कुलुसितोर 3:1 - माडिया गोंड पवित्र सास्त्रम

¹ नना मुने रासतपु, मीट विस्वसिरिर देवुळताहि पूना पिसमुळ दोर्किह कीसि, किर्स्तुना संगे जीवा अरतप लेह्‌का आतिर. इंजेके ओग़ पोग़ोन देवुळदीपते देवुळता तिनळ बाजे उदिस मन्ह्‌तोग़. अदिह्‌क मीट देवुळदीपताङ पोल्‍लोनगाने, सीता कीसोर मन्ह्‌टु.

कुलुसितोर 3:1 Referans Kwoze

रोम सहरतोर 8:6

मन्कना बुदि मीवाङ विचर्किन ताकिह कीतेके, मीक देवुळ ईयनद पिसमुळ दोर्को आयग़ा. मति देवुळता जीवा मीवाङ विचर्किन ताकिह कीतेक बार, मीट देवुळता संगे पिसकिर, ओसो सुकमते मनदकिर.

मत्याल 6:33

देवुळि मीवा नडुमि राजेम कीयना इतेके, ताना सेतेमतुन मीट सबेटविह्‌क मुने, इदे मोदुल पोल्‍लो इन्जि पर्ह्‌काटु. अह पर्ह्‌कतिर इतेके, मीक बाताङ गावले मन्ह्‌ताङ, अव कतमे देवुळि मीक ईयग़ा.

2 कुरिंततोर 4:18

बाराह्‌क इतेके, माटु दिसनव पोल्‍लोना पोग़ोन आयो, मति दिसवव पोल्‍लोना पोग़ोन कोंडा कीतल. दिसनव पोल्‍लोङ गळ्के मन्ह्‌ताङ, दिसवव पोल्‍लोङ बारा अमेसातेनाह्‌क मन्ह्‌ताङ.

कुलुसितोर 3:2

ओग़ डोलतस्के, मीट वने मीवा पाळ्ना पिसमुळतुह्‌क डोलतप लेह्‌कान आतिर. इंजेके मीट ओना संगे, पूना पिसमुळते पिसलाह आतिर. अद पिसमुळतुन किर्स्तु, देवुळदीपतगा बेस तासिह्‌तोग़; तान बोग़े बूळे कीया पग़वोग़. अदिनेनाह्‌क इद बूमतग्डाङ पोल्‍लोन आयो, मति देवुळदीपतग्डाङ पोल्‍लोने, सीता कीसोर मन्ह्‌टु.

मत्याल 6:20

मति इद बूमते मालसोम गुम केवा, देवुळतेनाह्‌कु इहे ताकना इन्जि, बेस्केन मारवद मालसोम मियेनाह्‌कु देवुळदीपते गुम आयग़ा. अगा एल्म तिनो, सिलुम पोयो, कलेर कलोर.

इब्रितोर 12:2

वितिह्‌पा येसुनगाने कोंडा वाटिङ. मावा विस्वसतुन पुटिह केवाल ओग़े; मावा विस्वसतुन तपवाह कीसेवाल ओग़े. इद बूमते मनदह्‌पा, देवुळि ओनेनाह्‌क तासिस मतद गिर्दातुने सीता कीतोग़; अदिनेनाह्‌क हव्कनागुटाता सिक्साता लजातुन सीता केवा, ओग़ तान आपतोग़. इंजेके देवुळता तिनळ बाजे, राजेम ताकिह कीयलाहि उदतोग़.

लूकाल 12:33

मीवा पूरा मालसोमतुन वमिसि, लेवोरिह्‌क ईसीम्ह्‌टु. ओसो बेस्केन पाळ्ना आयवद बट्वातुन दोर्किह कीम्ह्‌टु. अह कीतेके, बेस्केन मारवद मालसोम, देवुळदीपतगा जमा कीकिर. अगा कलेर एवया पग़वोर, ओसो एल्म वने बूळे कीया पग़वो.

