कुलुसितोर 4:15 - माडिया गोंड पवित्र सास्त्रम

¹⁵ लोदिकियातोर विस्वसिरिन ओसो नुंपान, अहे ताना लोतगा जमा आयवालोर विस्वसिरा मुडुन, नयेनाह जय येसु वेहाट.

कुलुसितोर 4:15 Referans Kwoze

रोम सहरतोर 16:5

ओरा लोतगा जमा आयवालोर विस्वसिरा मुडुह्‌क नना जय येसु इह्‌नन. ओसो मियग्डोर दुस्रोर विस्वसिरा वने सीता वास्ता. नावा गोतयाल इपनितुसिह्‌क जय येसु इह्‌नन. पूरा आसिया पटटगा किर्स्तुन मुने विस्वस कीतोग़ ओग़े आंदोग़.

1 कुरिंततोर 16:9

बाराह्‌क इतेके, इगा वेल्‍लाटोरा पाय्दा आनाह, सेवा कीयलाह बेस-नेह्‌ना अग़ दोर्कता. मति विरुद केवालोर मन्कलोर वने वेल्‍लाटोर मन्ह्‌तोर.

कुलुसितोर 2:1

मीट कुलुसि नाटेनोर विस्वसिरिर, इद पोल्‍लोतुन बेस पुन्ह्‌टु. मीट नावा मोकमतुन ऊळवेक तेला मीकु, लोदिकिया सहरतोर विस्वसिरेनाह्‌कु, ओसो मीवा पटटोर सबेटोर विस्वसिरेनाह्‌कु, नना पका पप्ळेम आयलाह आतन. मीवा जीवातगा दीरा वायना, मीट सबेटोरिर ओर्विह्‌क-ओर्वोग़ जीवा कीसोर कलियिस मनदना, ओसो देवुळतगा मकतद पोल्‍लो, मीक पका बेस-नेह्‌ना तेळियना इन्जि, नना पप्ळेम आयलाह आतन. देवुळतगा मकतद पोल्‍लो इतेके किर्स्तुये आंदोग़. देवुळता पूरा बुदि ओसो ताना जीवाताङ कतम पोल्‍लोङ, बेरा मालसोमलेह्‌का किर्स्तुनगा जमा आस मन्ह्‌ताङ.

कुलुसितोर 4:13

मियेनाह्‌कु, ओसो लोदिकियातोर विस्वसिरेनाह्‌कु, ओसो हियरापुलिसतोर विस्वसिरेनाह्‌कु, ओग़ पका कह्‌टेम कीयलाह आतोग़. इद पोल्‍लोता साक्सि नना मह्‌नन.

कुलुसितोर 4:16

इह केंजाट. इद सीटटुन मीट अर्वतापया, तेन लोदिकिया सहरतोर विस्वसिरिह्‌क लोहचि, अगा वने अर्वलाह वेहाट. मीट बार लोदिकियातोर विस्वसिरा मुडुह्‌क, नना लोहतद सीटटुन ताल्ह्‌काटु. ताल्ह्‌किसि तान मीवा कुलुसितोर विस्वसिरगा अर्वलाह वेहच केंजाट.