इपिसुसतोर 5:6 - माडिया गोंड पवित्र सास्त्रम

⁶ बोग़े कबळतुह्‌क अरवव पोल्‍लोङ काग़्हच, मीक लेसिह कीयलाह एमाटु. देवुळता पोल्‍लो केंजवोर अद्रमताङ कबस्क कीस्तोर, अदिनेनाह्‌क अद ओरिह्‌क निटम पका सिक्सा ईस्ता.

इपिसुसतोर 5:6 Referans Kwoze

रोम सहरतोर 1:18

(किर्स्तुना बेसता कबुर सबेटोरिह्‌के गर्ज मन्ह्‌ता.) बह इतेके, देवुळतुन सीता केवोर लाग्वोरु बह कीस्तोर, तमा लाग्वा बुदते सेतेमतुन मिसिह्‌तोर. अद्रमतोरा पोग़ोन देवुळि पका ओङ आसि, देवुळदीपताह तना सिक्सा अर्हचीयग़ा इन्जि, तोहतलाह आता.

मत्याल 24:4

येसु ओरिन इतोग़, “मीक बोग़ाय नाळेह कीयनायो इन्जि, उसरते मन्ह्‌टु.

कुलुसितोर 2:8

इदिन पुन्ज मन्ह्‌टु! मन्कलोर वासि, मन्कना बुदताहि पुटटव पोल्‍लोनु, (देवुळताङ पोल्‍लोङ इनजोर) काग़्हतह्‌तोर. ओर पका बुदतोर दिसतेक तेला, ओराङ पोल्‍लोङ उगसताङ ओसो जोल पोल्‍लोङ आंदुङ. लोकुर वेहतव अव इद दुनियाताङ अङ्ळमताङ पाय्दालेवाङ उतुर्कनाङ पोल्‍लोङ आंदुङ, किर्स्तुनग्डाह वातव आयोङ. अदिनेनाह्‌क अव पोल्‍लोङ काग़्हचि तमा कयदे कीयलाहि, ओरिह्‌क मीट अग़ एमाटु.

1 योहन 4:1

मावोरिर! नयगा देवुळता जीवा मन्ह्‌ता इनवालोर, सबेटोरा पोग़ोन विस्वस तासमाटु. (देवुळता कबुर वेहवालोरोम इनजोर,) जोल कबुरतोर वेल्‍लाटोर, दुनियाते तिरियसोर नाळेह कीस्तोर. अदिनेनाह्‌क ओरगा निटम देवुळता जीवा मन्ह्‌ताया, इले इनजोर, सेतेमतुन पर्ह्‌किस ऊळाटु.

कुलुसितोर 3:6

देवुळता पोल्‍लो केंजवोरु, इद्रमताङ कबस्क कीस्तोर. अद ओरिह्‌क निटम सिक्सा ईयग़ा, इदिन सीताते तासाटु.

मार्कल 13:5

ताल्ह्‌कतस्के येसु ओरिन इतोग़, “मीक बोग़ाय नाळेह कीयना आयो इन्जि, उसरते मन्ह्‌टु.

मत्याल 24:24

बाराह्‌क इतेके, नना देवुळ लोहतोग़ राजानन इनवालोर जोलहालोरु, ओसो देवुळता कबुरतोनन इनवालोर जोलहालोरु, इद्रमतोर पुटनुर. ओर बेराङ-बेराङ बामिह कीयनाङ सीनाङ तोहचि, देवुळ आचतोर लोकुरिन वने लेसिह कीयलाह ऊळनुर. मति ओर अह कीया पग़वोर आयनुर.

1 पत्रु 2:8

“अदु ओरिह्‌क कोदुर ईयनद बंडालेह्‌का आसि, मुटिह कीयनद आदलेह्‌का आता,” इन्जि इंका पवित्र सास्त्रम वेहतह्‌ता. तना पेकाना लोप्पा देवुळता वेहतद पोल्‍लोन केंजवाह्‌कु, नमवाह्‌कु, ओरु कोदुर ईसि अरयह्‌तोर. ओरु अरयिर इनजोरे, देवुळ ओरिन आचिस तासता.

2 तिसलुनितोर 2:3

इद्रम बेदाय रीतते, बोग़े मन्कनाङ पोल्‍लोने मीट लेसमाटु. मुने सबेटोर मन्कलोर देवुळता पोल्‍लोतुन केंजोम इनजोर, विरुद कीयनद कालम वायग़ा. पया देवुळताङ अडोन पास्कवाल मन्कल दिसनोग़. (ओना लाग्वा बुदि, ओन पूरा बूळेम आयनेकेन ओसीयग़ा.) ताना पयाये सामि वायनद दिया वायग़ा.

कुलुसितोर 2:4

नना इद पोल्‍लोतुन बाराह्‌क रासलाह आतन इतेके, मीक बोरे मिङताङ-मिङताङ पोल्‍लोने नाळेह कीस लेसिह कीयनायो.

मार्कल 13:22

बाराह्‌क इतेके नना देवुळ लोहतोग़ राजानन इनवालोर जोलहालोरु, ओसो देवुळता कबुरतोनन इनवालोर जोलहालोरु, इद्रमतोर पुटनुर. ओर बामिह कीयनाङ कबस्कु ओसो सीनाङ तोहचि, देवुळ आचतोर लोकुरिन वने, लेसिह कीयलाह ऊळनुर. मति ओर अह कीया पग़वोर आयनुर.

कुलुसितोर 2:18

मीक जोल काग़्हवालोर इद्रम वेहतह्‌तोर, “मावा लेह्‌का तिपलता नोमळ कीयना, पोग़ोटाङ देवतुल्किन मोळ्कना,” इन्ह्‌तोर. इद्रम वेहचि, मीट देवुळता राजेमता लायकतोरिर आयविर इनजोर, मीवा पोग़ोन कसुर ओपलाह एमाटु. अद्रमतोर मन्कलोर इद्रम-इद्रमताङ लेकाङ ऊळतोम इनजोरे, तमाय मन्कना बुदते उगसे पोग़यसोर तिरियिह्‌तोर.

इब्रितोर 3:19

ओर मन्कलोर देवुळतुन विस्वस केवाह्‌कु, आरम दोर्कनद देसेमतगा ओळिय पग़वोर इनजोर, माक एर्का आस्ता.

इब्रितोर 13:9

अदिह्‌क बोग़ाय वासि, मीट पुनवव, पूनाङ पोल्‍लोङ काग़्हचि, मीक देवुळता सेतेम पोल्‍लोताहि लेसिह कीयलाह एमाटु. इव तिनदनव, इव तिनवव इनजोर मन्कलोर वेहतनव अडोन केंजताह्‌क आयो; मति देवुळि मीक दया कीताह्‌कु, मीवा जीवा मेग़्कनद बेसु. अद्रमताङ अडोन केंजिसि ताकवालोरिह्‌क बातालाय दोर्कताया? बाताले दोर्को!