इब्रितोर 1:3

ओनगा देवुळता डीसा दींचिह्‌ता, देवुळि बेद्रमता इन्जि, ओनगाने माक बराबर दिसिह्‌ता. ओग़ तना पोल्‍लोता लावते सबेटविन आव्रे कीस्तोग़. मन्कलोरा पापमतुन एडिह कीतापया, पोग़ोन मनदनद बेरा डीसाता देवुळता तिनळ बाजे, राजेम ताकिह कीयलाहि उदतोग़.

लूकाल 22:69

मति इंजेके गळ्क मनेके, माने-मन्कना नडुम पुटटोनन नना डीसाता देवुळता तिनळ बाजे उदकन,” इनजोर इतोग़.

कुलुसितोर 2:20

तेन बोयमाटु, तान तिनमाटु, इदिन इटमाटु इनजोर मीट नोममाटु. तिनदनद मालु कबळतुह्‌क अरयह्‌ताये; मति तितापया, अद कबळतुह्‌क अरवो. अद्रमता मादा पोग़ोन, मन्कलोरे अडोङ पुटिह कीसि, दुस्रोरिन काग़्हतह्‌तोर. मीवा मन्कना बुदि किर्स्तुना संगे डोलताह्‌कु, इद दुनियाताङ अङ्ळमताङ अडोङ-उतुर्क मीक दोहच तास पग़वोङ. पया मीट दुनियातोरा लेह्‌का अद्रमताङ पोल्‍लोन केंजिसि बाराह्‌क पिसलाह आतिर?

इब्रितोर 8:1

इचानाह वेहचोर वातदिना मोदुल पोल्‍लो इदे: बोग़ पोग़ोन बेरा डीसाता देवुळता तिनळ बाजे राजेम कीयलाहि उदतोग़, ओग़े मयेनाह्‌क पेर्माल मन्ह्‌तोग़.

रोम सहरतोर 8:34

पया देवुळि माक सिक्सा ईया पग़यह्‌ताया? आयो, अद्रम बेस्केन केवो! येसु किर्स्तुये मयेनाह्‌क डोलिस मतोग़. अचोने आयो मति, देवुळि ओन जीवा अर्हचि, तना तिनळ बाजे ओन उदिह कीता. ओग़ मावा तोळ मन्जि, अगा मयेनाह्‌क देवुळतुन वळ्ह्‌किह्‌तोग़.

इब्रितोर 10:12

मति किर्स्तु पापमतुन मायिह कीयलाहि, उंदिय मल्का अमेसातुह्‌क तना मेंदुलतुन मोकि इन्जि ईतोग़. ओसो (राजेम ताकिह कीयलाहि,) देवुळता तिनळ बाजे (पका कदरता जागाते) उदतोग़.

मत्याल 26:64

“निमा इतिन, अहे! मति नना मीक सबेटोरिह्‌क वेहतह्‌नन, नना माने-मन्कना नडुम पुटटोनन मताह्‌कु, नेटाहि बेरा डीसातद देवुळता तिनळ बाजे नना अन्ज उदतदिन, ओसो नना मोयुलपोग़ोन मन्जि वायह्‌पा मीट ऊळकिर,” इन्जि येसु ओरिन इतोग़.

इपिसुसतोर 4:10

इळ्न रेगतोग़ु, पोग़ोन तग़्ङतोग़ु, ओर्वोग़े आंदोग़, ओग़ किर्स्तुये. सबेटविन पूरा ताकिह कीयलाहि, पोग़ोटा बूमतुह्‌काय अबर अतोग़.)

मार्कल 14:62

इतस्के येसु इतोग़, “इंगो, ननाने! इद वने पोल्‍लो केंजाट, नना माने-मन्कना नडुम पुटटोनन मताह्‌कु, बेरा डीसातद देवुळता तिनळ बाजे अन्ज उदतदिन, ओसो नना मोयुलपोग़ोन वायनदिन मीट ऊळकिर,” इनजोर येसु ओरिन इतोग़.

