इपिसुसतोर 4:22 - माडिया गोंड पवित्र सास्त्रम

²² इद काग़्हमुळता इसबते, मीट मुने ताकिंदिर अद पाळ्ना बुदतुन पोहचीम्ह्‌टु. मीट अद मुनेता बुदते मनदह्‌पा, लाग्वाङ कबस्क कीयलाह लालुस कींदिर. अद लालुस मीक लेसिह कीसि बूळे कींदु.

इपिसुसतोर 4:22 Referans Kwoze

रोम सहरतोर 6:6

मयगा मनदनद पापमता अदिकर बूळेम आयना इनजोरे, मावा पाळ्ना बुदि किर्स्तुना संगे हव्कनागुटातगा डोलता इनजोर पुतल. अह आसि, माट इंजेके मुनेता लेह्‌का, पापमता कय इळ्न मनवल.

इब्रितोर 12:1

अदिनेनाह्‌क (माट बह कीयनद इनजोर, तेळियिह कीसीकन:) विस्वसिरा इचोटा बेरा मुडा साक्सि, मावा सर्ने निच (मतप लेह्‌कान, माक दीरा ईसोरेन) मन्ह्‌ता. देवुळि मयेनाह्‌क बेद अग़ तयर कीता, (अद अग़दे वितिङ. बेस वितना इन्जि,) रोमिह कीयनव पुहतव गेंदेना लेह्‌काडाङ सबे पोल्‍लोन तेंडकल, माक ऊर्सतद पापमतुन लेहतकल. ओसो आरेम आयवा, मावा मुनेह मनदनद अग़ पोसि सीदा वितकल.

याकुब 1:21

अदिनेनाह्‌क मीवा जीवातग्डाहि सबे रीतिना माचतुन, ओसो लाग्वाङ कबस्किन, जेक कीम्ह्‌टु. कीसि देवुळ मीवा जीवातगा ओग़्सतद पोल्‍लोतुन, कुलुल बुदते मोन्ह्‌टलाह ईम्ह्‌टु. अद पोल्‍लो मीक पिसिह कीया पग़यह्‌ता.

इब्रितोर 3:13

देवुळता सास्त्रमतगा, “नेंडु” इनजोर रासिस मन्ह्‌ता. उंद-उंद दिया वायह्‌पा, तान “नेंड” इह्‌नल. अदिनेनाह्‌क पापमि मीवा विचरतुन नाळेह कीसि, गद्रम कीयनद आयो इन्जि, दिनम मीट ओर्विह्‌क-ओर्वोग़ दीरा ईसोर मन्ह्‌टु.

तीतुस 3:3

मुने माट वने बुद तेळियवोरल मतल. पोल्‍लोङ केंजवोरल मतल. माट नाळेम आस मतल. दुस्राङ-दुस्राङ लाग्वाङ लालुस्कना कय इळ्न मन्जि, विचर वातप कींदल. लाग्वाङ कींदल, कुळ्सा अंदल. दुस्रोरिह्‌क एग़्ङ वावालोरल मंदल, ओसो माट वने ओर्विह्‌क-ओर्वोग़ कोटुल कींदल.

इपिसुसतोर 4:25

इंजेके पूनोर मन्कलोर आताह्‌कु, इद्रमलेह्‌का मन्ह्‌टु: माट उंदिय मेंदुलतोरल मह्‌नल, अदिनेनाह्‌क जोल वळ्ह्‌कनदिन विळ्सिसि, ओर्विह्‌क-ओर्वोना संगे सेतेम वळ्ह्‌काटु.

1 पत्रु 4:3

मुने मीटु देवुळतुन पुनवोरिर मतिर अस्के, लाग्वा विचरते तिरियताह्‌कु, गोचुर आयना, सिंड्रि-साट्याल आयना, कल लोटि आयना, वेल्‍लाटोर कलियिसि कडा रिमाते विचर वातप कीयना, बोमान मोळ्कना, इद्रमताङ मीट कींदिर. मीट मुने अह कीताङ दियाङ मारताङ, इंजेटाहि अद्रमताङ केमाटु.

इपिसुसतोर 4:17

अदिनेनाह्‌क नना सामिना अदिकरते मीक इद्रम वेहतलाह आतन: देवुळतुन पुनवोर ताकनद अग़दे ताकमाटु. ओर बेव विचर्कने ताकिह्‌तोर, अव सबे उगसताङ आंदुङ.

2 पत्रु 2:13

वेर लाग्वव कबस्क कीस्तोर, अविस्कना इसबते वेरिह्‌क सिक्सा दोर्कग़ा. पियल-पोळ्‍द रिमाते मनदनदे, वेरिह्‌क गिर्दा वास्ता. मीवा संगे कुळ्प तिनदह्‌पा वने, वेर मीक नाळेह कीयलाह गिर्दा आस्तोर. अदिनेनाह्‌क डागिललेह्‌कान, माचलेह्‌कान मीवा मुडगा लजा वानाह मन्ह्‌तोर.

