इपिसुसतोर 2:10 - माडिया गोंड पवित्र सास्त्रम

¹⁰ निटमे देवुळिये माक किर्स्तु येसुना संगे जोळे कीसि, माक पूना पुटमुळ, पूना जीवा ईता. किर्स्तुना संगे जोळेम आसि, माट बेसताङ कबस्क कीसोर ताकना इनजोर, ताना विचर मता. अव कबस्किन अद मुनेन तयर कीता.

इपिसुसतोर 2:10 Referans Kwoze

पिलिपितोर 2:13

बाराह्‌क इतेके देवुळिये इद्रम ताकलाह, मियगा विचर्क पुटिह कीस्ता, ओसो तान्क विचर वायनव कबस्क कीयलाह, तोळ वने ईस्ता.

2 कुरिंततोर 5:17

बह इतेके, इंजेके बोर बोर किर्स्तुना संगे जोळेम आतोर, ओर पूना मन्कलोर आतोर. ओरगा मतव पाळ्नाङ पोल्‍लोङ मायताङ. इंजेके ओरा पूरा पिसमुळ पूना आता.

2 कुरिंततोर 9:8

मीट सबे बेसताङ कबस्किन कीसोर दायनाह, सबे पोल्‍लोने मीक गर्ज अरयनव, सबेटव अमेसा मियगा मनदलाह, सबे बर्कततुन आलिस पिसनाह, देवुळि मीक ईया पग़यह्‌ता.

इपिसुसतोर 4:24

अद पूना बुदतुनु, देवुळि तना सेतेम पोल्‍लोता मेटे, तना लेह्‌का सेतेम कीता, पवित्र कीता. अदिनेनाह्‌क मीवा पाळ्ना बुदतुन पोहचि, देवुळ ईतद पूना बुदते ताकाटु.

पिलिपितोर 1:6

देवुळि मियगा इद बेसतल कबळ कीयलाह सुरु कीता, अद कबळतुन कीसोरेन मनदग़ा. अद्रमे येसु किर्स्तु ओसो वायनद दिया एवनाह, तान मारिह कीयग़ाये, इद पोल्‍लोतगा नावा पूरा बर्वस मन्ह्‌ता.

2 तिमोति 3:17

देवुळता मन्कल बोग़े मनेग़, सबे बेसताङ कबस्क कीयनेनाह्‌क, ओन पूरा तयर कीयलाहि, देवुळता सास्त्रमताङ पोल्‍लोङ कबळतुह्‌क अरयह्‌ताङ.

इपिसुसतोर 4:1

इव सबे पोल्‍लोनेनाह्‌कु, देवुळि मीक तना मन्कलोर आयना इन्जि केयता, तेन सीता कीसि, तान्क विचर वातपु ताकाटु. मीट इद्रम ताकना इन्जि, नना सामिनेनाह्‌क जेलते मनवानन, मीवाङ काल्काय अरयह्‌नन.

2 तिमोति 2:21

(विस्वसिरा लोप्पा वने इद्रमलेह्‌काने.) नना पोग़ोन वेहतव लाग्वाङ कबस्कनाहि, बोग़ तन्क सुद्रे कीस्तोग़, ओग़ एळ्मतोर वातस्के काळ्ङनद मादा लेह्‌कान, तना माल्काल देवुळता कबळतेनाह्‌क एग़िस मन्ह्‌तोग़. ओसो देवुळता कबळतुह्‌क अरयह्‌तोग़, सबे बेसताङ कबस्क कीयलाह तयर आस मन्ह्‌तोग़.

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

इपिसुसतोर 1:4

इतेके ताना मुनेह माट पवित्र मनदना, बाताले कसुरलेवा मनदना इनजोर, इद बूमतुन पुटिह कीयनामुनेन, माक किर्स्तुना मेटे आचता.

1 तिमोति 6:18

मता मन्कलोर बेसताङ कबस्क कीसोर मनिर. (कोताने मता मन्कल आयना लेह्‌का,) बेसताङ कबस्कने मता मन्कलोर आयिर, चिव्टम आयमाकिर. बेदाय मादुन दुस्रोरिह्‌क तूसिसीयिर.(तिमोति! इद्रम मनदलाहि, ओरिन उकुम ईम.)

तीतुस 3:14

इद्रमलेह्‌का मावोर विस्वसिर बाताले कबळतुह्‌क अरवा मनदनद आयो. पका गर्ज मता मन्कलोरा गर्जतुन निहतलाह, बेसताङ कबस्क कीयलाह कग़यसोर मनिर.

इब्रितोर 10:24

ओर्विह्‌क-ओर्वोग़ जीवा कीयलाहि, बेसताङ कबस्क कीसीयलाहि, ओर्विह्‌क-ओर्वोग़ बेद्रम दीरा ईकल इनजोर, विचर कीस ऊळिङ, ओसो अद्रमलेह्‌काने कीयिङ.

