इपिसुसतोर 4:30 - माडिया गोंड पवित्र सास्त्रम

³⁰ मीट देवुळता मन्कलोरिर आतिर, आक्रि दियाते देवुळि मीक पूरा विळ्सिह कीयग़ा इनजोर तोहतलाहि, तना पवित्र जीवातुन, मीक उंद सीनाता लेह्‌का ईता. अदिनेनाह्‌क देवुळता पवित्र जीवातुन दुकम आनाह केमाट.

इपिसुसतोर 4:30 Referans Kwoze

1 तिसलुनितोर 5:19

देवुळता जीवाता दळ्मते बोग़ाय वळ्ह्‌कनदिन पास्कमाट. पास्कतेके देवुळता जीवाता कबळतुन रोमिह कीतप आस्ता.

बळयिर 7:51

“मीट कैंगम मन्कलोरिर! डायना रिवज कीतेक तेला, मीट देवुळतुन पुनवोरा लेह्‌का, तान जीवा केवोरिर, तानाङ पोल्‍लोङ केंजवोरिर! बेद्रम मीवाङ तादोर-बाबोर कींदुर, अद्रमलेह्‌कान मीट वने देवुळता पवित्र जीवातुन अडम आय्ह्‌निर.

रोम सहरतोर 8:23

अविस्कना संगे माट वने ऊल्गलाह आतले. ओसो पया दोर्कनद बर्कत बेद्रम मनदग़ा इनजोर तोहतलाहि, देवुळि इंजेकेन माक तना जीवातुन ईता. अद जीवा वेहतपु, उंद दिया मयगा देवुळताङ मग़्क-मयास्‍क आयनद, पूरा अदिकर दिसग़ा. अस्के मावाङ मेंदुस्किन तिपल्कनाहि विळ्सिह कीसि, पूनाङ मेंदुस्क माक ईयग़ा. अद दियातेनाह्‌क, माट पका ऊल्गसोर केपलाह आतल.

रोम सहरतोर 8:11

बेद देवुळि येसुन हामुरतग्डाहि तेग़्किह कीता, अदे देवुळता जीवा, मीवा जीवातगा जागा आता. अदे जीवाता लावते, मीट डोलतापया वने, देवुळि येसु किर्स्तुन कीतप लेह्‌का, मीवाङ मेंदुस्किह्‌क वने उंद दिया जीवा ईयग़ा.

मार्कल 3:5

येसु ओङते सबेटोरिन ऊळतोग़, मति ओर कैंगम बुदते मतदिन ऊळिसि, येसु दुकम आतोग़. आसि वाग़ता कयदोन “नीवा कय आहा!” इतोग़, अस्के ओग़ कय आहतोग़. आहतस्के ओना कय सव्रेम आता.

इब्रितोर 3:10

अदिनेनाह्‌क नना वेर मन्कलोरिन ओङ आतन ओसो इतन, “वेरा बुदि सेतेम पोल्‍लोताहि अमेसा लेससोर मन्ह्‌ता; नना तोहतनद अग़दे ताकवालोर आयोर” इनजोर इतन, ओसो;

1 कुरिंततोर 1:30

मति देवुळि मीक किर्स्तु येसुना संगे जोळे कीता. किर्स्तुना मेटे माट देवुळतुन पुनदनद बुदि दोर्किह कीतल. किर्स्तुना मेटे माक देवुळ सेतेमतोर कीता, पवित्र मन्कलोर कीता. किर्स्तुये माक पापमता सिक्साताहि विळ्सिह कीतोग़.

इब्रितोर 3:17

रेंड वीसाङ वर्साङ देवुळि बोरिन ओङ आस मता? पापम कीतोर मन्कलोरिन ओङ आस मता. ओर पापम कीताह्‌कु, पेळ्ह्‌कल बूमतगाने डोलतोर!

1 कुरिंततोर 15:54

अद्रम आतस्के देवुळता सास्त्रमतगा मुनेन रासतद पोल्‍लो करल आयग़ा: देवुळि हामुरतुन मायिह कीसि गेल्सता. इंजेके हामुर माक बाराह्‌क रेय्‍पिह कीयना? अद माक बाराह्‌क आरे कीयना? इनजोर ताना सास्त्रमतगा रासतद मन्ह्‌ता.

लूकाल 21:28

इव पोल्‍लोङ आयलाह बोटनुङ, अस्के मीट निचि, तलाङ तेहच पोग़ोन ऊळाट. बाराह्‌क इतेके देवुळि मीक विळ्सिह कीयनद दिया एरे एवयग़ा,” इनजोर येसु ओरिन वेहतोग़.

योहन 3:33

बोर ओन नमिह्‌तोर, देवुळबाबाल सेतेमतोग़ मन्ह्‌तोग़ इनजोर, ओरु कबुल कीस्तोर.

इब्रितोर 10:29

मोसानाङ अडोनु पास्कतेक, अद्रम आस्ता इतेके, देवुळता मग़िनु तना कादे विह्‌कतप लेह्‌का केवाल, पूना करलते माक पवित्र कीयनद किर्स्तुना नेतुरतुनकळ्‍वोग़ इनवाल, तन्क दया तोहतनद देवुळता जीवातुन उस्कना-पास्कना केवाल, इद्रमतोग़ मन्कह्‌क बेचोन सिक्सा दोर्कग़ा?(विचर कीस ऊळाट अले!)