कुलुसितोर 1:29 - माडिया गोंड पवित्र सास्त्रम

²⁹ इदे पोल्‍लोतेनाह्‌क नना एपुर पेसनाह कबळ कीसि, पप्ळेम आयलाह आतन. किर्स्तुना बेरा लाव नाक ताकिह कीताह्‌कु, नना कह्‌टेम कीयलाह आतन.

कुलुसितोर 1:29 Referans Kwoze

1 कुरिंततोर 15:10

मति नना इंजेके बळयिनन मह्‌नन इतेके, देवुळता दयाते मह्‌नन! देवुळि नाक ईतद दया उगस अनो. किर्स्तुनाङ बळयिर दुस्रोरिह्‌काय एक्‍वा, नना एपुर पेसनाह कह्‌टेम कीतन. तेला मति निटम इतेके, नावाय लावते नना केवोन, देवुळि तना देय्वाते नयग्डाहि कह्‌टेम कीता.

इपिसुसतोर 1:19

ओसो हामुरतग्डाहि किर्स्तुन जीवा अर्हचि, देवुळदीपतगा तना तिनळ बाजे राजेम ताकिह कीयलाहि उदिह कीयह्‌पा, अद बेरा लाव तोहता. माट विस्वस कीतोरा तोळ आयलाह, तानगा अदे बेरा लाव मन्ह्‌ता, ताना लाव बेस्केन मारो, इदिन मीक पुन्पिह कीयि इनजोर, पार्तना कीय्ह्‌नन.

इपिसुसतोर 3:7

देवुळि नयगा तना लावतुन पका ताकिह कीताह्‌कु, नाक इद बेसता कबुरतुन पोकुर कीयनद सेवाता देय्वा दोर्कता.

पिलिपितोर 2:13

बाराह्‌क इतेके देवुळिये इद्रम ताकलाह, मियगा विचर्क पुटिह कीस्ता, ओसो तान्क विचर वायनव कबस्क कीयलाह, तोळ वने ईस्ता.

कुलुसितोर 2:1

मीट कुलुसि नाटेनोर विस्वसिरिर, इद पोल्‍लोतुन बेस पुन्ह्‌टु. मीट नावा मोकमतुन ऊळवेक तेला मीकु, लोदिकिया सहरतोर विस्वसिरेनाह्‌कु, ओसो मीवा पटटोर सबेटोर विस्वसिरेनाह्‌कु, नना पका पप्ळेम आयलाह आतन. मीवा जीवातगा दीरा वायना, मीट सबेटोरिर ओर्विह्‌क-ओर्वोग़ जीवा कीसोर कलियिस मनदना, ओसो देवुळतगा मकतद पोल्‍लो, मीक पका बेस-नेह्‌ना तेळियना इन्जि, नना पप्ळेम आयलाह आतन. देवुळतगा मकतद पोल्‍लो इतेके किर्स्तुये आंदोग़. देवुळता पूरा बुदि ओसो ताना जीवाताङ कतम पोल्‍लोङ, बेरा मालसोमलेह्‌का किर्स्तुनगा जमा आस मन्ह्‌ताङ.

1 तिसलुनितोर 2:9

मावोर विस्वसिरिर! मियगा मनदह्‌पा, माट बेद्रम एपुर पेसनाह कह्‌टेम कीतोम, इदिन मीट सीता कीय्ह्‌निर! मियग्डाहि बोनगाने माट ताल्ह्‌किस तिनदनद आयो इन्जि, नग़्का पिळ्‍विळ पियल-पोळ्‍दु, कबळ कीस तितोम! अद्रम मनजोरे मीक देवुळता बेसता कबुरतुन पोकुर कीतोम.

कुलुसितोर 4:12

मियग्डोग़ इपपरास, येसु किर्स्तुना सेवक आंदोग़, इंजेके नावा संगे मन्ह्‌तोग़. ओग़ वने मीक जय येसु इन्ह्‌तोग़. मीट विस्वसते मेग़्किस मनदना, देवुळि मियेनाह्‌क तासिस मतव पोल्‍लोन मीट बेस-नेह्‌ना पुनदना, देवुळताङ विचर्किन पूरा पुन्जि, अद्रमलेह्‌का ताकना इनजोर, अमेसा आरेम आयवा मियेनाह्‌क पार्तना कीस्तोग़.

पिलिपितोर 2:16

मीट देवुळता पिसमुळ ईयनद पोल्‍लोतुन पोस विळ्समाटु. अद्रम मीट मतेके, नना मियगा पूरा दोगनाह, कह्‌टेम कीतद उगसिन अनो इनजोर, किर्स्तु वायनद दिया वेहता पग़यकन. वेर मावोर बेसतोर विस्वसिर इनजोर, मीवा लोप्पा इनदा पग़यकन.

1 कुरिंततोर 12:11

इव सबे उंदिय जीवाताङ बुदिङ मन्ह्‌ताङ. अद तना विचरते इव बुदिनु, ओर्वोग़-ओर्वोग़ विस्वसिह्‌क तूसिस ईस्ता.

रोम सहरतोर 15:20

इद्रमलेह्‌का बेसता कबुरतुन ओयह्‌पा, (किर्स्तुना पोल्‍लोतुन मुनेन मुर्तिय केंजवोरगा दायलाह विचर कींदन.) दुस्रोग़ दोहतद जोतातगा नना लोन पंडनद ओप्पो, अद्रमलेह्‌का दुस्रोर पोकुर कीतद नाटेनगा दायलाह, नाक विचर वावो.

तोहचीतव पोल्‍लोङ 2:3

नाक नमताह्‌कु पकाय तिपल आतिर, तेला मति अद तिपलते दीरा पोस मह्‌निर, आरेम आयविर. नना इव सबे पोल्‍लोन पुतन.