1 पत्रु 1:18

मीवाङ तादोर-बाबोराङ अङ्ळमताङ उतुर्कनाहि, देवुळ मीकु बह कीसि विळ्सिह कीता, तान मीट पुह्‌निर. अदु मीकु बूळेम आयनदु बंगरताङ, वेंडटाङ कोताना जमानत कीसि, विळ्सिह केवो. मति बेदे डागिललेवदु, कसुरलेवदु मोक आयनद गोरेपिलालेह्‌काडोग़ किर्स्तु, ओना नेतुरता जमानत कीसि, मीकु विळ्सिह कीता.

कुलुसितोर 2:11

(माट यहुदिरोम इतेके, मन्कना तोलातुन डायिसि, डायना रिवज कीय्ह्‌नोम;) विस्वसिरा डायना रिवज बार, मन्कना कयदे कीतद आयो. (किर्स्तुह्‌कु हव्कनागुटातासिक्सा आतस्के,) मीवा पापम बुदि ओना मेंदुलता संगे जोळेम आता, अस्केने ओना संगे मीवा वने डायना रिवज आतप आता.

इपिसुसतोर 2:3

निटमे माट सबेटोरल वने, ओरा लेह्‌काने ताकिंदल. मावा लाग्वा बुदि बेद्रम लालुस कींदु, अद्रमे कींदल. मावा मेंदुलि ओसो मावा बुदि बेद्रम ओसोर मंदु, अद्रमे लाग्वाङ कबस्क कीसोर मंदल. लाग्वाङ कबस्क कीसोर मनाह्‌कु, देवुळि लाग्वोर सबेटोरिह्‌क निटम सिक्सा ईयना लेह्‌का, माक वने सिक्सा ईस मनालि.

2 पत्रु 2:7

(सेतेमतोरिन बारा, देवुळि पिसिह कीयलाह पुन्ह्‌ता. अदे सोदोम सहरतगा मतोग़) लोट इनवाल, देवुळतुह्‌क ओप्पनाह ताकतोग़. अद सहरतोर लजालेवा लाग्वाङ कबस्क कींदुर. वेग़ सेतेमतोग़ लोट, ओरा नडुम मन्जि, दिनमे ओर कीयनव लाग्वाङ कबस्किन ऊळिंदोग़, केंजिंदोग़. ऊळसोर, केंजसोर, ओग़ पका मेसेह्‌ने आसि, ओना जीवा मुर्तिय चुहेम आयो आंदु. अदिह्‌क देवुळि अद सहरतुन बूळे कीयनामुने, ओन पिसिह कीता.

गलातितोर 1:13

(नाकु मन्कनग्डाहि इद बेसता कबुर दोर्को, मति किर्स्तुनग्डाहे दोर्कता इतेके,) यहुदि जाततोरगा नावा मुनेटा मनमुळता लोप्पा मीट केंजिस मतिर. नना अस्के देवुळता मुडुन पकाय कुळ्सा अंदन. ओरिन बूळे कीयलाह ओरा पेग़्के दल्गिस मंदन. मावा यहुदि रीतरिवजतुन माळलाहि, नावा ऐंगेटोरिह्‌काय वीळिस बेचोनो मुनेह मंदन. इतेके नावाङ मुनेतोर तादोर-बाबोर काग़्हतनाङ उतुर्क कग़यलाहि, नावा पकाय जिदि मंदु, इदिन मीट पुतिर.

रोम सहरतोर 7:11

बह इतेके अडोना उकुमता मेटे, पापम अग़ दोर्किह कीता, कीसि नाक नाळेह कीता; ओसो नाक हामुरता अग़दे ओसीता.

याकुब 1:26

इंजेके मियगा बोग़ाय मन्कल, नना देवुळता संगे कर्तुळते मह्‌नन इनजोर इन्ह्‌तोग़, मति तना वेंजेटुन आव्रे केवा, तना तन्के नाळेह कीस्तोग़, अद्रमतोना कर्तुळतनम उगसताये आंदु.

2 कुरिंततोर 11:3

मति बेद्रम एदेन वाळुमते तरस वासि, मुनेता आंचाळ अवानु, तना सत्रल बुदते एग़्किह कीता, अद्रमलेह्‌कान बोराय वासि, मीक पवित्रते, उंद विचरते मन्जि, किर्स्तुन मोळ्कवाह लेसिह कीयनुर बहा इनजोर रेयतन.

इपिसुसतोर 4:31

कोटुल कीयना, ओङ आयना, कुळ्सा आयना, वर्केयना, लजा कीयना, इव सबेटविस्किन लाग्वाङ पोल्‍लोना संगे, मीवा जीवातग्डाह जेक कीम्ह्‌टु.