गलातितोर 4:3 - माडिया गोंड पवित्र सास्त्रम

³ अद्रमलेह्‌का माट वने, उड्लोरा लेह्‌का पुनवोरल मतस्के, दुनियाताङ अङ्ळमताङ उतुर्कना लेकाने, माट एग़्किस मंदल.

गलातितोर 4:3 Referans Kwoze

कुलुसितोर 2:20

तेन बोयमाटु, तान तिनमाटु, इदिन इटमाटु इनजोर मीट नोममाटु. तिनदनद मालु कबळतुह्‌क अरयह्‌ताये; मति तितापया, अद कबळतुह्‌क अरवो. अद्रमता मादा पोग़ोन, मन्कलोरे अडोङ पुटिह कीसि, दुस्रोरिन काग़्हतह्‌तोर. मीवा मन्कना बुदि किर्स्तुना संगे डोलताह्‌कु, इद दुनियाताङ अङ्ळमताङ अडोङ-उतुर्क मीक दोहच तास पग़वोङ. पया मीट दुनियातोरा लेह्‌का अद्रमताङ पोल्‍लोन केंजिसि बाराह्‌क पिसलाह आतिर?

कुलुसितोर 2:8

इदिन पुन्ज मन्ह्‌टु! मन्कलोर वासि, मन्कना बुदताहि पुटटव पोल्‍लोनु, (देवुळताङ पोल्‍लोङ इनजोर) काग़्हतह्‌तोर. ओर पका बुदतोर दिसतेक तेला, ओराङ पोल्‍लोङ उगसताङ ओसो जोल पोल्‍लोङ आंदुङ. लोकुर वेहतव अव इद दुनियाताङ अङ्ळमताङ पाय्दालेवाङ उतुर्कनाङ पोल्‍लोङ आंदुङ, किर्स्तुनग्डाह वातव आयोङ. अदिनेनाह्‌क अव पोल्‍लोङ काग़्हचि तमा कयदे कीयलाहि, ओरिह्‌क मीट अग़ एमाटु.

गलातितोर 4:9

इंजेक बार मीट देवुळता एरे वातिर (आयो, देवुळिये मीक एरे कीता), मीट बेद्रमि दुनियाताङ अङ्ळमताङ पाय्दालेवाङ उतुर्कना पेग़्के, ओसो मल्स दायलाह आतिर? अविस्कना लेकाने बेद्रम मीटु ओसो एग़्कलाह ऊळिह्‌निर?

गलातितोर 2:4

इद पोल्‍लो बह पुटटा इतेके, अगा सोङ केवालोर जोल विस्वसिर वास मतोर.किर्स्तु येसु बेद्रम माकु यहुदिराङ अडोनग्डाहि विळ्सिह कीतोग़, ताना आय्डा गुंजलाहि, ओर कुस्क्ने नेङिस मतोर. माटु ओरा पोल्‍लोतुन केंजिसि, अव अडोने ओसो ताकना, इद्रमताये विचरते वातोर.

गलातितोर 4:31

इतेके मावोरिर, माट ओर्युलता लेह्‌काडाङ अडोनाङ मग़्कनल आयवल, मति ओर्युल आयवद लेह्‌काडा विस्वसताङ मग़्कनल आंदल.

बळयिर 15:10

इचोन तोहचाय मति, मीट इंजेके मोसानाङ अडोने ताकाट इनजोर वेहचि, ओरा पोग़ोन पूहतद मोतातुन वाटलाह, बाराह्‌क देवुळता पट ऊळिह्‌निर? मावाङ तादोर-बाबोर ओसो माट वने, मोसानाङ पूरा अडोने ताक पग़वल.

रोम सहरतोर 8:15

बहु साकुर केवाल तना माल्काह्‌क रेयिस मनदना लेह्‌का, माकु देवुळताहि रेय वसनद जीवा दोर्कताया? आयो! मावा जीवातगा मनदनद पवित्र जीवा, माकु देवुळताङ मग़्क-मयास्‍क आनाह कीता. अदिनेनाह्‌क देवुळतुनु, ए नावा बाबानिन इनजोर, केय पग़यह्‌नल.