तीतुस 3:8

इंजेके नना रासतन अव पोल्‍लोङ जोलताङ आयोङ. नना नीक वेहतह्‌नन, इव मोदुल पोल्‍लोङ इन्जि, इविस्किन तेळियिह कीसोर मन. अस्के देवुळतुन विस्वस कीतोरु, बेसताङ कबस्क कीयना सीतातेन मनदनुर. नना वेहतव पोल्‍लोङ सबेट्काय बेसताङ, ओसो मन्कलोरिह्‌क पाय्दाताङ पोल्‍लोङ आंदुङ.

कुलुसितोर 3:10

अह कीसि, देवुळ मीक ईतद पूना बुदतुन पोयतिर. इद पूना बुदतुन, देवुळिये पुटिह कीता. मीट तान बेस पुन्जि, ताना लेह्‌का आयना इन्जि, देवुळि अद बुदतुन बद्ले कीसोरेन मन्ह्‌ता.

तीतुस 2:7

सबे पोल्‍लोने मन्कलोर नीक ऊळिस कग़यना लेह्‌का, निमाये बेसताङ कबस्क कीस तोहा. मावा लोप्पा बेदे लाग्वा पोल्‍लो वळ्ह्‌क पग़वाह, नीक विरुद केवालोर मन्कलोरिह्‌क लजा वायना लेह्‌का, जोल इनजोर वेहता पग़वपे, निमा सेतेमते काग़्हा. मन्कलोर नीवा पोल्‍लोतुन केंजना लेह्‌का बेस काग़्हा.

1 कुरिंततोर 3:9

इंजेके पोलम माल्कानाये आंदु, बूततोरा आयो. अहे बेदाय लोन माल्काले जागा आयलाह दोहतद मन्ह्‌ता, बेल्दर्किह्‌क (लोन दोहवालोरिह्‌क) आयो. अद्रमलेह्‌काने मीट देवुळताये लोकुरिर आंदिर, तानेनाह्‌के पिसिह्‌निर. माट बारा सिरप देवुळता कबळ ऐंगेन केवालोरोम.

1 पत्रु 2:12

देवुळतुन पुनवोरा नडुम मनदह्‌पा, मीटु कसुरलेवपु असल मन्ह्‌टु. ओर मीकु “वेर लाग्वोरे!” इन्जि कसुर तोहतेकाय, मीवा असलता ताकमुळतुन ऊळनुर. ऊळिसि पया पेग़्के ओर इंका देवुळता मोकम ऊळनद दियाते, देवुळतुनु मान ईयनुर.

तीतुस 3:1

विस्वसि मन्कलोरु, मुक्यालोरिन ओसो अदिकरते मनवालोरिन सीता कीसि, ओरा पोल्‍लो केंजिसि मनिर. सबे बेसताङ कबस्क कीयलाहि तयर मनिर.

1 योहन 2:6

बोग़ु देवुळता संगे जोळेम आस मह्‌नन इन्ह्‌तोग़, ओना ताकमुळि येसुना ताकमुळता लेह्‌काने मनदना गावले.

मत्याल 5:16

इद्रमलेह्‌का मीवाङ सेतेम कबस्क लोकुरा मुनेह वेह्‌चलेह्‌का दिसिङ. अस्के ओर अव कबस्किन ऊळिसि, देवुळदीपते मनवाल मीवा बाबान मान ईयनुर.

योहन 3:21

मति सेतेमते ताकवालोर मन्कलोर वेह्‌चलेह्‌काडोना एरे वास्तोर; वानाह्‌कु, देवुळ वेहतपु ओर ताकनदु, सबेटोरिह्‌क दिसिह्‌ता.

2 तिसलुनितोर 2:17

वेरु मीवा जीवातुन सितुर कीयिर, मीट अमेसा बेसताङ कबस्क कीयलाहि, बेसताङ पोल्‍लोङ वळ्ह्‌कलाहि मीक मेग़्किह कीयिर.

रोम सहरतोर 8:29

बाराह्‌क इतेके, बोर बोर नयगा विस्वस तासनुर इनजोर, देवुळि मुनेन पुन्ज मता. नावा मग़ि येसु ओर सबेटोरा दादाल आयेग़ इनजोर, देवुळि ओरिन येसुना लेह्‌काडोर आयलाह, मुनेन आचता.

बळयिर 9:31

अस्के पया, यहुदा पटटे, गालिल पटटे, सामरिया पटटे, विस्वसिरा मुडुन बोरे तिपल केवोर. अदिनेनाह्‌क ओरिह्‌क सुकम दोर्कता, ओर विस्वसते बेर्ससोर अंदुर. येसुसामिन रेयिस ताकिंदुर. पवित्र जीवा ईतद तोळते ताकिंदुर. वेल्‍लाटोर येसुन विस्वस कीसि, ओरा मुडा संगे कलियिंदुर.

2 कुरिंततोर 5:5

इद पोल्‍लोतेनाह्‌क माक तयर कीतद देवुळिये. अदे इसबते, इसर ईतप लेह्‌कान, तना जीवातुन माक मुनेन ईता.

