कुलुसितोर 3:23 - माडिया गोंड पवित्र सास्त्रम

^23-24 मियेनाह्‌क पोग़ोन तासतद तूसतुन इनम इनजोर, देवुळि मीक ईयग़ा, इदिन पुतिरे. अदिनेनाह्‌क मीट बेदाय कबळ कीतेके, मन्कलोरेनाह्‌क आयो मति सामिनेनाह्‌क कीतल इनजोर, अद कबळतुन पूरा जीवाताह कीम्ह्‌टु. मीट सामि किर्स्तुनाये ओर्युलतोरिर आंदिर, इदिन पुन्ह्‌टु.

कुलुसितोर 3:23 Referans Kwoze

कुलुसितोर 3:17

बाताल कीतेकाय, बाताल वळ्ह्‌कतेकाय, सबे येसुसामिना पेदिरतुन मान ईसि कीम्ह्‌टु. ओना मेटे माक देवुळबाबाना दया दोर्कता इन्जि, देवुळतुन जोहर कीसोर मन्ह्‌टु.

1 पत्रु 2:15

देवुळता विचर बह मन्ह्‌ता, बुदलेवा मीवा अडम वळ्ह्‌कवालोर, मीवा असलता ताकमुळतुन ऊळिसि, मीवा पोग़ोन कसुर ओपलाह बातय दोर्कवाह्‌कु, केमेन आयना इन्जि.

1 पत्रु 2:13

येसुसामिह्‌कु मान दोर्कना इन्जि, इद दुनियाते अदिकरते मनवालोरा पोल्‍लोते वग़्ङिस मन्ह्‌टु: बेरोग़ राजाल मनेग़, ओसो ओग़ लोहवालोर अदिकरतोर मनिर, ओराङ पोल्‍लोङ केंजसोर ताकाटु. बाराह्‌क इतेके ओर अदिकरतोर, बेसता कबळ कीतोनु कदरते ऊळना, लाग्वा कबळ कीतोन बारा सिक्सा ईयना इन्जि, राजाल ओरिन लोहतोग़.

1 पत्रु 1:22

येसुना सेतेमता कबुरतुन केंजिस ताकताह्‌कु, मीटु पापमताहि एडटिर. अदिह्‌कु मीटु ओर्विह्‌क-ओर्वोग़ सेतेमते जीवा कीया पग़यह्‌निर. अद्रमे इंजेके मीवा लेह्‌का विस्वसिर आतोरिन, मीटु पूरा जीवाताह जीवा कीम्ह्‌टु.

रोम सहरतोर 14:6

दियाङ नोमवालोर, सामिनेनाह्‌क नोमिह्‌तोर, अहे सबेटविन तिनवालोर वने, देवुळतुन जोहर कीस तिन्ह्‌तोर. इद्रम ओर सामिह्‌क मान ईसि तिन्ह्‌तोर. अविङ तिनवोर वने, सामिह्‌क मान ईसि तिनोर आस्तोर. ओर वने सामिन जोहर कीसिये, (तम्क पोलनव जाळिङ-जबान तिन्ह्‌तोर. इतेके सामिह्‌क मान ईयना, इदे मोदुल पोल्‍लो आंदु.)

मत्याल 6:16

“मीट बेस्के उपस कीय्ह्‌निर अस्के, सोङ केवालोरा लेह्‌का मीवा मोकम सोळसोळ आयमाकि. माट उपस कीसोर मह्‌नोम, इद्रम लोकुर ऊळिस माक मान ईयनुर इन्जि, ओरु तमाङ तोडिङ वाग़िह कीस्तोर. इह केंजाट, नना सेतेम वेहतह्‌नन, लोकुरा मान, अचोने ओरा इनम!

इपिसुसतोर 5:22

अद्रमे मीट मुतेस्कनिर, सामिह्‌क वरेम आस मतप लेह्‌का, मीवाङ मुजोरिह्‌क वरेम आस मन्ह्‌टु.