2 तिमोति 2:10

अदिनेनाह्‌क देवुळि आचतोर लोकुरेनाह्‌क, सबे तिपल्किन आपसोर केमेन मह्‌नन. ओर किर्स्तु येसुन विस्वस कीताह्‌कु, देवुळि ओरिन पिसिह कीयि, ओसो ओर अमेसातुह्‌क मनदनद, ताना डीसाता वेह्‌चतगा मनिर इनजोर, इव तिपल्किन आपिह्‌नन.

पिलिपितोर 1:30

किर्स्तुनेनाह्‌क इंजेके माट ऐंगे लळेम आयलाह आतल. मुने वने नना इद्रम तिपल आयनदिन ऊळतिर. इंजेक वने नना बेद्रम तिपलते मह्‌नन इनजोर, केंजलाह आतिर.

पिलिपितोर 1:27

उंद पोल्‍लो मात्रम सीता कीम्ह्‌टु: किर्स्तुना बेसता कबुर वेहतपे मीट ताकाटु. अस्के मीट विस्वसते मेग़्किसि, उंदि विचरते निच मह्‌निर इनजोर, नना मियगा वातेकाय, वावेकाय केंजकन. अहे बोग़े अद विस्वसतुन विळ्सनाह कीयनद आयो इन्जि, मीट उंदिय एकाते कह्‌टेम कीय्ह्‌निर इनजोर, इदिन वने नना केंजकन.

इपिसुसतोर 3:20

इंजेके देवुळि मावा जीवातगा तना लावते कबळ कीसोरेन मन्ह्‌ता. माट बेचोन ताल्ह्‌किह्‌नल, विचर कीय्ह्‌नल, तान्काय वीळिस-वीळिसि कबळ कीसीया पग़यह्‌ता.

2 कुरिंततोर 13:3

“नीवा तोडटे किर्स्तु वळ्ह्‌किह्‌तोग़ इनजोर, बह पुतोम?” इह्‌निर. नना ओना अदिकरते पापम कीतोरिन सिक्सा ईकन, अस्के किर्स्तु नावा तोडटे वळ्ह्‌किह्‌तोग़ इनजोर पुनदकिर. मीक सिक्सा ईया पग़वाह, किर्स्तु लावलेवोग़ आयोग़.

2 कुरिंततोर 11:23

ओर तम्क किर्स्तुना सेवकिरोम इन्ह्‌तोर, (नना पिसाङ आतप लेह्‌कान इह्‌नन,) नना कोनि ओरिह्‌काय एक्‍वा मह्‌नन! नना एक्‍वा कह्‌टेम कीतन, एक्‍वा जेलते मतन, एक्‍वा देबाङ तितन, ऊक-ऊके हामुर एवतप लेह्‌कान आस मतन;

2 कुरिंततोर 6:5

मन्कलोर माक नल्हतह्‌तोर, जेलते वाटिह्‌तोर, लोकुरिन जमा कीसि, मावा विरुद रोदा पोयह्‌तोर, बागिस-दोगिस कह्‌टेम कीय्ह्‌नोम, उस्कंडलेवा मह्‌नोम, कग़्वते मह्‌नोम.

2 कुरिंततोर 5:9

अदिनेनाह्‌क माट इद मेंदुलते मतेकाय, मनवेकाय, सामिह्‌क विचर वानाह पिसना इनजोर ऊळिह्‌नोम.

1 कुरिंततोर 12:6

देवुळता पेदिरते विस्वसिर अलग-अलग रीतताङ कबस्क कीस्तोर, मति उंदिय देवुळ ओर सबेटोराङ कय्कने, सबे कबस्क कीयनाह कीस्ता.

रोम सहरतोर 15:30

मावोर विस्वसिरिर! माट मावा येसुसामि किर्स्तुना संगे जोळेम आताह्‌कु, ओसो देवुळता जीवा माक ओर्विह्‌क-ओर्वोग़ जीवा कीयनाह कीताह्‌कु, नना मीक उंद अर्जि कीय्ह्‌नन: यहुदा पटटगा विस्वस केवोरा कयदाहि नना पिसना इनजोर, पार्तना कीय्ह्‌नन. ओसो येरुसलेमतगा नना ओसीयनव दर्मम कोतान अग्डोर एनिर, इनजोर पार्तना कीय्ह्‌नन. मीट वने बेस्केन माग़्ङवालेवा, इव पोल्‍लोनेनाह्‌क पार्तना कीसोर मन्ह्‌टु.

लूकाल 13:24

“नना मीक वेहतह्‌नन, वेल्‍ला पसलेवदु उड्ला अग़दुह्‌कु, देवुळता राजेमतगा नेङलाह ऊळाटु. बाराह्‌क इतेके वेल्‍लाटोर लोप्पा नेङलाह ऊळनुर, मति नेङ पग़वोर आयनुर.

इब्रितोर 12:4

पापि मन्कलोर मीक तिपल कीयनस्के,(येसुह्‌क आतप लेह्‌का,) मीक इंका मीवा जीवा ईयनाह पप्ळेम आया पोयो.

कुलुसितोर 2:12

मीट येसुना पेदिरते एतगा मुळ्न्दिस तेदतस्के, मीवा पापम बुदतुन, किर्स्तुना संगे गुमयाते मिसतप लेह्‌का आता. देवुळि बेद बेरा लावते ओन डोलतोरग्डाहि जीवा अर्हता, अदे लावता पोग़ोन मीट विस्वस कीतिर. कीताह्‌कु (अद मीक पूना पिसमुळ ईता. पूना पिसमुळ दोर्कताह्‌के,) मीट वने किर्स्तुना संगे जीवा अरतप लेह्‌का आतिर.