कुलुसितोर 2:7 - माडिया गोंड पवित्र सास्त्रम

⁷ मरानाङ मडाङ ऊटटप लेह्‌का, मीटु विस्वसते ओनगा बेस ऊटिस मन्ह्‌टु; ओसो मीटु ओनाङ पोल्‍लोने बेर्ससोर मन्ह्‌टु. अस्के इपपरासनाहि मीट येसुना सेतेम पोल्‍लो कग़यतपु, विस्वसताहि इळ्न अरवा, मेग़्किस मनदकिर; देवुळतुन अमेसा पका जोहर कीसोर मनदकिर.

कुलुसितोर 2:7 Referans Kwoze

इपिसुसतोर 3:17

ओसो मीट किर्स्तुन विस्वस कीताह्‌कु, मीट ओना गूनमते ऊटिस, मेग़्किस मनदना इन्जि, ओग़ मीवा जीवातगा जागा आयेग़.

कुलुसितोर 1:23

मति मीट मेलियवालेवा, मेग़्किसि विस्वस कीसोर मनदना गावले, ओसो बेसतल कबुरतुन केंजताह्‌कु, मीवा जीवातगा पुटटद आसातुन, विळ्सवालेवा मनदना गावले. मीट केंजतद बेसतल कबुर पूरा बूमतगा पोकुर आयलाह आता. नाक वने, अदे सेवा कीयलाहि देवुळि निल्पिह कीता.

2 तिसलुनितोर 2:17

वेरु मीवा जीवातुन सितुर कीयिर, मीट अमेसा बेसताङ कबस्क कीयलाहि, बेसताङ पोल्‍लोङ वळ्ह्‌कलाहि मीक मेग़्किह कीयिर.

1 पत्रु 5:10

माक कतम देय्वाङ ईयनद देवुळि, येसु किर्स्तुना संगे, मीकु बेस्केन मायवदु डीसाते कलियलाह केयता. इद रेंड दियाना मनमुळते, मीटु गय्क तिपल आतापया, देवुळ मीकु ओसोवने बेस कीसि तासग़ा. अद मीवा विस्वसतुन मेग़्किह कीसि, मीक लाव ईसि, निल्पिह कीयग़ा.

इपिसुसतोर 5:20

ओसो मावा येसुसामि किर्स्तुना पेदिरते, सबे पोल्‍लोनेनाह्‌क, देवुळबाबान अमेसा जोहर कीसोर मन्ह्‌टु.

रोम सहरतोर 16:25

देवुळतुह्‌क जोहर आयि! नना काग़्हतनद येसु किर्स्तुना बेसता कबुर वेहतपु, देवुळतगा मीवा विस्वसतुन बेस मेग़्किह कीयनद लाव मन्ह्‌ता. इद कबुरता पोल्‍लो वेल्‍लाय जोम आनाह, मकिस मता.

यहुदाल 1:24

मीट पापमते अरवालेवा, मीक राका कीयलाहि देवुळि पग़यह्‌ता. मीक बेदे कसुरलेवा, पका गिर्दा आनाह कीसि, तना मिळ्स्कनद डीसाता मुनेह, निल्पिह कीया पग़यह्‌ता.

1 कुरिंततोर 15:58

अदिनेनाह्‌क मावोर गोततोरिर! मीवा विस्वसते इळ्न अरवालेवा, मेग़्किस मन्ह्‌टु. मीट सामिनेनाह्‌क कह्‌टेम कीयनद कबळ उगस अनो इनजोर पुतिर, अदिनेनाह्‌क सामिना कबळते बेर्ससोर अन्ह्‌टु.

इब्रितोर 13:15

अदिनेनाह्‌क माट येसु कीतदिन सीता कीसि, देवुळतुन अमेसा जोहर कीयिङ. मावा तोडटे ताना पेदिर पोयतकल. इद तानेनाह्‌क मोक ईतप लेह्‌कान आस्ता.

