इपिसुसतोर 4:31 - माडिया गोंड पवित्र सास्त्रम

³¹ कोटुल कीयना, ओङ आयना, कुळ्सा आयना, वर्केयना, लजा कीयना, इव सबेटविस्किन लाग्वाङ पोल्‍लोना संगे, मीवा जीवातग्डाह जेक कीम्ह्‌टु.

इपिसुसतोर 4:31 Referans Kwoze

कुलुसितोर 3:8

मति इंजेके, ओङ आयना, गुरागुरा आयना, कुळ्सा कीयना, बद्‌नम कीयना, करब पोल्‍लोङ तोडटाह पेहतना, इव सबे विळ्साटु.

1 पत्रु 2:1

इंजेके मीटु देवुळि बेचोन बेस गूनमता मन्ह्‌ता इन्जि पुतिर. इतेके मीटु मीवाङ सबे लाग्वाङ कबस्किन विळ्सिसीम्ह्‌टु: सबे कुळ्सा, सबे सोङु, नाळेह कीयनद बुदि, ओसो जीवा कर्वतप आयनदु, कूदिङ दायनदु, इविन विळ्सिसीम्ह्‌टु. इंजेक पुटटोग़ कस्मुल बाला पेकाल बेद्रम पाल उनडलाह गिर्दा आस्तोग़, अद्रमे मीटु इंका मीवा जीवातुह्‌कु, पाललेह्‌का मनदनदु देवुळता पोल्‍लोतुन पुनदलाह, गिर्दा आम्ह्‌टु. इद्रमता पाल उनजोर मतिर इतेके, मीट देवुळतके दायनद वेला एवनाहि, विस्वसते बेर्ससोर मनदकिर.

याकुब 1:19

मावोरिर! मीट सबेटोरिर बेस उसरते केंजना गावले, वळ्ह्‌कलाह कंद्रेम आयना आयो, ओसो चट्पिट ओङ वने आयनद आयो, इव पोल्‍लोन सीताते तासाटु.

कुलुसितोर 3:19

मुजोरिर! मीवाङ मुतेस्किन जीवा कीम्ह्‌टु. अविस्कना मुनेह कोक्ळमते मनमाट.

याकुब 3:14

मति मीवा जीवातगा, मियेनाह्‌के कदर पर्ह्‌कनव, ओसो जीवा कर्वनव, विचर्क निंदिस मताङ इतेके, बुदतोरोम इनजोर, पोग़यसोर तिरियमाटु. सेतेमतुन मकिह कीसि, जोल वळ्ह्‌कमाटु.

इपिसुसतोर 4:26

बेचोन ओङ वातेक तेला, अद ओङ मीक पापमते अर्हमाकि. पोळ्‍द अनवाये मीवा ओङ रेगि!

1 योहन 3:12

मीट काय्नुना लेह्‌का मनमाटु. ओग़ देयह्‌कना लेह्‌का, लाग्वा बुदतोग़ मतोग़; ओसो तना तमिन हव्कतोग़. बाराह्‌क हव्कतोग़? बह इतेके तनाङ कबस्क लाग्वाङ मताङ, मति तना तमिनाङ कबस्क बार सेतेमताङ मताङ, अदिनेनाह्‌क तनतमिन हव्कतोग़.

याकुब 4:11

मावोरिर! ओर्विह्‌क-ओर्विना विरुद वळ्ह्‌कमाटु. बोग़ु तना ऐंगेटोग़ विस्वसिना विरुद वळ्ह्‌किह्‌तोग़, इलवेके ओनगा कसुर वाटिह्‌तोग़, ओग़ देवुळताङ अडोना विरुद वळ्ह्‌किह्‌तोग़. ओसो देवुळताङ अडोन चुकताङ इन्ह्‌तोग़. अद्रम बार मीट देवुळताङ अडोङ चुकताङ इतिर इतेके, अडोङ वेहतप ताकवालोरिर आयविर. मति मीटे नेयम केवालोरा लेह्‌का मन्जि तपिह्‌निर.

तीतुस 1:7

विस्वसिरा मुडुन ताकिह केवाल मन्कल, देवुळता लोतुन ताकिह केवाना लेह्‌कान आंदोग़. अदिह्‌क ओग़ बाताले कसुर दिसवोग़, कैंगम आयवोग़, केनेन ओङ आयवोग़, कल लोटि आयवोग़ु, जग्ळम केवोग़ु, कोताना लालुस केवोग़ मनदना गावले.

1 तिमोति 3:11

अद्रमलेह्‌का सेवा कीयनवु, नाटेनोर कदर ईयनव मनदना, कूदिङ अनववु, बेस बुदते तिरियनवु, सबे पोल्‍लोने सेतेमते मनदना गावले.

2 कुरिंततोर 12:20

बाराह्‌क इतेके, नना मियगा वातस्के, मीक विचर वावदिन नना कीयनाह आयो बहा; नाक विचर वावदिन मीट कीकिर बहा इनजोर रेयतन. इतेके जग्ळम, कुळ्सा, ओङु, कुदता पाय्दा ऊळना, कूदिङ, गुरागुरा वळ्ह्‌कसोर तिरियना, मोर्दोप, रोदा पोयतना, इव पोल्‍लोङ मियगा दिसनुङ बहे इनजोर रेयतन.

