9 माट मुने मीक वेहच मतोम, इंजेक ओसो नना सीता कीसीय्ह्नन, बेस केंजाटु. मीट मुने नमतद बेसता कबुरतुन विळ्सिसि, अलगता कबुर मीक बोर वेहतह्तोर, ओरिन देवुळि बूळे कीयि.
इंजेके, मावोरिर! इद उंद पोल्लोतुन अर्जि कीस वेहतलाह आतन. उय्तुर मन्कलोर मन्ह्तोर, ओरु मीट कग़यतव पोल्लोन नमवा, दुस्राङे पोल्लोन काग़्हचि, विस्वसिरा मुडोरगा कोंटेङ पुटिह कीस्तोर. ओसो बोर-बोरिन विस्वसतुन विळ्सनाह कीस्तोर. अदिह्क मीट उसरते मन्ह्टु, ओरग्डाहि जेक मन्ह्टु.
मति इंजेके मियगा वावोन! अदिनेनाह्क रेंड विचर्क केवाल इनजोर, नाक इनेरिर! नना अद्रमतोनन आयोन. मन्कना बुदते ताकवालोरा लेह्का, मीक इंगो वाय्ह्नन इनदना, मति जीवातगा आयो वावोन इनदना, इद्रमलेह्का रेंड वेंजेह्कना बुदतोनन आयोन.
मावोर विस्वसिरिर! इव सबे पोल्लोन वेहचि, इद उंद पोल्लो इह्नन: मीट सामिना देय्वाते गिर्दा आसोर मन्ह्टु. मुने वेहतव पोल्लोन ओसो वेहतलाहि, नाक कयर वावो, मीट विस्वसताह इळ्न अरयनद आयो इनजोर वेहतह्नन.
मीट सबेटोरिर सामिना देय्वाते गिर्दा आसोर मन्ह्टु. ओसो वेहतलाह आतन, गिर्दा आसोर मन्ह्टु.
अगा उचुक दियाङ मन्जि, ओसोवने पेसिस, गलाति पटटा पुरुगिया एरियातोर विस्वसिरिह्क दीरा ईसोर तिरियतोग़.