कुलुसितोर 3:17

बाताल कीतेकाय, बाताल वळ्ह्‌कतेकाय, सबे येसुसामिना पेदिरतुन मान ईसि कीम्ह्‌टु. ओना मेटे माक देवुळबाबाना दया दोर्कता इन्जि, देवुळतुन जोहर कीसोर मन्ह्‌टु.

1 तिसलुनितोर 5:18

मीक बाताल आतेकाय, देवुळतुन जोहर कीम्ह्‌टु. मीट किर्स्तु येसुना मुडगा मनवालोरिर, अद्रमलेह्‌काने कीयना इनजोर, देवुळता विचर मन्ह्‌ता.

लूकाल 6:48

ओग़ मन्कल बेद्रमतोग़ इतेके, तना लोन दोहतह्‌पा, पर्पा जागातगा वेल्‍लाह नालिङ तर्विसि, पाय्वाङ दोहचि लोन तेहतोग़. तेहतापया उड्रा वाता, ओसो एताङ लच्काङ वने वासि, लोतुन दल्गताङ, तेला मति अद लोन मुटो. बाराह्‌क इतेके, तानाङ पाय्वाङ पर्पा जागाते दोहतव मताङ.

इपिसुसतोर 4:21

मीट किर्स्तुना लोप्पाडाङ पोल्‍लोन निटम केंजतिर, ओसो येसु वेहतद सेतेम पोल्‍लोतुन ओनाङ सेवकिरग्डाहि कग़यतिरे.

यहुदाल 1:20

मति नावा गोततोरिर! मीट देवुळताहि दोर्कतव पवित्र पोल्‍लोने बेस मेग़्किस मनदना इन्जि, ओर्विह्‌क-ओर्वोग़ तोळ आम्ह्‌टु. देवुळता पवित्र जीवा मीक वेहतप, पार्तना कीम्ह्‌टु.

2 कुरिंततोर 1:21

माक मीवा संगे किर्स्तुनगा जोळे कीसि, विस्वसते मेग़्किह कीयनदु, ओसो माक तनेनाह्‌क आचतदु, देवुळिये आंदु.

यहुदाल 1:12

मीट किर्स्तुन सीता कीस ऐंगेन कलियनद कुळ्पतुह्‌क जमा आयह्‌पा, वेर वने मीवा संगे कलियिह्‌तोर; अगा मन्जि, वेरु मीट विस्वसिरिह्‌क एग़्कुळ आयवालोर दोकानोर मन्ह्‌तोर. कुळ्प तिनदनगा बोराय पर्वा केवालेवा, आपुना पोटातेनाह्‌के ऊळिह्‌तोर. वेरु, वळ्‍दे तेळिस दायनद मोयुलता लेह्‌काडोर आंदुर. ओसो वाग़ताह्‌कु, आदनद कालमते आदवव मरानु, मन्कलोर नळ्किह्‌तोर; इद्रम वेरु मुर्तिय आदवव वाग़तव मराना लेह्‌कान मन्ह्‌तोर.

1 कुरिंततोर 1:8

तना ओसोवने वायनद दियाते, मीट बाताले कसुरलेवाह दिसना इन्जि, मावा येसुसामि किर्स्तु मीक आक्रि एवनाह, मेग़्किह कीस तासिह्‌तोग़.

इब्रितोर 13:9

अदिह्‌क बोग़ाय वासि, मीट पुनवव, पूनाङ पोल्‍लोङ काग़्हचि, मीक देवुळता सेतेम पोल्‍लोताहि लेसिह कीयलाह एमाटु. इव तिनदनव, इव तिनवव इनजोर मन्कलोर वेहतनव अडोन केंजताह्‌क आयो; मति देवुळि मीक दया कीताह्‌कु, मीवा जीवा मेग़्कनद बेसु. अद्रमताङ अडोन केंजिसि ताकवालोरिह्‌क बातालाय दोर्कताया? बाताले दोर्को!