गलातितोर 5:25 - माडिया गोंड पवित्र सास्त्रम

²⁵ इद्रमलेह्‌का देवुळता पवित्र जीवाते माट पिसिह्‌नल, अहे अद जीवा माक ताकिह कीतपु, माट ताना पेग़्के ताकिङ वने.

गलातितोर 5:25 Referans Kwoze

गलातितोर 5:16

इंजेके नना वेहतह्‌नन, बेस केंजाटु! देवुळता जीवा मीक बह ताकिह कीस्ता, अहे ताकाटु; अस्के मीवा मन्कना बुदते, मीट मुर्तिय ताकविर आयकिर.

योहन 6:63

मन्कना बुदते विचर केमाटु, ताना पाय्दा बातय इले. मति देवुळता जीवाताहि दोर्कनद बुदते ताकतेकेने, मीकु तानग्डाहि करलता पिसमुळ दोर्कग़ा. बेव गोटिङ नना मीक वेहतन, अव देवुळता जीवाताङ गोटिङ आंदुङ, अविन नमतेके मीकु करलता पिसमुळ दोर्कग़ा.

2 कुरिंततोर 3:6

देवुळि इंजेके मन्कलोरा संगे पूना करल कीता. अद करलतुन पोकुर कीयनद सेवा कीयलाह, माक ओप्पे कीता. अद पूना करल मोसाल रासतव अडोना इसबते आयो, मति देवुळता जीवाता इसबते आंदु.(बोग़े रासतव अडोन पूरा नोम पग़वोग़,) अदिह्‌क अवु माक हामुरतेके ओसीस्ताङ. देवुळता जीवा बार, माक अमेसाता पिसमुळतके ओसीस्ता.

1 पत्रु 4:6

इदिनेनाह्‌कु येसुना बेसता कबुरि हातोरिह्‌क वने, (वेर हायनामुनेन) वेहतद मता. वेर हातोरिह्‌क, सबेटोर पापि मन्कलोरा लेह्‌का, तमाङ मेंदुस्कने हामुरता सिक्सा कोनि दोर्कताये. तेला मति अद बेसता कबुरतुन नमताह्‌कु, वेराङ जीवाङ देवुळलेह्‌का अमेसा पिससोर मनदा पग़यनुङ. अदिह्‌क ओरिह्‌क बेसता कबुर वेहतद मता.

रोम सहरतोर 8:10

किर्स्तु मीवाङ जीवानगा मतेक अचोन, मीवाङ मेंदुस्क पापमतुह्‌क डोलतेक तेला, देवुळि मीक सेतेमतोर कीताह्‌कु, ताना जीवा मीक अमेसाता पिसमुळ ईस्ता.

1 कुरिंततोर 15:45

देवुळता सास्त्रमतगा इद्रम रासतद मन्ह्‌ता: मुनेतोग़ मन्कल आदम जीवाता मान्वल आतोग़ इनजोर रासतद मन्ह्‌ता. अद्रमे पयाडोग़ आदम, इतेके किर्स्तु, देवुळता पिसमुळ ईयनद जीवा आतोग़.

तोहचीतव पोल्‍लोङ 11:11

मति मूंड दियाना वळ्गा आतापया, देवुळि लोहतद ऊकुरि डोलतोरगा ओळियिह्‌ता. ओळियतस्के, ओर तेदिस नितह्‌तोर. तेदिस नितस्के, ऊळवालोर पका रेयिह्‌तोर.

पिलिपितोर 3:3

(ओर मन्कलोर डायना रिवज कीयनद पोल्‍लो वेहतलाह आतोर.) माट बारा येसुन विस्वस कीतोरले, निटम डायना रिवज कीतोरल आंदल, ओर आयोर. बाराह्‌क इतेके, माट देवुळता जीवा वेहतपु तान मोळ्किह्‌नल. ओसो किर्स्तु येसु माक पका बेरा गूनम तोहतोग़ इनजोर, गिर्दा आय्ह्‌नल. ओसो मावा मन्कना बुदतगा बर्वस तासवा, तान डायिस पोहतप लेह्‌का पिसिह्‌नल.