1 तिमोति 5:25

ओसो अद्रमलेह्‌काने वेल्‍लाटोराङ बेसताङ कबस्क वने, दुस्रोरिह्‌क पोळ्क्ने दिसिह्‌ताङ, दिसवेक तेला पया पेग़्के लोकुरिह्‌क एर्का आयनुङ.

1 तिमोति 2:10

अद्रम मलियवा, माट देवुळतुन नमिस ताकनविस्कनोम इन्जि, अवु नेह्‌नाङ कबस्क कीयनदु. इद्रमतेने अविस्किह्‌क सोबा आयग़ा.

1 तिमोति 5:10

ओसो, बेद्रमतविस्कनाङ पेदिर्क रासना इनजोर वेहतह्‌नन: बेसता कबळ कीस्ता इनजोर दुस्रोर वळ्ह्‌कनदु, पिलाङ-पेकोरिन अय कीतदु, दुस्रोरिन लोन केयिस जावा-एग़ ईतदु, देवुळता मन्कलोरिन ओर्युलतदिना लेह्‌का सेवा कीतदु, तिपलते मतोरिह्‌क तोळ आतदु, बेसताङ कबस्क कीयना विचरते मतदु, इद्रमता आंचाना पेदिरतुने रासनदु.

1 योहन 1:7

मति देवुळि बेद्रम वेह्‌चते मन्ह्‌ता, अद्रमलेह्‌का माट वने ताना वेह्‌चते ताकतेके, ओर्विह्‌क-ओर्वोग़ कलियिस मह्‌नल. ओसो देवुळता मग़ि येसुना नेतुर, मावा सबे पापमतुन एडिह कीस्ता.

बळयिर 9:36

अद्रमे पया सारोन एरियाता यापा नाटेनगा, उंदि विस्वसि आंचाळ मता. ताना पेदिर तबिताल आंदु, तान दोरकास वने इंदुर. अद आंचाळि नाटेनगा आस्क-कोय्तोरिह्‌क अमेसा बेसताङ कबस्क कीसि ईंदु, लेवोरिह्‌क दर्मम कींदु.

गलातितोर 6:15

नाक अद्रमता कदर गावल आयो, बह इतेके डायना रिवज कीयनद वन बार आयो, केवद वन बार आयो; देवुळि मावा लोप्पा पूना जीवा पुटिह कीता, अदे मोदुल पोल्‍लो आंदु.

रोम सहरतोर 8:1

(मुने नाक पापम ताकिह कीसि, अमेसाता हामुरतेके ओसींदु.) मति इंजेके नना येसु किर्स्तुन विस्वस कीताह्‌कु, नयगा मनदनद देवुळता जीवा पापमता, हामुरता कयदग्डाहि नाक विळ्सिह कीता. अदे जीवा इंजेके नाक ताकिह कीस्ता. (अदिनेनाह्‌क देवुळि कसुरतोरिर इन्जि, मावा नेयम कीयग़ा इनजोर, माक बातय रेय इले.) येसु किर्स्तुन विस्वस केवालोरिह्‌क, [मन्कना बुदते ताकवा, देवुळता जीवा वेहतप ताकवालोरिह्‌क,] देवुळि बेस्केन सिक्सा एवो.

इपिसुसतोर 2:2

देवुळतुन पुनवोर ताकिह्‌तोर, अदे अग़दे मीट मुने ताकिंदिर. पोग़ोन वळ्‍दे मनदनव देयह्‌कना मुक्याल बह ताकिह कींदु, अद्रमलेह्‌काने ताकिंदिर. इंजेक वने देवुळताङ पोल्‍लोङ केंजवोरिन, अवे देयह्‌कना मुक्याल ताकिह कीस्ता.

इपिसुसतोर 1:1

नना पोलुनन, देवुळता विचर मतपु, येसु किर्स्तुना बळयिनन आतन. मीट इपिसुस सहरते मनवालोर देवुळता मन्कलोरिह्‌क इद सीटि रासलाह आतन. मीट किर्स्तु येसुन विस्वस कीसोर दायलाह आतिर.

इपिसुसतोर 2:6

किर्स्तु येसुना संगे माक जोळे कीसि, ओना संगे माक वने जीवा अर्हता, अर्हचि पोग़ोन देवुळदीपतगा किर्स्तु उदिस राजेम ताकिह कीयनद जागातगा, माक उदिह कीता.

इपिसुसतोर 2:13

मुने देवुळतग्डाहि मीट जेक मतिर. मति इंजेके किर्स्तु येसुना मेटे, देवुळि मीक तना एरे तता. किर्स्तु तना नेतुर पोहच डोलताह्‌कु, देवुळ अद्रम कीता.

इपिसुसतोर 2:15

यहुदिरिन ओसो यहुदि आयवोरिन, पूना मन्कन पुटिह कीतप लेह्‌का, कतमतोरिन उंदिय कीतोग़. इद्रम रेंड आसि तुंगाना मुडुन कलियिह कीतोग़. अद्रम काल्ह्‌पलाहि, मोसानाङ अडोना रीतरिवज्किन मायिह कीतोग़. इद्रम यहुदिर ओसो यहुदि आयवोरिन कलियिह कीतोग़.