इब्रितोर 1:13

इदिन ओसो सीता कीम्ह्‌टु: देवुळि तना मग़िन इतद इद पोल्‍लोतुन, तनाङ बेवे देवतुल्किन बेस्केन इद्रम इनो: “बेचानाह नना नीवा कोटुलतोरिन, नीवाङ काल्कना इळ्न तच एवोन, अचानाह नावा तिनळ बाजेता राजगादेतगा उदिस मन,” इनजोर इनो.

बळयिर 2:34

(नना येसुना लोप्पा इव सबे पोल्‍लोन बाराह्‌क इह्‌नन) इतेके, मेंदुल अग़्के देवुळदीपते पोग़ोन अनवाल दाविद आयोग़, बह इतेके ओग़ कुदि पोग़ोन अनवाना लोप्पा मुनेन कबुर वेहतोग़: देवुळि नावा सामिन इता, ‘बेचानाह नना नीवा कोटुलतोरिन, नीवाङ काल्कना इळ्न तच एवोन, अचानाह नावा तिनळ बाजेता राजगादेतगा उदिस मन,’ इता, इद्रम दाविद सास्त्रमते रासतोग़.

लूकाल 20:42

दाविद राजाल कुदि देवुळताङ पाटाना सास्त्रमतगा इद्रम वेहतोग़: देवुळि नावा सामिन इता, ‘बेचानाह नना नीवा कोटुलतोरिन, नीवाङ काल्कना इळ्न तच एवोन, अचानाह नावा तिनळ बाजेता राजगादेतगा उदिस मन,’ इता इन्जि दाविद वेहतोग़.

मार्कल 16:19

पया येसुसामि ओरिन इव पोल्‍लोङ वेहतापया, देवुळि ओन पोग़ोन तना जागातगा ओता. येसु पोग़ोन अतोग़ अस्के, देवुळता तिनळ बाजे उदतोग़.

मार्कल 12:36

दाविद राजानगा देवुळता पवित्र जीवा रेगता अस्के, ओग़ कुदि इद्रम इतोग़: देवुळि नावा सामिन इता, ‘बेचानाह नना नीवा कोटुलतोरिन, नीवाङ काल्कना इळ्न तच एवोन, अचानाह नावा तिनळ बाजेता राजगादेतगा उदिस मन,’ इता. इन्जि दाविद राजाल इतोग़.

1 पत्रु 3:22

इंजेके येसु किर्स्तु देवुळदीपतगा अन्जि, देवुळबाबाना तिनळ बाजे (बेरा अदिकरता गादेते) उदतोग़.(अदु बेचोन बेरा अदिकरता गादे इतेके,) सबे देवतुल्कु, सबे अदिकरते मनदनव लावताङ जीवाङ, ओना कय इळ्नु कीसीतव मन्ह्‌ताङ.

बळयिर 7:55

मति इस्तिपन देवुळता जीवाते पूरा निंदिसि, पोग़ोन कोंडा मिळ्हवा ऊळतोग़. ऊळतस्के देवुळदीपते देवुळता जग-मळ्गना वेह्‌चतुन, ओसो येसुन देवुळता तिनळ बाजे नितदिन ऊळिसि इतोग़,

मत्याल 22:44

दाविद सास्त्रमते इह रासिस तासतोग़, सीता मन्ह्‌ताया? देवुळि नावा सामिन इता, ‘बेचानाह नना नीवा कोटुलतोरिन, नीवाङ काल्कना इळ्न तच एवोन, अचानाह नावा तिनळ बाजेता राजगादेतगा उदिस मन,’ इता

इपिसुसतोर 5:22

अद्रमे मीट मुतेस्कनिर, सामिह्‌क वरेम आस मतप लेह्‌का, मीवाङ मुजोरिह्‌क वरेम आस मन्ह्‌टु.