

मति मयेनाह्‌क बेरोग़ पेर्माल मन्ह्‌तोग़; ओग़ आंदोग़ देवुळता मग़ि येसु. ओग़ देवुळदीपते देवुळबाबाना बाजे उदिस मन्ह्‌तोग़. मावा लेह्‌कान ओन्क वने, पापम कीया वेसनाह सबे रीतिनाङ विचर्क वाताङ, तेला मति ओग़ बेस्केन पापम केवोग़. अदिह्‌क ओग़ मावा कमजोरतुन ऊळिस, जीवा लोपवाल आंदोग़. अदिनेनाह्‌क येसुनगा विस्वस कीयनद बेद पोल्‍लोतुन माट कबुल आय्ह्‌नल, अद पोल्‍लोतुन विळ्सवालेवा, मेग़्किस पोस मनदना गावले.