योहन 8:31

बोर यहुदिर येसुन नमिह्‌नोम इतोर, ओरिन ओग़ इतोग़, “मीट निटमे नावाङ कग़यवालोरिर आय्ह्‌निर इतेके, मीट नावा पोल्‍लोते तिरियकिर.

इब्रितोर 7:16

पलाना कूळतोग़ बूमयाल मनदना इनजोर, मोसानाङ अडोनगा रासतद मन्ह्‌ता; येसु अद इसबते बूमयाल आयोग़; मति ओनगा अमेसातुह्‌क पिसनद लाव मन्ह्‌ता, अद इसबते बूमयाल आतोग़.

गलातितोर 4:25

(इद सीनय मेटा इतेके, अरब देसेमते मन्ह्‌ता.) अद ओर्युलतद आगर इतेके, इद दुनियाता येरुसलेमतोरा लेह्‌का आंदु. बह इतेके, येरुसलेमतोर यहुदिर वने, सीनय मेटातगा ईतव अडोना कय इळ्न मन्ह्‌तोर.

गलातितोर 3:19

मोसानाङ अडोन पया देवुळि बाराह्‌कु ईता इतेके, अब्रहम मुय्तोना कूळतोन्क, इतेके किर्स्तुह्‌कु, देवुळि पोल्‍लो विळ्सिस मता, अयो? ओग़ वानाह्‌जोम, माट पापमतोरल आय्ह्‌नल इदिन पुनदलाहिये, देवुळि माक अडोङ वने ईता. इव अडोनु देवुळ तनाङ देवतुल्कना मेटे ईता, मोसा मुय्तोग़ अस्के कलियिह केवाल मतोग़.

मत्याल 11:28

“एय कह्‌टेम कीसोर बागतोरिर, (वेल्‍लाङे अडोङ-उतुर्कना) मोता कांजतोरिर, मीट सबेटोरिर नयके वाटु, अस्के नना मीवाङ जीवाह्‌कु आरम ईकन.

रोम सहरतोर 7:14

निटमे, मोसानाङ अडोङ इतेके, देवुळतग्डाङ आंदुङ इनजोर, माट पुतल. मति नना इसि मन्कना बुदतोनन, पापमता कय इळ्न मनवानन.

2 कुरिंततोर 11:20

इतेके ओर मीक ओर्युलतोरा लेह्‌का ऊळतेक तेला, रेय्‍पिह कीस तितेके तेला, नाळेह कीस तितेक तेला, केमेन मह्‌निर. तम्क बेरोरोम इन्ह्‌तोर, लजा वानाह मीक चापुळ ईस्तोर, अस्के वने बाताले इनविर, केमेन मह्‌निर.

गलातितोर 4:2

तपे वेहतद कगो एवनाह्‌जोम, ओना पोग़ोन ऊळेवाळे केवालोर, मालसोमता जबब्दर एनवालोर मन्ह्‌तोर.

गलातितोर 4:8

मति मुने मीट सेतेम देवुळतुन पुनवाह्‌कु, जोल देवुळ्कना कय इळ्न मतिर.

गलातितोर 4:24

इव पोल्‍लोङ इतेके, पुन्पिह कीयनव पोल्‍लोङ आंदुङ. इतेके इव रेंड आस्कु, रेंड करल्कना लेह्‌का आंदुङ. उंद करल इतेके, सीनय इनदनद मेटाता करल आंदु(अगाने देवुळि इस्रयेल लोकुरिह्‌क दहा अडोङ ईसि करल कीता). इद करल इतेके, आगर इनदनद ओर्युल आंचाना लेह्‌का, ओर्युल पेकोरिने पुटिह कीस्ता.

इब्रितोर 5:12

मीट वेल्‍लाय मुने विस्वसिरिर आतिर. इचोटे विस्वसता पोल्‍लोतुन, दुस्रोरिह्‌क काग़्हवालोर आयना मता. मति देवुळताङ पोल्‍लोनु, ओसोवने सुरुताहि मीक काग़्हतना लेह्‌का आता अले! इंका वने पाल उनवालोर पिलाङ-पेकोरा लेह्‌कान मह्‌निर, गाटो तिनदा पुतोरा लेह्‌का आयविरे.