गलातितोर 2:1 - माडिया गोंड पवित्र सास्त्रम

¹ ताना पया चोव्दा वर्साङ आनेके, नावा ऐंगेटोग़ बार्नबसना संगे, नना ओसो येरुसलेमतके अतन, अस्के नावा तोळतोग़ तीतुसिन वने माट पोस अतोम.

गलातितोर 2:1 Referans Kwoze

गलातितोर 2:3

मति नावा तोळतोग़ तीतुस, यहुदि आयवोग़ मतोग़ तेला मति, वेन इंका यहुदिरा डायना रिवज नोमलाह जबर्दस्ति केवोर.

कुलुसितोर 4:10

अरिस्तरकुस नावा संगे जेलते मन्ह्‌तोग़. ओग़ मीक जय येसु इन्ह्‌तोग़. बार्नबसना कुटुमतोग़ मार्कल वने, मीक जय येसु इन्ह्‌तोग़. (नना मीक मुनेन वेहतप लेह्‌का, मार्कल मियगाह्‌क वातेके, ओन बेस ऊळाटु.)

गलातितोर 2:13

ओसो ओन ऊळिसि, मावा यहुदि जाततोर दुस्रोर विस्वसिर वने, अद्रमे सोङ कीतोर. अदिह्‌कु बार्नबस इंका सोङ केवालोरा संगे कलियलाह बोटटोग़.

गलातितोर 1:18

ताना पया मूंड वर्साङ आनेके, पत्रुन कलियलाह नना येरुसलेमतके अन्जि, ओनगा पंद्रा दियाङ मतन.

2 कुरिंततोर 8:23

तीतुसना लोप्पा बोग़ाय ताल्ह्‌कतेक, इद्रम वेहाट: ओग़ नावा तोळतोग़ आंदोग़; अहे नावा संगे मियगा सेवा कीयलाह आतोग़. ओना संगे वावालोर इर्वुर मन्कलोरा लोप्पा, इद्रम वेहाट: ओर मावा ऐंगेटोर विस्वसिर आंदुर, विस्वसिरा मुडोर आचिस लोहतोरु. ओरा सेवातेनाह्‌क किर्स्तुह्‌कु मान दोर्किह्‌ता.

2 कुरिंततोर 8:16

माट मियेनाह्‌क बेचोन आलिह कीय्ह्‌नोम, अचोन तीतुस वने आलिह कीस्तोग़. अद आल्सुळतुन ओना जीवातगा वाटटद देवुळतुन जोहर कीय्ह्‌नोम.

1 कुरिंततोर 9:6

कबळ केवालेवा मियगा उदिस तिनदलाह नना, बार्नबस, सिरप माक इर्वुरिह्‌के अदिकर इलेया? (मीक बेसता कबुरतुन पोकुर कीयलाहि, मावाङे कोताङ बाराह्‌क कर्सा केवेरोम?)

बळयिर 15:25

अदिह्‌क माट सबेटोरोम कलियिसि, इर्वुर मन्कलोरिन आचिसि, मियगा कबुर लोहतकल इनजोर, विचर कीतोम. ओर आचतोरु, (यहुदाल ओसो सीलास,) मावा गोततोर बार्नबसना, पोलुना संगे मियगा वास्तोर.

बळयिर 14:12

पया बार्नबसिन तमा मोदुल पेन जेयुस आंदोग़ इनजोर इंदुर, पोलु पका वळ्ह्‌किंदोग़, अदिह्‌क ओन तमाङ पेन्कना कबुर वेहवाल इरमेस आंदोग़ इनजोर इंदुर.

बळयिर 13:50

मति सहरतगा, यहुदिरा देवुळतुन मोळ्कनव मोदुल आस्क मताङ. अविनु ओसो सहरतोर पेदल्किनु, यहुदिर ओङ तग़्हचीतोर. तग़्हचीतस्के सबेटोर कलियिसि, पोलुन, बार्नबसिन तिपल कीसि तमा एरियाताहि ओरिन पूंडटोर.

बळयिर 13:2

उंद दिया ओर देवुळतुन मोळ्कसोरे, उपस-पार्तना कीसोर मतोर. अस्के देवुळता जीवा ओरिन इद्रम वेहता इतेके, “नना बार्नबसिन, सोलुन बेद कबळतेनाह्‌क आचतन, अद कबळतेनाह्‌क ओरिन मियग्डाह निल्पिह कीम्ह्‌टु,” इता.

बळयिर 12:25

पया बार्नबस, सोलु, वेरु (यहुदा पटटोर विस्वसिरिह्‌क दुकळतेनाह्‌क दान ईतव कोताङ तचीतद) तमा सेवा मारिह कीतोर. कीसि योहन-मार्कन पोसि, येरुसलेमताहि अंताकिया सहरते मलतोर.

बळयिर 11:30

पया अद्रमे कोताङ अर्हचि, अव कोतानु बार्नबसना, सोलुना कयदे ईसि, येरुसलेम मतोर विस्वसिराङ पेदल्कनगा लोहतोर.

बळयिर 11:25

पया बार्नबस सोलुन पर्ह्‌कलाहि, तरसुस सहरते अतोग़.

2 कुरिंततोर 2:13

नावा ऐंगेटोग़ विस्वसि तीतुस वने अगा वासि, मियकेडा कबुर ततनोग़ इनजोर, अग़ ऊळसोर मतन. मति ओग़ अगा वावोग़; वावाह्‌कु नावा जीवा चुहेम आयो. जीवा चुहेम आयवाह्‌कु, नना तरोवस सहरतोरिन दाय्ह्‌नन इनजोर वेहचि, मकिदुनिया पटटे वातन.

गलातितोर 2:9

ओसो बेद्रमता देय्वा नाकु देवुळ ईता इन्जि, वेर मुवुर मुक्यालोर पुतोर. देवुळ नाकु इद्रमता अदिकर ईता, देय्वा ईता इन्जि, वेर नाकु ओसो बार्नबसिनु गोत ओग़्ङिसि, मावा संगे करल कीतोर. इतेके माट इर्वोम दुस्राङ जातिनोरगा सेवा कीयना, ओर बार यहुदिरगा सेवा कीयना इनजोरे.