गलातितोर 3:8 - माडिया गोंड पवित्र सास्त्रम

⁸ इंजेके विस्वसतुह्‌के, सबे जातिनोर सेतेमतोर आयना इन्जि, मुनेताहि देवुळता विचर मता. मताह्‌कु, अद अब्रहम मुय्तोनु मुनेने इद बेसता कबुर वेहता, सबे जातिनोरिह्‌कु नीवा मेटे बर्कत दोर्कग़ा, इद्रम सास्त्रमते रासतद मन्ह्‌ता.

गलातितोर 3:8 Referans Kwoze

इब्रितोर 4:2

बेसतल कबुरतुन इस्रयेलतोर केंजतप लेह्‌कान, माट वने केंजतल; मति ओर केंजतस्के, अद कबुरतुन विस्वस केवोर. अदिनेनाह्‌क केंजिसाय, ओरिह्‌क बाताले पाय्दा इले.

गलातितोर 3:22

मति सास्त्रम वेहतपु, पूरा दुनिया पापमते दोहतद मन्ह्‌ता. पोल्‍लो विळ्सिस मतद बर्कत येसु किर्स्तुनगा विस्वस तासतेकेने, माक विस्वसिरिह्‌क दोर्कना इन्जि, इद्रम आता.

गलातितोर 3:16

इंजेके अब्रहम मुय्तोह्‌कु, देवुळि पोल्‍लो विळ्सिस वेहन्दु, “नीकु ओसो नीवा कूळतोन्कु बर्कत ईकन” इन्जि. इतेके नीवाङ कूळतोरिह्‌कु ईकन इन्जि, देवुळ वेल्‍लाटोरा लोप्पा वेहो, मति नीवा कूळतोन्कु इन्जि, ओर्विनाये लोप्पा वेहचि. ओग़ कूळतोग़ बोग़ इतेके, येसु किर्स्तुये आंदोग़.

योहन 7:38

सास्त्रमते रासतपु, बोर नाक नमनुर, ओरग्डाहि जीवात मनदनद एताङ बेरेह्‌क पोङनुङ,” इनजोर इतोग़.

तोहचीतव पोल्‍लोङ 11:15

पया एळुङ मल्काता देवतुलि अकुम ऊरता. अस्के देवुळदीपतगा वेल्‍लाङे लेङिङ जोरते पेसताङ. अव इद्रम इताङ, “दुनियाता राजेम पूरा मावा देवुळता, ओसो अद आचतोग़ पिसिह केवाल राजाना आता. इंजेके अद अमेसा-अमेसातुह्‌क राजेम ताकिह कीस्ता,” इनजोर इताङ.

रोम सहरतोर 9:30

इंजेके बाताल इनदकल? यहुदि आयवोर देवुळता सेतेमतुन पर्ह्‌कोर. तेला मति उच्वुर किर्स्तुन विस्वस कीताह्‌कु, देवुळि ओरिन सेतेमतोर कीता.

रोम सहरतोर 9:17

ताना सास्त्रमते रासतपु, मोसाना कालमते, देवुळि पिरोन राजान इद्रम इता: “नीवा पोग़ोन वायनव पीळाना मेटे, नावा डीसातुन तोहतकन. अस्के पूरा बूममेंड नावा पेदिर दायग़ा, इद पोल्‍लोतेनाह्‌के, नीक राजाल इनजोर निल्पिह कीतन” इनजोर रासतद मन्ह्‌ता.

गलातितोर 4:30

मति सास्त्रम बाताल वेहतह्‌ता? ओर्युल आंचाना पेकाह्‌कु, मोदुल मुतेना पेकाना संगे तपेना तूस मुर्तिय दोर्को आयग़ा. अदिह्‌कु ओर्युलतदिन, ताना पेकानु पलत पेहचीम! इनजोर वेहतह्‌ता.

योहन 7:42

ओग़ इतेके दाविद राजाना कूळतोग़ आयनोग़, ओसो दाविद राजाल बेद बेत्लेहेम नाटे मतोग़, अग्डाहि वायनोग़, इनजोर सास्त्रमते बह रासतद इलेया?”(येसु गालिल पटटे पुटिस मनदनोग़ इनजोरे, ओर अह इंदुर.)