गलातितोर 4:17 - माडिया गोंड पवित्र सास्त्रम

¹⁷ ओर जोल कबुर वेहवालोर बार, मीक गोत कीयलाह ऊळिह्‌तोर, मति मीवा पाय्दातेनाह्‌क आयो; मीट ओराये मुडगा कलियना इन्जि, मयग्डाहि मीकु अलग कीयलाह ओर ऊळिह्‌तोर.

गलातितोर 4:17 Referans Kwoze

रोम सहरतोर 16:18

अद्रमतोर मावा सामि किर्स्तुना सेवा केवोर, मति तमाङे लालुस्क मतप कीसोर तिरियिह्‌तोर. मिङताङ-मिङताङ पोल्‍लोङ वेहचि, तेळियवोर लोकुरिन नाळेह कीसि, लेसिह कीस्तोर.

2 पत्रु 2:3

जोल पोल्‍लोङ काग़्हवालोर कोताना लालुसतुह्‌क, तमाय पुटिह कीतव पोल्‍लोन वेहतनुर. ओसो अविस्किन वेहचि, मीक नाळेह कीयनुर. ओरिन सिक्सा ईयनद देवुळि, वेल्‍लाय जोमताहि तयर मन्ह्‌ता. अद ओरिन बूळे कीयग़ा; अद कूर्कसोर मनो.

1 कुरिंततोर 4:8

आयो! पोटा पंजनाह तितोरा लेह्‌कान, किर्स्तुना पोल्‍लोता लोप्पा, सबे पुतप लेह्‌कान आतिर! देवुळता जीवाताङ सबे बुदिङ मयगा मन्ह्‌ताङ इनजोर इह्‌निर! माट सेवकिरिन पोहचीतप लेह्‌का ऊळिसि, मीट राजालोरा लेह्‌का ताकिह्‌निर! (गलत विचर कीयलाह आतिर रा!) मीट निटम राजालोर आतेक अचोन ओप्पालि! माट वने मीवा संगे राजेम ताकिह केवेरोम!

रोम सहरतोर 10:2

देवुळतुन माळलाहि, ओरा पका जिद मन्ह्‌ता इनजोर, नना ऊळतन. मति ओर देवुळ वेहता अग़दुन पुनोर.

मत्याल 23:15

“ए सास्त्रमगूरुरिर ओसो परुसिरिर, मीट सोङ केवालोरिर! मीक बेचोटा गोसा आयग़ा! बाराह्‌क इतेक मीट दुस्राङ-दुस्राङ देसेह्‌कनगा, यहुदि दर्मते ओळियवाल वग़ोग़े कग़यवान दोर्किह कीयलाह, बूमतुन मारिह कीय्ह्‌निर! ओग़ दोर्कतस्के पया मीट ओनु मीकाय एक्‍वा, पिववद किसबटटा सिक्सातुह्‌कु ओप्पनाह कीय्ह्‌निर.

2 पत्रु 2:18

वेर पोमाडेङ पोल्‍लोङ वळ्ह्‌किह्‌तोर, मति अव पोल्‍लोङ बेदिह्‌के अरवोङ. अह वळ्ह्‌किसि, वेर लजालेवा लाग्वाङ कबस्कना मेटे, लेसतोर मन्कलोरग्डाह पेसिसि, सेतेमता अग़दे पूनाङ-पूनाङ वातोर मन्कलोरिन, मेंदुदाङ लालुस्कने एग़्किह कीस्तोर.

पिलिपितोर 2:21

दुस्रोर आपुनाङ-आपुनाङ विचर्कने ताकिह्‌तोर, किर्स्तुना विचर बाताल मन्ह्‌ता, तान बोरे सीता केवोर.

2 कुरिंततोर 11:3

मति बेद्रम एदेन वाळुमते तरस वासि, मुनेता आंचाळ अवानु, तना सत्रल बुदते एग़्किह कीता, अद्रमलेह्‌कान बोराय वासि, मीक पवित्रते, उंद विचरते मन्जि, किर्स्तुन मोळ्कवाह लेसिह कीयनुर बहा इनजोर रेयतन.

1 कुरिंततोर 11:2

मीट नाक सबे पोल्‍लोने सीता कीय्ह्‌निर, अहे नना मीक काग़्हतव पोल्‍लोना लेह्‌काने ताकिह्‌निर, बेस-नेह्‌ना कीय्ह्‌निर.

1 कुरिंततोर 4:18

नना मियगा वावोन आयकन इनजोर, मियग्डाहि उच्वुर पोग़यसोर तिरियलाह आतोर.

गलातितोर 4:16

इतेके नना मीकु सेतेमताङ पोल्‍लोङ वेहचि, मीवा कोंटेतोनन आतन बहे!

गलातितोर 4:18

मीक गोत कीयना इतेके, मीवा पाय्दातेनाह्‌क कीतेके बेसु! नना मियगा मतस्के, अहे कींदन. मति नना अगा मनवेक वने, दुस्रोर मीवा पाय्दातेनाह्‌क गोत कीतेके बेस आवालि.