इपिसुसतोर 5:7 - माडिया गोंड पवित्र सास्त्रम

⁷ अदिनेनाह्‌क ओर अद्रमताङ कबस्क कीयह्‌पा, मीट कलियमाटु.

इपिसुसतोर 5:7 Referans Kwoze

तोहचीतव पोल्‍लोङ 18:4

ताना पया, पोग़ोन देवुळता जागाताहि, ओसो उंद लेङ केंजतन. अद इद्रम इता: “ए नावा मन्कलोरिर! मीट ताना पापमते कलियमाट! ताना सिक्सा मीक दोर्कमाकि! तानग्डाहि पेसिस वाटु!

1 तिमोति 5:22

ओसो विस्वसिरा मुडुन ऊळेवाळे कीयलाह, मुक्यान निल्पिह कीकन इनजोरे, बोनाय पोग़ोन विचर केवालेवा, कंद्रेमते कय्क तासिस निल्पिह कीयलाह ऊळमा. पया इद्रमतोग़ लाग्वोग़ पेसतेके, निमा ओना पापमतगा कलियकिन. निमा इतेक, पापमताहि जेक आम.

इपिसुसतोर 5:11

ईकळते ताकवालोराङ पाय्दालेवाङ कबस्कनगा कलियमाट. मति ओराङ कबस्किन पिङम-पङम तेळियिह कीम्ह्‌टु.

2 कुरिंततोर 6:14

विस्वस केवोरा संगे, उंदिय जुवाते जोळ आस मनमाट. बेसता पोल्‍लो लाग्वा पोल्‍लोता संगे, जोळेम आया पग़यह्‌ताया? वेह्‌च ओसो ईकळ गोत आया पग़यह्‌ताङा?