इपिसुसतोर 6:14 - माडिया गोंड पवित्र सास्त्रम

¹⁴ इद्रमलेह्‌का तयर मन्ह्‌टु: (लळयतस्के सीपय्क बेस वितना इन्जि,) नंडटगा पेटा दोहतप लेह्‌कान, मीट देवुळता सेतेम पोल्‍लोतुन पोस ताकाटु. अर्युलतुन राका कीयलाहि, कचता जगा केग़तप लेह्‌कान, मीवा कर्तुळ मीक देयह्‌कना डावताहि राका कीयि.

इपिसुसतोर 6:14 Referans Kwoze

1 तिसलुनितोर 5:8

माट बारा पियलता वेह्‌चते पिसवालोर मन्कलोरल, माट ओचवा, बेसतल बुदते मनदकल. सीपय तना अर्युलतुन राका कीयलाहि, कचता जगा केग़यना लेह्‌कान, विस्वसतुन ओसो जीवा कीयनद पोल्‍लोतुन, अमेसा पोस मनदकल. ओसो सीपय तना तलातुन राका कीयलाहि, कचता टोपि मुचना लेह्‌कान, देवुळि माक पिसिह कीयनद पोल्‍लोतुन आसा कीकल. इवु (विस्वस, जीवा कीयनद, आसा कीयनद) माक ईकळताङ सबे आकाङ-दोकानाहि राका कीयनुङ.

लूकाल 12:35

“मीट अमेसा तयर मन्ह्‌टु. ओसो मीवा जीवातग्डा वेह्‌च वने अमेसा पोतसोर मनि.

1 पत्रु 1:13

अदिनेनाह्‌कु मीटु बेस बुदते मन्जि, उसरते मन्ह्‌टु. ओसो येसु किर्स्तु मल्स वायना वेलाते, मीकु दोर्कना बर्कततगा पूरा आसा कीस मन्ह्‌टु.

2 कुरिंततोर 6:7

सेतेम पोल्‍लोतुन पोकुर कीसोरे, देवुळता लाव माक ताकिह कीतप ताकसोरे, ईनाह-आनाह विरुद वातेक तेला, देवुळ माक ईतद सेतेमि मावा कयदे तल्वरलेह्‌काडा, अहे माक राका कीयनद वने मन्ह्‌ता.

इपिसुसतोर 5:9

अह ताकतेके मीट बेसताङ केवालोरिर, कर्तुळते मनवालोरिर, सेतेमते पिसवालोरिर आयकिर.

तोहचीतव पोल्‍लोङ 9:17

कोडाङ ओसो अविस्कनगा उदिस मतोरिन, नना लेकाते ऊळिह्‌पा, अव नाक इद्रम दिसताङ: कोडानगा उदतोर अर्युलतगा कचताङ जगाङ केग़्स मतोर, अव जगाङ किसलेह्‌का कम्कल मताङ, पोग़ोटा बूमता रंगलेह्‌का मताङ, किसतळ्मिना लेह्‌का एरल मताङ. अव कोडानाङ तलाङ, डुवल तलालेह्‌का मताङ, अविस्कनाङ तोडिनाहि किसु, पोया ओसो किसतळ्मिङ पेसिंदुङ.

तोहचीतव पोल्‍लोङ 9:9

अविस्कनाङ अर्युस्कु कचताङ जगाना लेह्‌का मताङ. ओसो अव पापेङ पग़यिह्‌पा, वेल्‍लाङे कोडा गाडाङ लळयतस्के नेकतप लेह्‌कान नेकिंदुङ.

रोम सहरतोर 13:12

इंजेक ईकळ मारलाह आसि, वियतलाह आता. अदिनेनाह्‌क माट ईकळता लेह्‌काडाङ लाग्वाङ कबस्किन पोहचि, देवुळता वेह्‌चते ताकसोरे, ईकळतुन आरे कीयलाह तयर आयिङ.