इब्रितोर 10:28 - माडिया गोंड पवित्र सास्त्रम

²⁸ मोसानाङ अडोनु पास्कवाल मन्कन, इर्वुर-मुवुर साक्सि ईतेक अचोन, दया केवा हव्कना इनजोर, अडोनगा रासिस मन्ह्‌ता, इदिन मीट पुतिर.

इब्रितोर 10:28 Referans Kwoze

इब्रितोर 2:2

पोग़ोटाङ देवतुल्कना मेटे, देवुळि मावाङ तादोर-बाबोरिह्‌क पका करलता पोल्‍लो काग़्हता. अद अचोन करलता मता इतेके, बोग़ाय अद पोल्‍लोता बेदाय अडोतुन देहतेक अचोन, कसुरतोन्क ओप्पनद सिक्सा दोर्किंदु.

2 कुरिंततोर 13:1

देवुळता सास्त्रम वेहतपु, कमसेकम इर्वुर-मुवुर मन्कलोरा साक्सिते, नीवा पोल्‍लो करल आयि. अद्रमलेह्‌काने मीक रेंड मल्काङ, मीवा पापमतुन विळ्साटु इन्जि, वेहच मतन. नना दुस्रा मल्काते मियगा वास मतन, अस्के पापम कीतोरिन, अहे सबेटोरिन, रेय्‍पिह कीस मतन. इंजेक नना मियग्डाह जेक मह्‌नन. मति केंजाट, इद सीटटे मीट सबेटोरिन वेहतलाह आतन, नना मुचाकेपाते मियगा वायकन. वातस्के मीट अद्रमलेह्‌काने पापमते मतेके, नना बोने विळ्सोन आयकन!

योहन 8:17

केंजाटु, कमसेकम इर्वुरा साक्सि सेतेम ताकिह्‌ता इन्जि, मीवाङ अडोना सास्त्रमते रासतद मन्ह्‌ता.

मत्याल 18:16

मति ओकावेला ओग़ नीवाङ केंजवेके, निमा नीवा तोळ इर्वुर-मुवुर विस्वसिरिन पोसि, ओसो उंद मल्का ओनगा अन्ज ऊळा. बाराह्‌क इतेके कमसेकम इर्वुर-मुवुर मन्कलोरा साक्सिते, नीवा पोल्‍लो करल आयि.सास्त्रम वने इहे वेहतह्‌ता.

याकुब 2:13

बह इतेके, बोग़ दुस्रोरा पोग़ोन दया केवोग़, देवुळ वने नेयम कीयनद दियाते, ओना पोग़ोन दया केवो आयग़ा. मति दया केवालोर मन्कलोर, नेयमतुह्‌क रेयोर आयनुर.

रोम सहरतोर 9:15

मोसान देवुळि बाताल इता, मीक सीता मन्ह्‌ताया: “बोना पोग़ोन दया कीयना, बोना पोग़ोन जीवा लोपना, अद नावाय विचरते कीय्ह्‌नन,” इनजोर इता.

इब्रितोर 12:25

अदिनेनाह्‌क उसरते मन्ह्‌टु! देवुळ वेहतनदिन पास्कमाट. इद बूमते मतोग़, (तना कबुरतोग़ मोसाना कयदे,) देवुळि कबुर वेहतस्के, केंजोम इनजोर इस्रयेल मन्कलोर कैंगम आतोर. ओर अद्रम कीताह्‌कु, सिक्साताहि पिस पग़वोर. इतेके अद इंजेके, देवुळदीपते मनवाल (ताना मग़ना मेटे) माक वेहतह्‌पा, केंजोम इनजोर कैंगम आतेके, माट सिक्साताहि बह पिस पग़यकल? मुर्तिय पग़वल!