बळयिर 9:18 - माडिया गोंड पवित्र सास्त्रम

¹⁸ अस्केडा अस्केन सोलुनाङ कोंडानाहि, उय्का अरतप लेह्‌का बातालो अरता. अस्के ओनाङ कोडाङ पङ्ने आसि, ओग़ तोवयलाह आतोग़. ताना पया येसुना पेदिरते एग़ मीतोग़.

बळयिर 9:18 Referans Kwoze

2 कुरिंततोर 3:14

मति देवुळता वेह्‌च मोसानाङ केंजतोरा बुदते ओळियो, ओर गळ्स आतोर. नेंड वने इस्रयेलतोर यहुदि मन्कलोर, तमा जमा आयनगा, देवुळि ईस मतद पाळ्ना करलता अर्वनदिन केंजिह्‌तोर. मति ओरा बुदतुन बातालो मुळ्हतप लेह्‌कान मताह्‌कु, ओर सेतेम पोल्‍लोतुन पुनोर. किर्स्तुये ओरा बुदतुन तेग़िय पग़यह्‌तोग़.

बळयिर 22:16

इंजेके निमा आल्सेम केमा. अले तेदिसि, येसुना पेदिरते एग़ मीयना रिवज कीम; ओना पेदिर पोस केयिस, पार्तना कीम. अस्के ओग़ नीवा पापमतुन नोग़यनोग़,’ इनजोर इतोग़. (अस्के नना येसुना पेदिरते एग़ मीतन.)

बळयिर 2:38

इतस्के पत्रु इतोग़, “मीट ओर्वोग़-ओर्वोग़ मन्कल पापमता अग़दाहि जर मल्सि, देवुळ लोहतोग़ किर्स्तु इनवाल येसुराजाना पेदिरते एग़ मीम्ह्‌टु. अस्के देवुळि मीवा पापमतुन मापि कीसि, तना पवित्र जीवाता बर्कत ईयग़ा.

2 कुरिंततोर 4:6

देवुळि तना इद बूमतुन पुटिह कीयह्‌पा, ईकळताहि वेह्‌च दींचि इन्जि, वेह्‌चतुन पुटिह कीता. अदे देवुळि तना लावतुन माट पुनदना इनजोर, मावा जीवातगा तना वेह्‌चतुन पोतिह कीता. तना लावतुन येसु किर्स्तुना मेटे तोहचीता.

बळयिर 2:41

पत्रुना कबुरतुन केंजिस वेल्‍लाटोर विस्वस कीतोर, विस्वस कीसि, येसुना पेदिरते एग़ मीतोर. अद दिया जोक-जोक मूंड अजर्क मन्कलोर विस्वसिरा मुडगा कलियतोर.

बळयिर 9:8

पया सोलु तेदिस कोंडाङ नाह्‌किस ऊळनेके, ओग़ मुर्तिय तोवोग़. अदिनेनाह्‌क ओना तोळतोर ओनाङ कय्किन पोसि, दमिस्क सहरतगा ओतोर.

बळयिर 9:17

ताना पया अनन्याल येसु वेहतद लोतगा अन्जि, सोलुना पोग़ोन कय तासिस, इद्रम इतोग़, “ए सोलु तमो, निमा इगा वायह्‌पा, अग़दे नीक दिसिस मतोग़, ओग़े येसुसामि, निमा तोवयना ओसो देवुळता पवित्र जीवाते पूरा निंदना इन्जि, नाक लोहतोग़,” इनजोर इतोग़.

बळयिर 9:19

पया गाटो तितोग़ अस्के, ओन्क लाव वाता. अद्रमे पया सोलु दमिस्क सहरतोर विस्वसिरा संगे, वेल्‍लाङे दियाङ मतोग़.

बळयिर 22:13

ओग़ नयगा वास निचि ‘सोलु तमो, निमा तोव्‍म,’ इनजोर इतोग़. ओग़ अह इताहे, नना तोव्स ओन ऊळतन.