गलातितोर 1:13 - माडिया गोंड पवित्र सास्त्रम

^13-14 (नाकु मन्कनग्डाहि इद बेसता कबुर दोर्को, मति किर्स्तुनग्डाहे दोर्कता इतेके,) यहुदि जाततोरगा नावा मुनेटा मनमुळता लोप्पा मीट केंजिस मतिर. नना अस्के देवुळता मुडुन पकाय कुळ्सा अंदन. ओरिन बूळे कीयलाह ओरा पेग़्के दल्गिस मंदन. मावा यहुदि रीतरिवजतुन माळलाहि, नावा ऐंगेटोरिह्‌काय वीळिस बेचोनो मुनेह मंदन. इतेके नावाङ मुनेतोर तादोर-बाबोर काग़्हतनाङ उतुर्क कग़यलाहि, नावा पकाय जिदि मंदु, इदिन मीट पुतिर.

गलातितोर 1:13 Referans Kwoze

बळयिर 8:3

अद तूकने सोलु बाताल कींदोग़ इतेके, विस्वसिरा मुडुन बूळे कीयलाहि, लोह्‌क-लोह्‌क ओळियिसि, विस्वस केवालोर आस्क-कोय्तोरिन पोसि, जेलतगा वाट वेहन्दोग़.

1 कुरिंततोर 15:9

बाराह्‌क इतेके, मुने देवुळता मुडुन नल्हतना-कोह्‌कना कीसोर मतन. अदिनेनाह्‌क बोग़े नाक किर्स्तुना बळयि इनदना लायक इलोन. नना किर्स्तुनाङ बळयिरग्डाह सबेट्क उड्लोनन इनजोर पुतन.

बळयिर 9:26

अस्के पया सोलु येरुसलेम मल्स वातोग़, वासि अगा विस्वसिरिन कलियलाह ऊळतोग़. मति वेग़ सोलु वने येसुन विस्वस कीतोग़ इन्जि, वेन बोरे नमोर आंदुर; अदिह्‌क सबेटोर वेन रेयिंदुर.

बळयिर 9:21

ओना पोल्‍लोतुन केंजतोर सबेटोर पका बामिसि, “वेग़े आयोया, येरुसलेम सहरतगा येसुन मोळ्कवालोरिन बूळे कींदोग़? इगा वने येसुन मोळ्कवालोरिन पेर्मालोरगा दोहच ओयलाह वास मतोग़!” इनजोर तमतमाय इंदुर.

1 तिमोति 1:13

ननान कोनि मुने येसुन उस्किस-पास्किस वळ्ह्‌कतोनन, येसुनोरिनु तिपल कीतोनन, पका मोर्दोप मन्कनन मतन. तेला मति, पुनवालेवा ओग़ इद्रमताङ कबस्क कीस्तोग़, इंकातेला ओग़ नाक नमोग़ इन्जि, किर्स्तु येसुसामि नाक दया कीतोग़.

पिलिपितोर 3:6

अडोङ नोमलाहि नना इचोन जिदतोनन मतन इतेके, विस्वसिरा मुडुन तिपल कीसोर मंदन. अहे बोर अडोङ नोमिसि सेतेमतोर आयलाह ऊळिंदुर, ओर नावा बेदे तप तोहता पग़वोर.

बळयिर 8:1

इस्तिपनिन हव्कतोर अस्के सोलु वने पूरा संग आतोग़. इस्तिपनिन हव्कतापया अदे दिया, येरुसलेम सहरतगा येसुना विस्वसिरा मुडुन पकाय तिपल कीया बोटटोर. अदिह्‌क बळयिरिन विळ्सिसि, सबेटोर विस्वसिर येरुसलेम सहरताहि वितिसि पूरा यहुदा पटटे, सामरिया पटटे, बिरोबटो आतोर.

1 कुरिंततोर 10:32

यहुदिरा, यहुदि आयवोरा, ओसो देवुळता विस्वसि मुडोरा बेस्केन अडम आयवालेवा पिसाट.

1 तिमोति 1:14

ओसो बल्क अरतपु, ओग़ नाक देय्वा ईतोग़, अह आसि इंजेक नावा ओनगा विस्वस मन्ह्‌ता, ओनग्डाहि जीवा कीयनद बुद वाता.