1 कुरिंततोर 14:20

मावोर विस्वसिरिर! मीट इद तेल्वता लोप्पा, उड्लोर पिलाङ-पेकोरा लेह्‌का विचर केमाट. लाग्वाङ पोल्‍लोना लोप्पा, पिलाङ-पेकोरा लेह्‌कान पुनवप मन्ह्‌टु. मति मीवा तेल्वते, मीट बेरोरा लेह्‌कान मन्ह्‌टु.

1 तिमोति 5:13

ओसो अव आस्क लोन बाताले कबळ केवोङ, लोह्‌क-लोह्‌क वेलियिह्‌ताङ. पकाय लंडाते मन्ह्‌ताङ, सिरप कबळतेन लंडा आयो मति, टेटे-टेटे वळ्ह्‌कसोर वने मन्ह्‌ताङ. दुस्रोना कबळतगा कय वाटिह्‌ताङ, ओसो लाग्वाङ पोल्‍लोङ वळ्ह्‌किह्‌ताङ.

1 कुरिंततोर 5:8

ओयता पिंडटुन आवना पंडुमतस्के पोहतना लेह्‌कान, विस्वस केवस्के मयगा मतद लाग्वा बुदतुन, कोंटे बुदतुन पोहिङ. आवना पंडुमतुन ओयवव आरिन तिन्जि माळतप लेह्‌का, नाळेह केवद बुदि ओसो सेतेम बुदि तासिस ताकिङ.

रोम सहरतोर 3:14

ओराङ तोडिनाहि, सरपताङ ओसो कुळ्साताङ पोल्‍लोङ पेससोरेन मन्ह्‌ताङ.

तोहचीतव पोल्‍लोङ 12:10

अचोटेने देवुळदीपतग्डाह जोरते उंद लेङ इद्रम केंज वाता: “मावोरिन देवुळता मुनेह, नग़्का पिळ्‍विळ पियल-पोळ्‍द कसुर ओपसोर मतदिन, इंजेके बूमतगा अर्ह्‌चीतद मन्ह्‌ता. इंजेके देवुळि तना मन्कलोरिन पिसिह कीयनद कगो वाता. देवुळि तना लावते राजेम ताकिह कीयलाह आता. इंजेके अद आचतोग़ राजाल, तना अदिकरतुन तोहतलाह आतोग़.

1 योहन 3:15

बोग़ मन्कल तना ऐंगेटोर विस्वसिरिन जीवा केवोग़, ओना बुदि, हव्के मन्कना बुदता लेह्‌का मन्ह्‌ता. हव्के मन्कना जीवातगा, अमेसाता पिसमुळ इले, इदिन मीट पुतिरे.

तीतुस 2:3

अद्रमे सेळो आस्किन वने इद्रम काग़्हा: अमेसा देवुळतुन रेयसोर ताकिङ, बोनाङे कूदिङ अनमाकिङ, कल लोटि आयमाकिङ, बेसताङ पोल्‍लोङ काग़्हतनव आयिङ.

2 तिमोति 2:23

बुदलेवव, उगसताङ पोल्‍लोने गिटोगटो आयनग्डाह जेक मन. अद्रमताङ पोल्‍लोङ सिरप जग्ळम पुटिह कीस्ताङ इनजोर पुतिने.

1 तिमोति 3:3

ओग़ कल लोटि मनदनद आयो, नल्हतना-कोह्‌कना केवाल मनदनद आयो, वह्‌चळ केवाल मनदनद आयो, मति गूनमते वळ्ह्‌कवाल मनदना, ओसो कोताना लालुस मनदनद आयो.

बळयिर 21:30

अस्केन पया पूरा सहरमेंड लोकुरिह्‌क एर्का आता. अदिनेनाह्‌क लोकुर वित वासि, अगा रोदा पोयलाह आतोर. आसि पोलुन पोसि ओन ईळ्ससोर मंदिरतग्डाहि पलते पेहचि, मंदिरता अग़दुन केहतोर.

2 तिमोति 3:3

ओर्विह्‌क-ओर्वोग़ जीवा केवोर आयनुर, ओर्विह्‌क-ओर्वोग़ मापि केवोर आयनुर, कूदिङ दायनुर, विचर वातप कीयनुर, गेळा जन्वरता लेह्‌का बोनाङे केंजोर आयनुर, बेसताङ पोल्‍लोन विरुद कीयनुर,

इपिसुसतोर 4:22

इद काग़्हमुळता इसबते, मीट मुने ताकिंदिर अद पाळ्ना बुदतुन पोहचीम्ह्‌टु. मीट अद मुनेता बुदते मनदह्‌पा, लाग्वाङ कबस्क कीयलाह लालुस कींदिर. अद लालुस मीक लेसिह कीसि बूळे कींदु.

इपिसुसतोर 4:25

इंजेके पूनोर मन्कलोर आताह्‌कु, इद्रमलेह्‌का मन्ह्‌टु: माट उंदिय मेंदुलतोरल मह्‌नल, अदिनेनाह्‌क जोल वळ्ह्‌कनदिन विळ्सिसि, ओर्विह्‌क-ओर्वोना संगे सेतेम वळ्ह्‌काटु.