गलातितोर 1:22 - माडिया गोंड पवित्र सास्त्रम

²² इंजेके नाकु यहुदा पटटे मनवालोर किर्स्तुना मुल बेस्केन कलियोर आसि, ओसो ओर नाक पुनोर वन आसि.

गलातितोर 1:22 Referans Kwoze

1 तिसलुनितोर 2:14

इतेके बेद्रम यहुदा पटटगा, किर्स्तु येसुना विस्वसिरा मुडुन, तमाय यहुदि मन्कलोर पकाय तिपल कीतोर, अद्रमे मीवा देसेमतोर वने मीक तिपल कीतोर. अदिनेनाह्‌क यहुदि विस्वसिरिह्‌क आतप लेह्‌कान, मीक वने आता.

रोम सहरतोर 16:7

नावा यहुदि जाततोर अन्द्रनिकुस, यूनिया, वेर इर्वुरिह्‌क नना जय येसु इह्‌नन. किर्स्तुनाङ बळयिरग्डाहि ओर कम आयोर. नना विस्वस कीयनामुनेन, ओर विस्वस कीतोर, ओसो नावा संगे जेलते वने मतोर.

2 तिसलुनितोर 1:1

नना पोलुनन, सीलास ओसो तिमोति, माटु इद सीटटुन मीक तिसलुनि सहरते मनवालोर, विस्वसिरा मुडुह्‌क रासलाह आतोम. मीट देवुळबाबाना संगे, ओसो येसुसामि किर्स्तुना संगे जोळेम आतोरिर, मीक ओरग्डाहि सुकमि, देय्वा दोर्कि.

1 तिसलुनितोर 1:1

नना पोलुनन, सीलास ओसो तिमोति, माटु इद सीटटुन मीक तिसलुनि सहरते मनवालोर विस्वसिरा मुडुह्‌क रासलाह आतोम. मीट देवुळबाबाना संगे, ओसो येसुसामि किर्स्तुना संगे जोळेम आतोरिर, मीक देवुळताहि सुकमि, देय्वा दोर्कि.

पिलिपितोर 1:1

नना येसु किर्स्तुना कय इळ्न मनवानन पोलुनन आंदन. नावा तोळतोग़ सेवक तिमोति बार इद सीटि, पिलिपि सहरते मनवालोर येसु किर्स्तुन विस्वस कीतोर देवुळता मन्कलोरिह्‌क रासलाह आतोम. मीट विस्वसिरेनाह्‌कु, मीवा मुडगा मनवालोर मुक्यालोरेनाह्‌कु, ओसो सेवा केवालोरेनाह्‌कु, इद सीटि लोहतलाह आतोम.

1 कुरिंततोर 1:30

मति देवुळि मीक किर्स्तु येसुना संगे जोळे कीता. किर्स्तुना मेटे माट देवुळतुन पुनदनद बुदि दोर्किह कीतल. किर्स्तुना मेटे माक देवुळ सेतेमतोर कीता, पवित्र मन्कलोर कीता. किर्स्तुये माक पापमता सिक्साताहि विळ्सिह कीतोग़.

बळयिर 9:31

अस्के पया, यहुदा पटटे, गालिल पटटे, सामरिया पटटे, विस्वसिरा मुडुन बोरे तिपल केवोर. अदिनेनाह्‌क ओरिह्‌क सुकम दोर्कता, ओर विस्वसते बेर्ससोर अंदुर. येसुसामिन रेयिस ताकिंदुर. पवित्र जीवा ईतद तोळते ताकिंदुर. वेल्‍लाटोर येसुन विस्वस कीसि, ओरा मुडा संगे कलियिंदुर.

रोम सहरतोर 16:3

पिरिस्किलाल, अक्‍विलाल, वेर आळ इर्विरिन आस, नना सीता कीय्ह्‌नन इनजोर ओरिन वेहाटु. ओर नावा संगे किर्स्तु येसुना सेवा केवालोर आंदुर इनजोर पुतिरे.

रोम सहरतोर 16:9

ओसो नावा गोतयाल इस्तुकुसिना सीता कीय्ह्‌नन. किर्स्तुना सेवाते मावा ऐंगेटोग़ उरबानुसिह्‌क नना जय येसु इह्‌नन.

रोम सहरतोर 16:10

अपिलेसिह्‌क नना जय येसु इह्‌नन. ओग़ तिपल्कने विस्वसतुन विळ्सवा, किर्स्तुन पोस मंदोग़. अरिस्तुबुलुसना लोते मनवालोर सबेटोर विस्वसिरिह्‌क, नना जय येसु इह्‌नन.

1 कुरिंततोर 7:17

सबेटोर विस्वसिरा मुडोरिन नना इद्रम काग़्हतह्‌नन: सामिनग्डाहि मीक बेद्रमता मनमुळ दोर्कता, अद्रमलेह्‌काने पिसाट. देवुळि मीक तना मन्कलोर आयलाहि आचता अस्के, मीट बेद्रम मतिर, अद्रमलेह्‌काने मन्ह्‌टु इह्‌नन.