बळयिर 9:40 - माडिया गोंड पवित्र सास्त्रम

⁴⁰ पया पत्रु सबेटोरिन पलते पेहचि, मिंडाङ कोटिस देवुळतुन अर्जि कीतोग़. कीसि पया सेत्तातके ऊळिस, “ए तबिता, तेदा,” इतस्के, अद आंचाळि कोंडाङ नाह्‌किस पत्रुन ऊळता, ऊळिसि तेदिस उदता.

बळयिर 9:40 Referans Kwoze

मत्याल 9:25

अगा वाता मुडुन ओग़ पलत पेहतस्के, पिला मता जागातगा येसु नेङतोग़, नेङिसि ताना कयदुन पोयतोग़, अस्के अद हाता पिला जीवा अरता.

बळयिर 7:60

पया मिंडाङ कोटिसि बेरा लेङते “ए सामि, वेर मन्कलोर कीतद इद पापमता बद्ला ओरिह्‌क एमा,” इनजोर वळ्ह्‌किसि डोलतोग़.

लूकाल 8:54

पया येसु अद पिलाता कयदुन पोसि, “अले पिला! तेदा!” इनजोर जोरते इतोग़.

बळयिर 20:36

इव पोल्‍लोङ वेहचि, मिंडाङ कोटिस, ओरा संगे पार्तना कीतोग़.

लूकाल 22:41

पया ओरग्डाह उचुन जेक अन्जि, मिंडाङ कोटिस देवुळतुन इद्रम पार्तना कीयलाह आतोग़:

मार्कल 9:25

पया लोकुर वित वासि, अगा जमा आयनदिन येसु ऊळतोग़. ऊळिसि “एय वेग़ पेकान एव्डाल, मूकाल कीतद देयमतिन, नना नीक उकुम ईय्ह्‌नन, वेग़ पेकानाहि पेसिस अन. ओसो वेनगा बेस्केन मल्स वामा,” इनजोर दगा ईतोग़.

बळयिर 21:5

इन्जाय वारममेटा पया, माट मावा अग़दे दायलाह ओडाङ नितनद जागातेके पेसतोम. पेसनेके सबेटोर विस्वसिर तमाङ लोह्‌कनोर कतमतोरा संगे, माक सहरता पलत एवनाह ओतोर. अस्के माट सबेटोरोम अदे सम्दुरता उस्कोतगा, मिंडाङ कोटिस पार्तना कीतोम.

मत्याल 6:6

मति मीट बेस्के देवुळता संगे वळ्ह्‌कलाह इनजोर दाय्ह्‌निर अस्के, मीवा लोनलोप्पा नेङाटु, नेङिसि तेल्पतुन केहचि, मीट बोन्के दिसवा, मीवा देवुळदीपतोग़ बाबाना संगे वळ्ह्‌काटु. अस्के मीवा दिसवद कबळतुन ऊळवाल बाबाल मीक इनम ईयनोग़.

बळयिर 28:8

ओना तपेह्‌क दंड पोस विळ्सवाये मता, ओसो नेतुर पोटा वने दल्गिस मता. अस्के पोलु ओन ऊळलाह, लोप्पा अन्जि, तना कयदुन ओना तलापोग़ोन तासतोग़. तासिस देवुळतुन पार्तना कीसि, ओन सव्रे कीतोग़.