बळयिर 8:9 - माडिया गोंड पवित्र सास्त्रम

⁹ इंजेके अदे सहरतगा, पूजर-गूनिङ केवाल सिमोन पेदिरतोग़ मन्कल मतोग़. ओग़ तनाङ गूनिने सामरिया जाततोरिन पकाय बामिह कीसि, ननाय बेरोग़ गूनयानन इनजोर वेहचोर तिरियिंदोग़.

बळयिर 8:9 Referans Kwoze

बळयिर 13:6

अद्रमे पया कुपरुस देसेमता उंद दुस्रा बाजेतके अन्जि, पापुस इनदनद सहरतगा एवतोर. अगा ओर्वोग़ पूजर-गूनिङ केवाल, बार-येसु पेदिरतोग़ यहुदि मन्कल ओरिह्‌क कलियतोग़. (बार-येसुनु इलिमाल वने इंदुर, युनानि पोल्‍लोते बार-येसुना पेदिर इलिमाल मता.) ओग़ु “नना देवुळता कबुरतोनन” इन्जि, लोकुरिन नाळेह कींदोग़.

बळयिर 5:36

बाराह्‌क इतेके, बेचोको वर्साना मुने, तियुदास पेदिरतोग़ ओर्वोग़, नना बेरोनन इनजोर नडुमिय पुटिस मतोग़. अस्के नालुङ नूह्‌क मन्कलोर ओनेके आस मतोर, मति बाताल आता, रोम सर्करतोर सीपय्क ओन हव्कतोर. ओनेके आस मतोर सबेटोर बिरोबटो आतोर, ओना कबळ मायता.

योहन 7:18

तमाङे विचर्किन वळ्ह्‌कवालोर, तमाये पेदिरतुन बेरा कीयलाह ऊळिह्‌तोर. मति नाक बोग़ लोहतोग़, ओनाये पेदिरतुन बेरा कीकन इन्जि, बोग़ ऊळिह्‌तोग़, ओग़े सेतेमतोग़ मन्ह्‌तोग़, ओनगा बातय जोल मनो आस्ता.

बळयिर 8:11

ओग़ वेल्‍लाङे वर्साङ आनाहि तनाङ गूनिने, मन्कलोर बामनाह लेह्‌काडाङ कबस्क कींदोग़. अदिनेनाह्‌क कतमतोर लोकुर ओना पोल्‍लो बेस केंजिंदुर.

तोहचीतव पोल्‍लोङ 22:15

मति देवुळताङ पोल्‍लोन पास्कवालोरु, ओदेङ पंडवालोरु, साट्याल कबळ केवालोरु, हव्कवालोरु, पेन-बोमान मोळ्कवालोरु, जोल पोल्‍लोङ कीयलाह गिर्दा आसि मनवालोर सबेटोरु, अद सहरता लोप्पा ओळिय पग़वोर.

2 पत्रु 2:18

वेर पोमाडेङ पोल्‍लोङ वळ्ह्‌किह्‌तोर, मति अव पोल्‍लोङ बेदिह्‌के अरवोङ. अह वळ्ह्‌किसि, वेर लजालेवा लाग्वाङ कबस्कना मेटे, लेसतोर मन्कलोरग्डाह पेसिसि, सेतेमता अग़दे पूनाङ-पूनाङ वातोर मन्कलोरिन, मेंदुदाङ लालुस्कने एग़्किह कीस्तोर.

2 तिमोति 3:5

वेर अमेसा देवुळतुन सेवा कीतप लेह्‌का, सोङ कीयनुर; मति ताना लावतुन निटम मानेम आयोर आयनुर. तिमोति, निमा इद्रमतोर मन्कलोरग्डाह जेक मन.

2 तिमोति 3:2

मन्कलोर दुस्रोरिन सीता केवा, कुदतासाटिये आलिह कीयनुर, कोताना लालुस कीयनुर, पोग़यसोर तिरियनुर, मोर्दोप आयनुर, देवुळतुन पास्कनुर, तलोग़-तपेरा पोल्‍लो केंजोर आयनुर, दुस्रोर बेस कीतदिन सीता केवोर आयनुर, देवुळतुन मुर्तिय सीता केवोर आयनुर,

2 तिसलुनितोर 2:4

ओग़ लाग्वोग़ मन्कल ननाये निटम देवुळतन इनजोर वेहचि, देवुळता मंदिरतगा उदनोग़. मन्कलोर मोळ्कनव सबे पेन्क-हानास्क, सबे देवुळ्क नावा मुनेह बाताङ इलेङ इनजोर, ओग़ पोग़यनोग़.

बळयिर 13:8

मति ओग़ गूनयाल बाताल कीतोग़ इतेके, बार्नबस, सोलु, वेर इर्वुरा अडम आसि, वेग़ गुमसि येसुन विस्वस कीयनायो इनजोर, ओन रोमिह कीसोर मतोग़.